MAZMUR 37:8 - ALLAH NIHYET MEM TUNGWATU NYA

⁸ Ma jikrop je leu gima jingon sibui sut yok kin jingon di koi kep yok lewo gima hagom nok puig di bie ndam mun di buhun mem je.

MAZMUR 37:8 ပူးပေါင်းရင်းမြစ်များ

NIBOU NDIG NYA GI NIGOM 11:22

Lene nibou ndig buhup “Leu nggon i? Apo ayemti kin asuarti nya dem mem na ei minu dini bi apino ajoi sut angkwei hanyen ug ei atimieisi hanyen e?” Hadad buhup bak “Diyemti kin disuarti nya ne dem mem da noro ma asindui sut da biduug.” Lene Hadad ngkwei hanyen ug ei nitimieisi.

AYUB 18:4

Ade niggati dima bindei ba, angon sibui apino atug ndei ninghuisi wei. Suar dihyeisi dini bitut tungwatu di ibong niti nya isar hak ba, nungug nya son leu nijoti lene gima bindei ba, angon cut hon e?

AYUB 5:2

Yo di ingon mbum nya yongkom itug ndei nimai drek dip gi indron hiter.

MAZMUR 116:11

Tirigi dingon tai-tai bou ne dikan “Tungwatu nya yahagom ingon mang. Bit bon siba singon com yok bi sren.”

MAZMUR 31:22

Dinggei sut tuhan! Lewo ningon ngakeisi bibon ninggap leusi nindig bibor mem da mpe di igyon siceu ttai da bihwen da.

MAZMUR 73:15

Gino dani dipai bram yo pima ipaisi lene gima dem kep nok dibakilak amunggwom bat di nijam dini.

NIPINGOK NINGONTI 14:29

Yo di ingon ki nya igga haninyai bi noro yo di ingkek ndok nya yoom ingon kan bi.

NIPINGOK NINGONTI 16:32

Noom ningonti kei bibor dor njiriek ninyeng jeisi. Gino aom kep angut kanti nya ne gima kei dor njiriek ninyeng tak kep minu ndigsi nya.

YUNUS 4:1

Yunus joi sut timiei minu ndig Niniwe igyai munti dima bi. Gima rino ningon sibui nindig bibor.

YUNUS 4:9

Noro Allah buhup “Dem mem gima angon sibui drek dip njita nimeng di mui dima bi.” Leu api Yunus buhup “Dem mem gima dingon sibui bidimai drek dip hak ug!”

EFESUS 4:26

Gino jingon sibui sut tungwagom lene ma jisindui sut jide ningon sibuisi dima bindei bijicut ug ei sisarti au. Ma jikes hon ba, jingon sibui kikau ug bipek mmun kep au.

EFESUS 4:31

Ma jikes hon ba, jingon koi kep yam bijingon sibui sut yam au. Lene ma jigga yam ba, jiliriem yam bijipai yam nghapti ba, jipu juhui tut yam cem bu au.

KOLOSE 3:8

Noro tini bu lene ma jicom mun di suwok dima yok hagom ei ting leu je. Ma jingon sibui sut yam cem jigga yam cem jiwok yam cem bu au. Ma jipu juhui tut yam bijipai nimmai joti biyam bu au.