MAZMUR 37:39 - ALLAH NIHYET MEM TUNGWATU NYA

³⁹ tuhan teu yo di ingon sren nya binyohou yok ei mpe dino mun di buhun om kep yok.

MAZMUR 37:39 ပူးပေါင်းရင်းမြစ်များ

NIBOHON MBEN ISRAEL GI NIGOM 5:20

Tentara dima yok iba ingon com Allah ba, yahara bak leu binhyepo mpu yoni. Leu api Noni buhup ighyet bisindem tut yok leu binhyepo ibindei timek mben Hagri nya bitut tentara ngkiai di itti kin yok nya yahagom.

NIBOHON MBEN ISRAEL GI NICAN 32:22

tuhan ba nisinati dima biteu Nibou Ndig Hizkia kin timiei minu ndig Yerusalem nya leu Sanherib di nok nibou ndig mem mben Asyur ninda nsi kin ide siceu nindigsi nya inda nsi cem. tuhan bindei ba, timiei Yehuda nya ibong kei igwam kei leu ba, mben ngkiai leu minu di gahai yok nya igiwaisi yok bi.

MAZMUR 28:7

tuhan ne No di nyohou da ba, ya srak ko hagau da ri. Diba dingon com Noni. Noni mpu da ba, bibon dingon nggei-hi-nggei. Gima rino diba doia nibipai sigyo binggei sut Noni.

MAZMUR 3:8

Ditde tuhan Allah e, ateu da bidinggwes ngun. Akes hukum ei ditde siceu di iba nitok bida nya dip lene abindei ba, yahagom imig lit cem.

MAZMUR 34:20

Mun di buhun mang bibor cut igkep no di singat kei noro tuhan teu noni biningwes ngun leu hagom.

MAZMUR 46:1

Nimpung Korah ide doia mem no di bie tut doia nimpung. Iba doia Alamot bibrim.

MAZMUR 46:2

Allah ne mpia di igya coi ba, ide nisindemti cem ri. Noni yai nibou tut gima mpu nye ei mpe dino mun di buhun bibor cut igkep nye.

MAZMUR 62:2

Diba dinnei di jo nyahan bibet dingon mem Allah. Danti dingwes ngun tug hon Noni he.

MAZMUR 9:10

tuhan nok tring behei bicuon yo di ide siceu nya ico kep yok igyaisi. Noni ne mpia di mem yo di yuum mun di nggruk nya igya nding ri.

MAZMUR 9:9

Noni ba ningon gom binyeng tak kep ngkiai nya hak. Noni ba ningon di sren kei bimbus ingonti cem.

MAZMUR 91:15

Tirigi yahara Da lene dibuhup ighyet. Tirigi mun di buhun cut igkep yok lene Dingat rin bit yok biditeu yok bingwes ngun ba, dikon inyeng cem.”

NIPINGOK NINGONTI 11:8

tuhan teu no di ningon kwes kei leu mun di buhun di cut igkep noni biningwes ngun. Mun di buhun kriau noni leu api ndei no di sibut.

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

YESAYA 33:2

tuhan e, ma angondut nye. Niyok ningon mem Na. Ma acuon nyeni niyaisi bikwop njap ngwa hagom. Ma ateu nye biningwes ngun tirigi mun di buhun cut igkep nye.

YEREMIA 15:20

Midibindei ba, anok ngug ngkimom-tembaga bou yo dima igyai him. Mbro nok gino ihwen bit na lo, ibindei timek na kan bi. Lewo midingat rin bit na leu binhyepo diya srak ko hagau na. Miditeu na ba, angwes ngun.

DANIEL 3:17

Nyende Allah sindem mem gima teu nye leu hum nindig bibor di ninjeng cig-cai dima biteu nye leu na di Andigpoi anda nsi cem.

YUNUS 2:9

Noro midipai doia ba, dibinggei sut Na bidibui mindhe tut ninggrom ei Aho bei bidiyai igbit mun di dipreu ei mem Na hagom cem. Nani ne tuhan di teu tungwatu nya leu mun di buhun tak yok ri!”

EFESUS 2:8

Jide niba ningon com Kristusti bindei ba, jiyai niteu leu sisarti kin niyaijo nijep tug hon Allah nisingat tut jeti. Jitug ndei niteu leu sisarti tug hon jiyai munti nya bi noro tug hon Allah nisingat tut jeti leu binhyepo bit bon hi ningon jei sut nonti drek dip niyai munti nya kan bi.

KOLOSE 1:11

Handei kon ba, Allah ba Nide nisindemti di mindur bibor bisindem tut je leu binhyepo jiba jibou coi mem yo di ihwen bit je ba, joom jingon tut yok ba, jingon llei bibor,

2 TIMOTIUS GI NICAN 4:17

Noro Tuhan ya kui da bisindem tut da leu binhyepo ditri tut Nihyet Di Kei titut yam ba, ngkiai nya yahagom imiap Nihyet Di Kei dima tu. Ba, Allah teu da bidingwes ngun leu yo di itin ei mem igyai nimai bida nya indati.