MAZMUR 37:32 - ALLAH NIHYET MEM TUNGWATU NYA

³² No di sibut kos dik sir no di ningon sren nimbutti bipi bihwen noni.

MAZMUR 37:32 ပူးပေါင်းရင်းမြစ်များ

KISAH 9:24

Noro hi mbot kep tut ingon kanti dima binoni. Yo dima ikos dik sir simpak nitausi nya bikwop mmun-njap bipi bihwen noni.

LUKAS 20:20

Gima rino inggok nituti di kei bibor. Iba mitiei bingot kep ibou poi di ibon yonti dem kep nok yo di ingon sren nya. Yo dima yuug hig simber Yesus leu binhyepo iba nibuhup biyokti bisrou Nonti hanyen leu api ibikes Noni ei nibou pemerinta nindati.

LUKAS 14:1

Ei Njap Nigwam Kep Ninghuisi gom lene Yesus ug yem njita bit nibou Farisi gom lene tungwatu nya itou kep Noni nggilun.

LUKAS 11:54

ibingon mem gima iba nimbrap tunggweisi bisrou Nonti hanyen.

LUKAS 6:7

Guru Puig Yahudi nicukti kin Farisi nya cem inggok biken tirigi ipai kep Yesus drek dip niyai mun tunggweisi bigyok igyai kep gino Noni bindei ba, tungwatu nya ikei hanyen mem Njap Nigwam Kep Ninghuisi.

YEREMIA 20:10

Dimiap tut yo di yahamui nyahan bidem minu ighyet di ipai “Ningon ttin biborti kieng kep minu! Jikwei ba, iba kilak Yeremia bak nibou nya!” Disut bat di dingon kieti nya cem imem kep ser dicutti. Isimbot kep biyam “Ma ibingon mem gima iba ninsi di mmau biris noni leu api noni micut bak nyeni. Leu binhyepo ikat noni ba, iba ingon di mbuk birop hanyen bak.”

MAZMUR 37:12

No di sibut tin ei ningon kanti di kinei mem no di ningon sren. Ningwak mbriu sut ba, ningon mpo tut noni cem.

NITRITI 39:16

Lene noni kon Yusuf de sinsun pima ei mem nijjep nikwei tausi.

SAMUEL GI NIGOM 19:10

Leu api noni ba nide micim bihwen Daud di ya kui dring noro Daud pri leu micim dima bitibim dringti leu api nang leu ig bei nsi dima ba, ningwes ngun.

SAMUEL GI NIGOM 23:14

Gima leu lene Daud bong-bong nyen ei hak mihyeti ngot di jo ei nungug him dideu iggum ndigsi Zif. Saul huk-huk nyen Daud kikau noro tuhan gi kes noni ei nibou ndig Saul nindati bi.

NIBOU NDIG NYA GI NICAN 6:13

Lene nibou ndig cuk yok bipai “Ma jinggok ser no dima leu binhyepo duug kat noni.” Lene hi pai Elisa ninghapti bak bipia no bong ei Dotan.

MAZMUR 56:7

Ittei nimpung bigwam ei nikuti bigyok igyai kep diyai munti nya hagom cem ba, inggok nituti dima igyai nimai bida.

NIPINGOK NINGONTI 24:15

Ma ayai bram yo di isibut nya di igyok ingon gom mem gima ipos mitiei kin ig leu yo di ingon gom nya igyai kepti nya au.

YEREMIA 11:19

Didem kep domba di ijem nyahan ug ei mpia di ikos kep domba nya eisi. Ikos tut ingon kanti di kinei dima mem dani lo, digikan tut bi. Yuhum yam nsi “Jikwei ba, iwim biei di ngat ningat kei dini. Icok tut noni hak ug leu binhyepo tungwatu ingon prion ser ninyeng hak ug.”

YEREMIA 18:23

Noro tuhan e, akan bidem tut ide nuhum yam nsi mem gima igyai nimai bida. Ma akos ser igyai munti di kinei kin ide sisar au. Ma abui yok ba, anjei yok bibou icut ug e. Ma aba angon sibut biborti biyai yok.”

DANIEL 6:5

Gima rino nibou nya kin yo cin di ingig igyai kep nindigsi nya pima yuhum yam nsi binggok tut Daniel niyai mun tunggweisi nya mem gima ibipai kep noni drek dip. Noro ingat nitunggweisi nya hi bi sren. Lewo Daniel ningon gom ba, bon kep mun di kinei biris ei tungwatu nya dip cem bi.