MAZMUR 37:28 - ALLAH NIHYET MEM TUNGWATU NYA

²⁸ Lewo tuhan ningon llei ndam niyai munti di sren kei nya. Noni mikes Nide limwa di ingon gom nya bihigom ei bi sren. Noni nyohou yok bijo ninno bijo kikau. Noro Noni mibindei timek yo di isibut ide nintun him yamti di bram yam bingwig.

MAZMUR 37:28 ပူးပေါင်းရင်းမြစ်များ

AYUB 18:19

No dima yai nimunggwom bat nya kin nide nintun him yamti di bram yam nya hi bi ba, tungwagom ngat cem ningat rin ei nidihyei bi.

AYUB 27:14

Gino ibon imunggwom bat nya imang lene yoni mimai ei pranti ba, ignyon bat nya imati kin igyemti midem mem yok haigtu bi cem.

MAZMUR 11:7

tuhan singat kei ba, ningon sren-srau. Ningon ngakei yo di ibon mun di kei nya. Yo di ingon sren kei nya mingat tuhan Ningat igbit.

MAZMUR 21:10

Noni micut igkep yok nok hum di ninjeng cig-cai bibindei sar yok. tuhan miba hum di bindei ngkiong yok bidip tut yok tug hon nigga biborti.

MAZMUR 37:25

Ei dipileisi kikau kwei bipek diwer andig-ndausi dini ne dingat lo, tuhan kes no di ningon sren ei bibindei ba, nimunggwom bat nya inggunggia huk tungwatu nya bihi bou diyai him bi sren.

MAZMUR 37:40

Noni mpu yok biteu yok bingwes ngun leu yo di isibut nya indati lewo igwam coi Noni.

MAZMUR 99:4

Na di nibou ndig di asindem bibor e, angon ngakei Ade nikos tutti nya. Ata ningon sren-srausi kin nicukti nya kin nisingat tut yamti ba, abipingok kep Ade limwa nya ingonti leu binhyepo ibon mun di igbit ningkom.

NEHEI LEUSI 20:5

Harin dima jikuk je bak kwar nya a. Lewo Dani ne tuhan ba, dinok jide Allah rin ba, dikou sut kwar di tungwatu nya ikuk yok bak nya. Mem yo di ingon kinei sut Da lene midikes hukum ei yok dip kikau ug bipek imunggwom bat nya kin ignyon bat-idrot bat nya kikau ug bipek ide nintun him yamti di bram yam nya nimpung gi niningai kin nibitai bu.

NIPINGOK NINGONTI 2:22

Noro Allah mipos yo di imbuk nya kin nibon kep sisar cig nya leu minu dini dem kep nok no di hom mintu-minta leu njita kioi bicom hak ug.

YESAYA 30:18

Mbro nok gima lo, tuhan mem kep ser nituti tirigi Noni ngondut je. Noni tin ei mem gima singat tut je lewo Noni ne tuhan di bon mun di igbit. Yo di iba ingon com Noni igyai ingon di nggei-hi-nggei.

YESAYA 59:21

Dibon nipreu ei mem jeti nok gini. Diyai Ditde nisindemti kin dingginausi bije bijo ninno bijo kikau. Njap di ammani kui ne ma jiba dihyet bingginau jimunggwom bat nya leu binhyepo ibingginau imunggwom bat nya leu nintun him yamti di bram yam ug ei nintun him yamti di bram yam gi bram bu bijo ninno bijo kikau.”

YESAYA 61:8

tuhan pai “Dingat dingwes ei yo di ingon sren-srauti lo, dingon mpo tut yo di isibut nya kin yo di ico kep hiter nya. Midiba dingon di gom biyai amuhup bina bidiba nipreu di jo ninno bijo kikau bipreu ei mem na.

YEREMIA 9:24

Tungwa tou rino llei sut mun nyeng hi lene suar llei sut gi noni kan tut Dani biningon dorti tut dingon kanti nya. Lewo dingon ngakeisi jo ninno bijo kikau ba, dita nikos tutti nya di mungkun kei kin ningon di sren tut yamti ei dihyeisi bingkiem-kiau. Dijoi sut mun dini yok hagom. Da di tuhan disimbot dat tu.”

YOHANES 15:9

Dingon ngakei je bit leu nok Dicig ningon ngakei Da. Ma jicom jigau ninghig-niker ei Dati leu binhyepo dingon ngakei je.

YOHANES 5:24

Dipai nijit bije bipia no di miap dihyet bibit leu api ba ningon com No di cuk Da kwei yai niyaijo nijep di jo kikau ei ningonti tu. No dima mitug ndei hukum bi noro hei leu nimai bicoi ei niyaijo nijepti bu.

PETRUS GI NIGOM 1:5

Mun dima yok hagom jo ei mem je lewo jingon jo kep Allah tu. Ba, Allah de nisindemti nyohou je kikau leu binhyepo jiyai niyaijo nijep di jo kikau di Noni ndo brei mem njap ningwig honti.

YOHANES GI NIGOM 2:19

Yo dini inok gom kin nye di mbusyamei bi. Gima rino ikes nye ei bimbut leu nye tu. Gino inok gom kin nye di mbusyamei ne igwam bit nye kikau kwei bipek ammani kep. Noro ikes nye bimbut leu nye tu ba, gini bindo bipia inok gom kin nye bi.

YUDAS 1:1

Srat dini leu Yudas. Dinok awak mem Yesus Kristus ba, dikindig rino Yakobus. Ba, srat dini mem je dino Icig Allah dimig je tu di jingon dorti tut Nide ningon ngakei jeti kin Yesus Kristus ninyohou jeti.