MAZMUR 37:27 - ALLAH NIHYET MEM TUNGWATU NYA

²⁷ Jimbres jenti leu sisar lene ma jiyai kep jiyai munti di kei nya leu api jide nintun him yamti di bram yam nya mibong kei migwam kei ei idihyei bijo ninno bijo kikau.

MAZMUR 37:27 ပူးပေါင်းရင်းမြစ်များ

AYUB 28:28

Allah pai bak tungwatu nya “Suar jiba nibou di cut bak Allah bikon ninyeng mem gima jibiyai ningon ki leu Noni. Ma joom jenti ei minu ting leu mun di kinei nya leu binhyepo jibiyai ningon dor niti leu Noni.”

MAZMUR 102:28

Noro Nani ne noyam kikau ba, ayaijoti ug hon nohonti bi sren.

MAZMUR 34:14

ma noni pijuk nidwep ser nhyema pai tungwatu nya kinei biris mun au.

MAZMUR 34:15

Suar mbres nonti leu sisar biyai kep niyai munti di kei nya ba, bingon tut ningon jo nyahanti kikau cem.

NIPINGOK NINGONTI 16:17

No di ningon kwes kei mbres nonti leu mun di kinei nya. Noni cuon niyaisi tug hon gino sok kep nonti tut niyai munti nya.

NIPINGOK NINGONTI 16:6

Allah mikos ser ade sisar gino angon gom tut Noni. Noni micuon igyaisi leu binhyepo mun di kinei bibor cut igkep yok bi.

TESALONIKA GI NIGOM 5:15

Ma hi ba nimbuk birop hanyen bak no di yai mun tunggwei sut noni au. Noro ma jita jibou ei gi jiba jingon di kwes birop hanyen biyam ba, birop hanyen bak tungwatu nya yahagom cem.

2 TIMOTIUS GI NICAN 2:19

Noro cou nipmem di Allah ta ei su dima nddong kei ba, bit bon tungwatu nya ikit-kit nyen kan bi. Srat bokti di jo ei cou nipmem dima dip pai “Tuhan kan igbit Nide limwa nya.” Ba, hi kin bu pai “Ma tungwa tou rino pai sut nonti bipia noni ne Allah de limwa rin mbres nonti leu mun di kinei hagom.”

TITUS 3:14

Ma yo di ingon jo kep nya di inggre kin nye ita ibou ei ide midyai di kei biborti nya leu binhyepo iba mun di ibon bou inda him bahati tut yo di yuhui mbum nya. Ma ibong biei nda dip kep ig au.

TITUS 3:8

Nihyet dima ne nihyet di nijit ri. Dijoi sut ma asum ahyet ei mun di dipas kep dima hagomti bak yo di ingon jo kep Allah nya leu binhyepo ibrim ingkek mem igyai munti di kei bibor nya. Ba, igyai munti dima bon ninyeng mem gima ibimpu tungwatu nya yahagom.

IBRANI 13:16

Ma jingon prion ser nituti mem jahati tut yam kin jingon dut yam au. Lewo jiyai munti dima tereu nok midut nibui mindheti di bindei ba, Allah joi sut je.

IBRANI 13:21

Handei kon ba, Noni njei mun nyeng di kei hagom di jisuar mem gima jibibit Nonti ningon kanti bak jeni. Handei kon ba, Noni yai Nide midyai di joi sut ei ingonti tug hon Yesus Kristus di ya hacan mem nye. Ma inggei sut Kristus kikau buug hon nohonti bi! Igbit ri.