MAZMUR 37:21 - ALLAH NIHYET MEM TUNGWATU NYA

²¹ No di sibut dahat ndiyok leu tungwatu nya lene rop ningwam hanyen bi. Noro no di ningon sren ba ningondut yokti bikwas mun tut tungwatu nya.

MAZMUR 37:21 ပူးပေါင်းရင်းမြစ်များ

MAZMUR 112:5

No di singat kin no di bippiet nide mun di ma nya bak hiter kin no di ba ningon sren biyai midyai nya ne ningon nggei-hi-nggei.

MAZMUR 112:9

Noni kwas mun di nyeng tut nya tut hiter bikwas mun tut yo di yuhui mbum cem ba, niyai munti nya hagom kei kikau. Gima rino ninyeng jei ba, tungwatu nya ikon ninyeng cem.

NIPINGOK NINGONTI 22:7

No di nyeng tut ndigban ninyeng tak kep no di nuhui mbum. Gino hiter dahat ningwam leu nani ne anyeng tak kep noni.

YESAYA 32:8

Noro no di singat kei ningon gom lene ba ningon bisrip huk mun di singat kei ba, niyai munti nya cem singat kei.

LUKAS 6:30

Gino hi hara je tut mun nyeng hi lene ma jiyai binoni hak ug. Gino hi pos mun di jinyeng tut leu je lene ma jahara bipia tug hanyen bije au.

KISAH 11:29

Gima rino yo di ibit Yesus ice tut yam hyet bikwas mitiei tut isut bat yo di ingon jo kep nya ei hanjop Yudea. Bikwop tungwagom-gom kwas mitiei bit leu nimati nya.

KISAH 20:35

Lewo dindo bindo bije tug hon nisinati hagom tu leu binhyepo jijoi bibor ba, jita jibou ei midyaiti leu binhyepo jibingondut yo di isindem bi nya. Lewo suar jiyok ngon kep Tuhan Yesus Nonti nihyet di pai ‘Tungwatu nya igyai nillei tug hon ide ningondut tungwatu nyati leu gima igyai mun di yo di hiter ibingondut yok a.’ ”

KORINTUS GI NICAN 8:9

Jikan tut ide Tuhan Yesus Kristus nisingat tut nyeti di nindig bibor. Mbro nok gino Noni nyeng tut mun nyeng hagom lo, kes mun dima yok hagom ei leu bibibon Nonti nuhui mbum drek dip je leu binhyepo ba nuhui mbumti dima bibindei bijinyeng bibor.

NINDAT KEP TUHAN NICUKTI NYA 28:12

tuhan mibindei but biget bit nijam kwei leu biget nibousi di mpung bipias hagau ei mpia-bbed him. Noni miyai gi kei bije tug hon jide midyai di jibrim jingkek tut nya hagom apino mijicom ningwam bak ngkiai nya imang noro jeni mijidahat ningwam hanyen leu yok kan bi.

IBRANI 13:16

Ma jingon prion ser nituti mem jahati tut yam kin jingon dut yam au. Lewo jiyai munti dima tereu nok midut nibui mindheti di bindei ba, Allah joi sut je.

IBRANI 6:10

Allah ningon sren-srau. Ningon miprion ser jiyai munti nya kin jide ningondut yamti di jindo biNoni tirigi jahati tut jisut bat yo di Kresten nipou cem nogindini cem bi.