MAZMUR 37:18 - ALLAH NIHYET MEM TUNGWATU NYA

¹⁸ tuhan nyohou yo di ingon sren. Mun di iba yokep nya mijo mem ide nintun him yamti di bram yam nya bijo ninno bijo kikau.

MAZMUR 37:18 ပူးပေါင်းရင်းမြစ်များ

MAZMUR 1:6

Lewo tuhan bie tut yo di ingon sren nya binyohou yok noro yo di isibut nya no ikak puig di bie ndam nimai.

MAZMUR 103:17

Noro tuhan ningon ngakeisi kin nisingat tutti jo ninno bijo kikau mem yo di ikuk yok bak Noni buug ninno mem ide nintun him yamti di bram yam nya,

MAZMUR 16:11

Ba, ando puig di bie tut da ndam niyaijo nijep. Dingon llei bibor ba, dingon nggei-hi-nggei cem bijo ninno bijo kikau lewo aya kui da.

MAZMUR 21:4

Na di Allah aya um nibou ndig ba, anjei mun di kei mpung bipias hagau bak lene aba topi mas bijuk nibou cem.

MAZMUR 31:15

Noro tuhan e, diba dingon com Nani. Lewo Nani ne ditde Allah ri.

MAZMUR 31:7

Angon mpo tut yo di ikuk yok bak kwar nya. Noro tut dani ne diba dingon com Na di tuhan.

MAZMUR 37:13

Noro tuhan pa ndip yo di isibut nya lewo Noni kan tut bipia igyaijo ningwig honti dideu su.

MAZMUR 49:5

Midiyok ngon kep nihyet nibiti nindati ba, dipai nisinati tut tirigi dikek nggong mbrei.

MAZMUR 73:24

Aba apingok dati nya bibie tut da leu api mporo aba anggei sut dati buum da ei ningwigsi.

NIPINGOK NINGONTI 2:21

Lewo yo di igyaijo bit leu Allah ningon kanti mem yok di ingon sren nya yongkom mibong kei migwam kei ei minu di tuhan preu ei mem nye a.

YESAYA 60:21

Ade limwa nya mibrim ingkek mem mun di igbit. Yoni miba yo kep minu dima bijo ninno bijo kikau. Inoyam kin biei kioi gom di dipai tes bidita leu binhyepo bindo tut Ditde nikei-kau-keisi ei nibreisi.

MATIUS 6:32

Lewo yo di igwam Yesus ninghim ingon bos-bos nyen tut mun dima yok hagom bijo ninno. Jicig ei gwamti kan tut mun di jisuar dima yok hagom tu.

ROMA 5:21

Gi nok lene suar nyeni yahagom itug ndei nimai lewo ibon sisar tu. Noro Allah singat tut nye bitin puig di bie ug ei ingon kwes kin Noni hanyenti. Gino ingon kwes kin Noni hanyen tu ne Noni miyai niyaijo nijep di jo kikau binye tug hon ide Tuhan Yesus Kristus.

ROMA 6:23

Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.

NINDAT KEP TUHAN NICUKTI NYA 33:25

Iba ngkimom nitu bibon dimbou di itu ei ngug tig di bikrop ttai ide minu nya hagom cem. Leu binhyepo mun di kinei micut igkep yok bi ba, ibong kei igwam kei kikau.”

2 TIMOTIUS GI NICAN 2:19

Noro cou nipmem di Allah ta ei su dima nddong kei ba, bit bon tungwatu nya ikit-kit nyen kan bi. Srat bokti di jo ei cou nipmem dima dip pai “Tuhan kan igbit Nide limwa nya.” Ba, hi kin bu pai “Ma tungwa tou rino pai sut nonti bipia noni ne Allah de limwa rin mbres nonti leu mun di kinei hagom.”

YOHANES GI NIGOM 2:25

Kristus nonti preu ei mem nye tut niyaijo nijep di jo kikau.