MAZMUR 37:10 - ALLAH NIHYET MEM TUNGWATU NYA

¹⁰ Jei bi lene yo di isibut nya mipror leu nye. Gino jinggok ser yok lene mijingat yok bu bi.

MAZMUR 37:10 ပူးပေါင်းရင်းမြစ်များ

NIBOU NDIG NYA GI NICAN 9:25

Leu api Yehu pai bak Bidkar di nok tentara gom di hati tut noni “No ayok ngon kep mpe di po sibri kuda pran ba, sibit Ahab di Yoram nicig pima yo e? Mpe dima lene tuhan pai bak Ahab ‘Dikan tut no di yai nimai bak Nabot kin nipmot bat nya annani tu ba, dipreu ei mem na bipia midikes hukum ei na dip ei miaisi dini cem yo.’ ” Lene Yehu binut nihyet bu “Gima rino ma akon Yoram ningut ba, anjei ug ei miaisi di Nabot de dima hak ug. Leu binhyepo Allah nikes hukum ei noni dip dima mimbut bicut igkep noni hak ug.”

ESTER 7:10

Apino yoni ipindur Haman ei cou dihim di Haman nonti tas ei mem gima bipindur Mordekhai eisi leu api nibou ndig ningon cut leu nigga biborti.

AYUB 14:10

Noro gino tungwatu mai su lene mai bihigom. Noni kes dihyeisi dini ei lene ug ei siritou bu i?

AYUB 20:5

no di sibut ningon nggei-hi-nggeisi jo jei bi. No di miap nihyet bi cem ningon keisi jo jei bi noro dem kep niyai mpau di bingmai he.

AYUB 24:24

No dima bong kei gwam kei lai-laide he noro niabiati bu ne ug mai bijo ninno bijo kikau. Noni mimbris noyam kin mintu-minta di bon ninyeng bi ba, noyam kin pas nimbeu di ikos leu nintam.

AYUB 7:21

Bit bon akos ser ditde sisar bi sren e? Dem tut gima adip tut ditde sisar bi sren e? Jei bi ne midiprion dingut ei jui nsi apino mporo anggok da lo, angat dingat bu bi sren.”

MAZMUR 103:16

Mpe dino hou kuisi lene nitou kieng leu api pror hanyen ba, hi kan tut nijoti bu bi.

MAZMUR 49:10

Lewo niyaijo nijep di jo kikau kin ningwes ngun leu nimai eisi nibok kak bibor.

MAZMUR 52:5

Angon ngakei mun di kinei bibor dor njiriek mun di kei. Ajoi sut niris mun dor njiriek mun di nijit.

NIPINGOK NINGONTI 14:11

No di ningon kwes kei de ig nddong kei niabiati no di ningon mbum de ig mitti binggun.

PETRUS GI NIGOM 4:7

Son dideu njap ningwig honti tu. Gima rino ma joom kep jingonti ba, jiyai ngkiem cem leu binhyepo bon nituti mem gima jingat nadi.