MAZMUR 36:6 - ALLAH NIHYET MEM TUNGWATU NYA

⁶ tuhan e, angon ngakeisi kui sur mpia-bbed him ba, angon gomti kui bipek kin bumbuhui nijunti.

MAZMUR 36:6 ပူးပေါင်းရင်းမြစ်များ

NITRITI 18:25

Dem mem gima acok tut yo di ingon ngun kin yo di ingon mui yahagom srig yamti bi. Gima igbit bi! Bit bon ayai nok gima bi! Gino ayai nok lene yo di ingon ngun nya mitug ndei hukum noyam kin yo di ingon mui nya lene gini dem tut bi. Suar no di nok nikei mem mpia-bbed him kin dihyeisi dini ba ningon sren biyai nibou tut.”

NEHEMIA 9:6

Lene mben Israel ingat nadi, “tuhan e, Nangkom anyeng jei bibor. Apai tes mpia-bbed him bitut ham di joti nya kin dihyeisi kin muk ngeisi bitut mun di joti nya hagom leu api abindei ba, igyai niyaijo ba, anyohou yok cem. Nisindemti nya ei mpia-bbed him hagom ikuk yok binggei sut Na.

AYUB 37:23

Ide Allah de nisindemti nindig bibor. Isindem mem gima idideu Noni bi. Ningon sren-srau lene ba ningon di gom bibon tungwatu nya bijo ninno bijo kikau. Noni co kep tungwatu nya bi sren.

AYUB 7:20

We! Na Di Aya ser da e, ditde sisar bindei ba, mun nyeng hi sar leu Na e? Nggon rino adimig da ei ba, arok kik da leu binhyepo aprindei da i? Apo dinok mun di buhun di buhun tak Na e?

MAZMUR 145:9

Noni singat tut tungwatu nya yahagom ba, ningon nggriu sut mun di Noni pai tes nya hagom.

MAZMUR 147:9

Noni kwas njita tut mindhe-ndhe nimuhup tu nya kin miniwou nimien di dwas-dwas nyen cem.

MAZMUR 31:20

Ade nisingat tut tungwatuti di atin ei mem yo di ittin tut Nani dima nindig bibor! Tungwatu nya yahagom ingat Ade nisingat tut yo di igya coi Na.

MAZMUR 71:19

Allah e, angon sren-srausi kui sur mpia-bbed him. Ade nibon munti nya nindig bibor ba, tou rima noyam kin Nani i?

MAZMUR 77:19

Kru cut ba, nugwei bong. Kigyei ninjeng srei ba, dihyeisi dini ugwa-kwei bidigit tut cem.

MAZMUR 92:5

Lewo abon munti nya biyai dingon di nggei-hi-nggei. Diba dingon di llei bibor bipai doia drek dip Ade midyai di ayai nya.

MAZMUR 97:2

Bumbuhui kin nidinditi no jo ttai Noni. Ningon sren-srausi kin nisingat tut yamti yahati tut Nide ninyeng tak kep limwa nyati.

NEHEI LEUSI 9:28

Ma angat nadi bak Noni mem nye! Nyeni nitug ndei hukum nidut di cut igkep nye tug hon kru di cut kin biget di mbras nok tig njep dem tu. Cobi! Midikes je bijimbut bijingwes ngun hak ug. Mijibong kep minu dini bu bi.”

YESAYA 40:28

Mei! Jikan tut bijimiap tut bi e? tuhan ne Allah di niyaijo ninno bijo kikau ri. Noni pai tes dihyeisi dini titut yam. Ninghuisi wei ba, ninda mbris bi sren. Bit bon nye di tungwatu nya ikan bidem tut ningon kanti nya kan bi.

YESAYA 45:19

Dimbrap ku bidiku mimun tut bi. Dicuk Ditde limwa di mben Israel ba, inggok ser Da mikui-kausi bi. Da di tuhan dihyet buhun biditri tut mun di nijit.”

YEREMIA 12:1

tuhan e, gino dikon ditde munhyet bidikes ei Aho bei ne akos tutti nya rino igbit a. Noro suar dihig ser Na tut munhyet di bitut ningon gomti. Nggon rino yo di isibut nya inyeng tut mun di isuar nya hagom i? Nggon rino yo di ingon sren bi nya igyai bipek kep mun di ita ibou eisi i?

NIBWOS-BWOS NYENTI 3:23

noro jep-jau bikwop njap tekti bijo kikau! Ningat ne tuhan ningon gom jit!

YUNUS 4:11

Dem mem gima dingon nggriu sut timiei minu ndig Niniwe di ningot ndig dima bi e? Lewo minu ndig dima bon munggwom nya imangti ibou sribu sratus gom ba, nyatungwagom di imig mbus mun di kei leu mun di kinei kan bigyo nya bitut mindhe-ndhe nya di bit bon ikwop nimangti kan bi cem.”

ROMA 11:33

Allah nisingat tut nye di tungwatuti kei ngat kei! Ningon kiti cem tot buti! Noni kan tut mun nyeng hagom. Bit bon tungwatu nya igyok igyai kep Allah nikos tutti ba, ingon dorti tut Allah niyai kepti nya kan bi!

ROMA 3:25

Allah sindui sut Kristus Yesus ei leu api Yesus mai nok nimbiam bibindei ba, tungwatu igyai gi kos ser ide sisar drek dip ide niba ningon com Noniti. Allah yai nok gima leu binhyepo ndo ningon di sren-srau brei binye. Gi nipou kwei bipek ammani kep ne Allah om ningon tut tungwatu nya ide sisar bikes hukum ei yok dip bi.

NINDAT KEP TUHAN NICUKTI NYA 32:4

tuhan rinok No di sindem di ya srak ko hagau je. Noni kei-kau-kei ba, ningon sren-srau cem. No di ninyeng tak kep je ningon gom ba, bit bon Noni ris mun kan bi. Niyai munti nya hagom kei bibor kei lewo ningon mang bi.

NINDAT KEP TUHAN NICUKTI NYA 7:9

Ma jiyok ngon kep bipia tuhan di nok jide Allah Nongkom nok Allah gom ngat ba, ningon gom. Noni miyai igbit mun di Noni preu ei su bindo tut ningon ngakei di nggek jei bi bak yo di ingon ngakei Noni ba, ibit Nide nicukti nya kikau bidem ibou sribu-ribu di intun yam him di bram yam nya.

TIMOTIUS GI NIGOM 4:10

Nyeni igyai midyai sindem bibor ba, ita ibou eisi lewo iba ingon com Allah di niyaijo di joi sut tungwatu nya yahagom igyai niteu leu sisarti kin niyaijo nijep. Noni teu yo di ingon jo kep nya leu sisar biyai niyaijo nijep biyok tu.

SAMUEL GI NIGOM 14:15

Lene gima yai nidigit bak mben Filistin di ingat rin ei ide prak meng yati kin gi hi di ingat rin ei ngoi dumti nya. Mben Filistin bidem dihyei dima nisurti-nipekti kin yo di igya dikti nya kin nimpung di igya kep bihwen tungwatu bipos ndigban nya leu yok cem ittin bibor. Njap dima cem dihyei ugwa-kwei bibindei ba, tungwatu nya yahagom ingon tai-tai bou nindig bibor.