MAZMUR 36:4 - ALLAH NIHYET MEM TUNGWATU NYA

⁴ Nihyet di simbot kep nya kinei bibor bimpung tut niris munti cem. Leu ba, nibon mun di keisi nya gibon ninyeng mem noni bi.

MAZMUR 36:4 ပူးပေါင်းရင်းမြစ်များ

ESTER 5:14

Nitnem kin nisut bat nya imiap gima lene ipai ingon kanti bak “Abindei ba, tungwatu nya itas cou di ipindur kep tungwatu ingut eisi nidihim gom di nijeisi dem meter nyatungwagom ba, can mem no dima. Leu api njap di hyep ma ahara nibou ndig mem njap tekti leu binhyepo sindui sut ba, apindur Mordekhai ei cou di jei ndig dimati. Apino aba angon di nggan-triot bibit pesta.” Haman binai ighyet nghwak him dima bikan lo gi, kei bibor ri. Gima rino cuk tungwatu nya itas cou jei ndig nidihim gom mem ipindur tungwatu eisi.

ESTER 6:4

Gima rino nibou ndig hig ser yok “Yo di igya kui da tou rino ningat rin ei ditde ig dini nogindini i?” Tirigi hig ser yok nok rino Haman coi kwei biya ei mpia di jo bas hak di iba ngug tig bikrop ttai ma kwei lewo ningon ya mem gima hara nibou ndig leu dima pindur Mordekhai ei cou dihim di jei ndig di tas ei pima him ri.

AYUB 15:16

Gino Allah ba ningon com yok bi lene notou mem no di kinei-kinau kin no di ningon rom di dahat nikibou ei nibon mun di kinei biborti noyam kin gi dahat nikibou ei minyeiti he i?

MAZMUR 38:12

Dinggwenti bindei ba, disut bat nya imbres yo leu da. Adig-ajoi nya cem yoom yonti ei minu ting leu da.

MAZMUR 52:3

Na di asibut bibor e, nggon rino akon nanti drek dip abon munti di kinei bibor tut yo di Allah ningon ngakei yok i?

MAZMUR 97:10

Je di jingon ngakei tuhan e, suar jingon mpo tut mun di kinei nya! Lewo tuhan cuon Nide limwa nya igyaisi bikwek yok leu yo di itunggwei tuhan nihyet inda nsi.

NIPINGOK NINGONTI 24:2

Lewo ihig yam tut bigyok ingon gom mem ibindei ba, mun di kinei cut igkep tungwatu nya.

NIPINGOK NINGONTI 24:23

Yo di ingon ki ipai, “Ma nikei mbus nite hi bihigom tirigi kes hukum ei tungwagom dip au.

NIPINGOK NINGONTI 4:16

Bon yo di isibut ibong mai kan bi bibou ibon mun di kinei nipou ug e. Ba, igyai nggrop buhun bi bibou ibindei ba, mun di buhun cut igkep nindigsi nya nipou ug e.

YESAYA 65:2

Ditin ei mem diya um Ditde limwa nya bikwop mmun-njap noro yaham imbuk kep Da ba, ita ibou ei ide mun di mbuk bibor nyati bingkek ndok cem.

YEREMIA 4:22

tuhan pai “Ditde limwa nya ingon mbum bibor ba, igikan igbit tut Da bi. Idem kep munggwom di ingon huk niti tut mun nyeng hi haninyai bi. Ingon guhuk niti poi mien cem bi hak ug. Tut mun di kinei ne ibon kep igkei noro itunggwei sut nibon mun di keisi nya.”

YEREMIA 6:16

tuhan pai bak Nide limwa nya “Ma jiya hammi puig nahau yamti nya bijiyok jiyai kep mungkun. Ma jihig ser tungwatu nya tut puig gi nipou di kei bibor nya. Ma jikak puig dima leu binhyepo jibong kei jigwam kei.” Noro ibuhup “E bi! Nikou sut puig dima!”

YEREMIA 8:6

Dibeintup ninno tu noro jiba jingon sren bipai mun biDa bi. Jigom ngat cem ginso nonti tut nibon munti di kinei bi. Hi di pai bipia nitunggweisi rimindei i? cem bi. Jahagom jidor kak jide puig dem kep nok kuda di ba ningon bisau sut nikon pranti bicoi pran.

AMOS 5:15

Suar jingon mpo tut mun di mbuk bibor bijingon ngakei mun di kei bibor. Suar jahati tut nikei nikos tutti di sren kei nya. Mpaba tuhan mingondut mben Israel nindigsi di imai bigyo drek dip jiyai munti dima e?

MIKHA 2:1

Buhun bibor mem yo di igyai ngkiem ei ibongti mem mmun bigyok ingon gom mem igyai munti di kinei bibor! Yo dima ikinyon ei gi igyok ingon gom tut igyai munti di kinei dima ei njap tekti.

MIKHA 6:8

Nok bi! Lewo tuhan ndo brei binye tut mun di kei di Noni joi sut tu. Noni yok ningon mem gima igyai munti nya hagom sren kei kin gi ibrim ingkek mem ningondut yamti bingon ngakei Noni cem buug hon nohonti bi lene igyaijo nok gom bit ide Allah ba, iba ibou coi mem Noni cem.

MATIUS 27:1

Njap bigyoti ne imam nindig nya kin nibou mben Yahudi nya yahagom isimbot kep Yesus ninghapti biyam leu binhyepo ijem nimai gau Noni.

KISAH 23:12

Njap bigyoti lene mben Yahudi igyok ingon gom ba, yeheng biyam ser bipia igyem njita bidut ndia ngei bi kikau bibou ihwen Paulus bimai leu ug e.

ROMA 1:32

Mbro nok gino yo dima ikan tut bipia Allah nihyet pai ser yok bipia yo di ibon sisar dima yok mitug ndei nimai lo, igyai kikep mun di kinei dima hagom he bi noro ice tut yo di igyai bram igyaisi cem.

ROMA 12:9

Ma jiba jingon di gom bingon ngakei tungwatu nya. Ma jingon mpo tut mun di kinei leu ba, jikrau kep mun di kei.

NINGAT-HI-NGAT NYA 2:2

Dikan tut jide midyai di jiyai nya. Dikan tut bipia jita jibou eisi ba, joom jingon bibor. Dikan tut bipia jikou sut yo di isibut nya ba, jimbus yo di ipai sut yonti bipia igya kui Yesus ingonti noro ibitot hagau apino jo nibreisi mem je bipia ibicum.

SAMUEL GI NIGOM 19:11

Ariman mmun lene Saul cuk nide tentara nya ibou poi ug ba, iku yok nyahan ei Daud de biyati bingig igyai kep nide ig leu binhyepo igyai nimai binoni mem njap tekti. Noro Daud nitnem Mikhal pai binoni “Gino anang mem mmun dini bi lene njap di hyep migyai nimai bina ug ri.”