MAZMUR 34:8 - ALLAH NIHYET MEM TUNGWATU NYA

⁸ Nide malaikati ya srak ko hagau yo di ikuk yok bak tuhan biteu yok bingwes ngun leu mun di om kep yok.

MAZMUR 34:8 ပူးပေါင်းရင်းမြစ်များ

NITRITI 48:16

Nani ne malaikati di teu da bidingwes ngun leu mun di cut igkep da hagom e, ma anyohou munggwom cin dini yok bu! Nna ba ingon prion ser dinyeng kin Abraham Ishak nya cem inyeng bi sren. Nna ba igyai imunggwom bat nya imang bibor ba, ide nintun him yamti di bram yam nya idigek kep mpia.”

MAZMUR 119:103

Ahyet ui-gwang kei ba, nyop kei dor njiriek ahwei lon ningei cem!

MAZMUR 2:12

Ma jiba jingwak bikik mpia ei tuhan nimig him. Gi bi ne Noni migga bibor kros ba, mibindei sar jahagom kros bihigom. Bikwop tungwa tou rino ya coi tuhan ne no dima ningon nggei-hi-nggei!

MAZMUR 36:10

Nani ne niyaijo nibousi mem mun di ninnei tau nuhwap nsi hagom ri. Tirigi Ade nipigati piga digai nye lene nipigati jo nibreisi mem nye.

MAZMUR 36:7

Ade nisingatti kui sur nungug dip ba, Ade ningon sren-srausi jut bibor bidem muk ndigsi nijutti. tuhan e, anyohou tungwatu kin mindhe-ndhe nya.

MAZMUR 52:1

Daud de doia ningginausi mem no di bie tut doia nimpung.

MAZMUR 63:5

Midipai sigyo biNa kikau ug bipek diyaijo ningwig honti. Tirigi dingat nadi ne midisu dinda kui ndam Na.

MAZMUR 84:12

tuhan Allah ne mpia di ninang coi kin nibou ndig di ninyeng jei bibor cem ri. Noni ba ningon di nggriu sut nyeti kin nisingat tut nyeti binjei mun di kei bak nyeni. Noni kou sut gima tak kep mun di kei ninyeng gom leu yo di ingon singat nya.

DIUN MIMUN 2:3

“Biei apel di ya srig bieiti ei bigbehei bindo tut no di ngwam kep da di dingon ngakei bibor di ningat rin ei pinai pilei nya ikieti. Dijoi sut digwam nyahan ei biei dima nibehei bidiyem ningat di nyop kei.

DIUN MIMUN 5:1

“Dikinjoi ninyan e, dikwei ei ditde miaisi tu. Dimbus ditde mur kin biei ngat di nyop kei nya keyam bidiyem ditde ahwei lon ngei. Didut ditde sapi do ngei kin ba anggur ngei.” “Nisut bat jen e, jiyem njita lene jibidut ndia ngei. Jidut kikau ba, jibou bibuwei kep jingon ngakei yamti.”

YEREMIA 31:14

Midibindei ba, imam nya igyem kep njita ninyeng hagom bindei yok lene dinjei mun di Ditde limwa nya isuar nya hagom bak yoni. Da di tuhan disimbot dat tu.”

DANIEL 3:28

Leu api nibou ndig pai “Dinggei sut Sadrakh kin Mesakh kin Abednego ide Allah di ikuk yok bak! Noni pinak Nide malaikati gom kwei biteu yok leu hum di cig-cai lewo iba ingon com Noni. Yoni ibit dihyet bi lene isindui sut bitug ndei nimai leu gima ikuk yok bak kwar nya lewo ikuk yok bak yonti ide Allah Nongkom he.

ZAKHARIA 9:17

Igbit ri! tuhan de dihyei mikei bibor kei ei nidipti. Igbit ri! Dihyei di kei bibor kei bidia-diau kei dima bindei ba, ba anggur kin gandum hei billei kei eisi. Gandum kin ba anggur ngei dima bindei ba, pinai pilei nya kin sop gwam nitta pilei nya ide nisindemti kum eisi bu.