MAZMUR 34:14 - ALLAH NIHYET MEM TUNGWATU NYA

¹⁴ ma noni pijuk nidwep ser nhyema pai tungwatu nya kinei biris mun au.

MAZMUR 34:14 ပူးပေါင်းရင်းမြစ်များ

AYUB 28:28

Allah pai bak tungwatu nya “Suar jiba nibou di cut bak Allah bikon ninyeng mem gima jibiyai ningon ki leu Noni. Ma joom jenti ei minu ting leu mun di kinei nya leu binhyepo jibiyai ningon dor niti leu Noni.”

MAZMUR 120:7

Gino dibohom ndat nibong kei nigwam keisi lene yoni icom ighyet tut nikon pranti.

MAZMUR 37:27

Jimbres jenti leu sisar lene ma jiyai kep jiyai munti di kei nya leu api jide nintun him yamti di bram yam nya mibong kei migwam kei ei idihyei bijo ninno bijo kikau.

MAZMUR 39:2

Dikan “Misinyohou santi leu binhyepo siba sidwe bibon sisar bi. Gino yo di isibut ingat rin dideu sa lene sikou sut gima simbrap a.”

NIPINGOK NINGONTI 13:14

Yo di ingon ki nya ide ningginausi noyam kin minyei bousi di biyam tut ningon nggei-hi-nggeisi. Tirigi hi srep huk na lene ningginausi dima mibindei ba, angwes ngun leu indati.

NIPINGOK NINGONTI 3:7

Ma aba angon bisrip huk bipia angon ki dor njiriek mun di igbit mem na au. Abit tuhan nihyet ba, ambres nanti leu mun di kinei hagom.

NIPINGOK NINGONTI 4:24

Ma andat kep mun di igbit bi au. Aom nanti minu ting leu nindat kep mun di igbit bi kin nihyet di bindei srawir tungwatu cem.

NIPINGOK NINGONTI 8:13

Nikon tuhan ninyengti noyam kin ningon mpo tut mun di kinei. Dingon mpo tut yo di ingon jei nya kin yo di illei-lau sut yonti kin yo di igyai kep mun di sibut kin yo di iris mun igkei yahagom.

MATIUS 5:9

Bikwop yo di ibakei tungwatu nyati nya ingon nggei-hi-nggei lewo Allah mipai bipia yoni ne nimunggwom bat nya ri!

KISAH 10:38

Jikan tut bipia Allah dimig Yesus di timiei minu ndig Nazaret leu api kes Allah Ninnei bigwam ei Noni dip bisindem tut Noni cem. Jikan tut bipia Yesus mbut nimig bidem hanjop nsi dima yok hagom bingondut tungwatu nya. Noni bindei ba, yo di Bilis ninyeng tak kep yok ikei hanyen lewo Allah ningat rin kin Noni.

ROMA 12:18

Tut jenti njem ne ma jita jibou ei ningon kwes kin tungwatu nya yahagomti.

ROMA 12:9

Ma jiba jingon di gom bingon ngakei tungwatu nya. Ma jingon mpo tut mun di kinei leu ba, jikrau kep mun di kei.

ROMA 14:17

Lewo Allah ninyeng tak kepti ket ei njita di igyem kin ndia ngei di idut bi. Noro coi ei nibit Allah ningon kanti kin ningon jo nyahanti kin ningon llei biborti ba, mun dini yok hagom ntun Allah Ninnei him.

ROMA 14:19

Gima rino ma inai hammi igyai munti nya di biyai tungwatu nya ingon kwes kin yam bibiwin kep yam ngonti cem.

KORINTUS GI NICAN 13:11

He disut bat jen, gini ne srat ningwigsi ri. Ma jingon llei bibor bijita jibou ei ningon kwes-kwauti. Ma jibit ditde nipingok jeti nya cem jingon kwes kin yam cem jingon jo nyahan mem yam cem. Allah di nok nibousi mem ningon ngakei yamti kin ningon jo nyahanti ningat rin bit je.

GALATIA 6:10

Gima rino biken tiri bon nituti ne ma impu tungwatu yahagom lo, impu isut bat yo di iba ingon com Kristus nya nipou ug e.

TESALONIKA GI NIGOM 4:11

Ma jita jibou ei ningon di jo nyahanti kin nibiang jenti jide minaisi ba, jibitug ndei mun di jisuar nya tug hon gi jinda jo kep jide midyai nya. Gima hagom bit leu nok gi nicuk je tut nipou su.

2 TIMOTIUS GI NICAN 2:19

Noro cou nipmem di Allah ta ei su dima nddong kei ba, bit bon tungwatu nya ikit-kit nyen kan bi. Srat bokti di jo ei cou nipmem dima dip pai “Tuhan kan igbit Nide limwa nya.” Ba, hi kin bu pai “Ma tungwa tou rino pai sut nonti bipia noni ne Allah de limwa rin mbres nonti leu mun di kinei hagom.”

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

IBRANI 12:14

Ma jita jibou ei ningon kwes kin tungwatu yahagomti kin jide niyaijo kwes-kwausi kin Tuhanti. Leu gino tungwatu nya ikwes-kwau bi ne bit bon ingat Tuhan bou igyai him kan bi.

IBRANI 13:16

Ma jingon prion ser nituti mem jahati tut yam kin jingon dut yam au. Lewo jiyai munti dima tereu nok midut nibui mindheti di bindei ba, Allah joi sut je.

PETRUS GI NIGOM 3:11

Suar noni mbres nonti leu sisar biyai kep niyai munti di kei nya lene ba ningon titut yam bibrim ningkek bibindei ba, ningon kwes kin nisut bat yo di ingon jo kep nya.

YOHANES GI NININGAI 1:11

Disut na di dingon kieti e, ma ayai bram yo di ibon mun tunggwei nya igyai munti nya au. Noro ma ayai bram yo di ibon mun di igbit nya igyai munti nya. Allah ninyeng tak kep no di bon kep mun di igbit. Noro no di bon mun tunggwei nya ningon dorti tut Allah bi.