MAZMUR 34:12 - ALLAH NIHYET MEM TUNGWATU NYA

¹² Dimunggwom bat jen e, ma jingig jitingou mem dihyet. Dingginau je leu binhyepo jinggei sut tuhan kan.

MAZMUR 34:12 ပူးပေါင်းရင်းမြစ်များ

NINDAT KEP TUHAN NICUKTI NYA 30:20

Ma jingon ngakei tuhan di nok jide Allah ba, jibit nihyet ba, jingon gom tut Noni cem apino jeni kin jide nintun him yamti di bram yam nya mijibong kei mijigwam kei mem nijam di jei bibor ei minu di Noni preu ei mem jidigup bat-jidigai bat di Abraham kin Ishak kin Yakub nya tu.”

NINDAT KEP TUHAN NICUKTI NYA 6:2

Ma jeni kin jide nintun him yamti di bram yam nya jahagom jikon tuhan di nok jide Allah ninyeng kikau ug bipek jiyaijo ningwig honti. Ma jibit Nide nicukti di ditri tut bije tu leu binhyepo jide njap jei bibor ei minu dima.

NIBA NINGON SRIP HUKTI 3:13

Ma yahagom igyem njita bidut ndia ngei ba, ijoi sut ide midyai di ningat ntun him nya lewo Allah njei mun dima yok bak nyeni.

MAZMUR 91:16

Disindui sut ba, igyaijo jei bibor biditeu yok leu ide sisar cem.

MAZMUR 4:6

Ma jibui mindhe-ndhe bijindig ei nimbar hum dokti nok gi igbit ba, jibikuk je bak tuhan. Ma jiba jingon com Noni.

AYUB 7:7

Allah e, ma ayok ngon kep bipia diyaijoti noyam kin ninnei di ihi ei ihwap nsi he. Dingon nggei-hi-nggeisi pror leu da bibon niceti di mijo bi sren.

NIBA NINGON SRIP HUKTI 12:13

Tirigi dibinai sut hagom bidem leu lene nirop ninda ndigsi cuk nye “Ma jittin tut Allah Nongkom bijibit nicukti nya hagom. Lewo gima ne Allah ningon kanti mem nye di tungwatu nya tirigi Noni pai tes nye ri.”

NIBA NINGON SRIP HUKTI 2:3

Dibungwam mem gima dingat dingwes ei nidut ba anggur ngeisi kin niyem pesta nindigsi. Dikan bigya gima ne puig di kei bibor kei mem tungwatu nya rin ba, ibingat ingwes ei ide niyaijo cunti ei dihyeisi dini.

MAZMUR 21:4

Na di Allah aya um nibou ndig ba, anjei mun di kei mpung bipias hagau bak lene aba topi mas bijuk nibou cem.

NITRITI 49:2

Yakub nipmot bat jen e, ma jinduk yam kwei bijintu kep jicig Israel nihyet ug e.

SAMUEL GI NIGOM 12:23

Noro tut dani ne dikou sut gi dibon sisar tut Allah tug hon gi dikes hon ba, dingat nadi tindei je bu bi. Noro midingginau je tut jiyai munti di kei bibor kin mun di suar jiba jingon gom biyai cem.

AYUB 33:33

Gi bi ne ma agwam nyahan hak ba, angig atingou mem dihyet leu binhyepo dingginau na tut ningon di ki.

NIPINGOK NINGONTI 4:20

Dimunggwom na e, ma angig atingou mem dihyet! Lene ma ayok ngon kep ditde nipingokti nya.

NIPINGOK NINGONTI 7:24

Dimunggwom bat jen, ma jingig jitingou mem dihyet bijiyok ngon kep ditde nipingok jeti nya.

NIPINGOK NINGONTI 9:10

Gi nimbie him ngat mem gima ibiyai ningon kiti rino suar ikuk nye bak tuhan ba, ittin tut Noni. tuhan ningon kwes-kwau ba, ningon sren cem. Gino anggok tut ningon di huk niti ne suar aba angon com Noni.