MAZMUR 33:3 - ALLAH NIHYET MEM TUNGWATU NYA

³ Jikwei ba, ipai doia di nijep-jau bibiwim Noni. Nikek nggong mbrei cig jen e, ma jikek nok mungkun kei. Ma jiba nimbos-hi-mbos binggei sut Noni.

MAZMUR 33:3 ပူးပေါင်းရင်းမြစ်များ

NIBOHON MBEN ISRAEL GI NIGOM 13:8

Lene Daud kin mben Israel yahagom ibien-bien nyen ba, ibingon mingon ser. Lene iba ingon di llei bibor bikon Allah ninyeng ba, ibikek nggong mbrei kin ndug-ndug kin yeng beng ngkimom-tembaga di ibui kin pun mbrei cem.

NIBOHON MBEN ISRAEL GI NIGOM 15:22

Idimig Kenanya binok nibou di bie tut yo di intun Lewi him di iba musik bipai doia lewo ningon ki tut gi ba musik bipai doia nya.

NIBOHON MBEN ISRAEL GI NIGOM 25:7

Ipmot bat nya ibou nyatungwagom ba, bitai dima igya kin ide bat nya yahagom biba musik bipai doia igkei lewo ibiyai hamem ba, ikek mungkun kei. Ba, gino ikwop yo dima yahagom sok yam lene imangti ibou sratus can ningot muhwindaningai ba, muhwindaningai.

NIBOHON MBEN ISRAEL GI NICAN 34:12

Yo di ikinding kep Ig ninggekti dima yahagom ingon sren kei. Lewi nya ibou bitai inyeng tak kep tukan dini tut ide midyai ba, inyeng rino Yahat kin Obaja di leu Merari ninsi de kin Zakharia kin Mesulam di leu Kehat ninsi de. Lewi nya ingon ki tut gi ikek musik kan ba,

MAZMUR 144:9

Allah e, apingok dingonti tut doia nijep ba, dikek nggong mbrei tirigi dipai doia dima biNa.

MAZMUR 149:1

Ma jinggei sut tuhan! Ma jipai doia nijep bak tuhan. Ma jikon ninyeng ei Nide limwa di ingon gom di imbusyamei nya ikieti!

MAZMUR 40:3

Noni kon da leu jui nsi di kinei bibor biteu da leu igkrop di ntan bibor lene kes da bidiya ei bor ngug dip bibindei ba, dimbut sindem.

MAZMUR 40:4

Noni ngginau da tut doia nijep leu binhyepo dibinggei sut ide Allah. Yo di ingat mun dini yok bou igyai him imang bibor minga leu sut ba, iba ingon com tuhan drek dip.

MAZMUR 96:1

Ma yahagom iba doia di nijep-jau binggei sut tuhan! Je di tungwatu dihyeisi dini hagom e, ma jipai doia biNoni!

MAZMUR 98:1

Ma jipai doia di nijep bak tuhan drek dip Nide niyai munti di bibon ninggap leusi nya! Noni ba Nide ninyeng jeisi kin nisindemti bibindei timek siceu nya tu.

YESAYA 42:10

Jikwei ba, iba doia nijep-jau bibikiek tuhan. Je di tungwatu dihyeisi hagom e, ma jinggei sut Noni! Timiei kibar minyei ei muk ngwa dip kin mindhe-ndhe ei muk ngeisi hagom kin minu di jo ting bibor bitut timiei nya jahagom e, ma jinggei sut Noni!

EFESUS 5:19

Ma jiba srat mazmur kin doia nya bisimbot kep tut jihyet biyam. Ma jiba jingon di llei bibor bikon doia kin mazmur ba, jibinggei sut Tuhan.

KOLOSE 3:16

Ma Kristus nihyet di mpung tut mun di kei nya yai jingon bidut nihim. Ma jiba jingon di ki bipingok yam lene bingginau yam ngonti. Ma jikon doia kin mazmur nya ba, jibipai sigyo bak Allah ei jingonti.

NINGAT-HI-NGAT NYA 14:3

Tungwatu nya ibou sribu sratus gom ningot bitai ba, bitai pima igya ei banggo mbrei nuhui kin mindhe ningut bitai pima yoho bei kin nibou nya yoho bei bipai doia di nijep-jau di bit bon hiter ingon dorti tut kan bi. Noro yongkom he ingon dorti tut lewo igyai niteu leu dihyeisi tu.

NINGAT-HI-NGAT NYA 5:9

Yo dima ipai doia di nijep bu “Nangkom dem mem gima ayai srat kijum dima ba, acug biei nggrai leu. Lewo hi bindei ba, amai nipou su apino aba amaisi bipek tungwatu nya leu bikwop keret nya kin minu nya kin nihyet nya kin mben nya hagom ei dihyeisi dini bak Allah.