MAZMUR 33:16 - ALLAH NIHYET MEM TUNGWATU NYA

¹⁶ Nibou ndig bindei timek nide siceu nya bingwig tug hon nide tentara ide nisindemti bi. Bit bon nikon kep pran cig hwen nide siceu tug hon nide nisindemti cem bi.

MAZMUR 33:16 ပူးပေါင်းရင်းမြစ်များ

NIBOU NDIG NYA GI NIGOM 20:10

“Nyende nibou ndig mipinak nide tentara nya imangti nok gi dem mem gima ibindei sar ade minu ndig dini kwei. Imangti dima nok gi dem mem iba inda he bikon minu ndig nindung-diemti hagom ba, intek tut hak. Nibou Ndig heng bitug hon kwar nya inyeng bipia suar kwar dima yok ikes hukum ei noni dip bigyai nimai bak cem hak gino noni yai mun dima bipek kep nehengti dima bi.”

NIBOU NDIG NYA GI NIGOM 20:15

Leu api nibou ndig nduk nimpung tentara pilei nya di injei bit nibou hanjop nya ba, idem yam. Yahagom sok yam dem ibou sratus can ningot ningai ba, can. Lene noni nduk tentara Israel cem ba, idem yam lene imangti ibou sribu muhwindacan.

NIBOHON MBEN ISRAEL GI NICAN 13:8

Nogindini jikan bipia jisindem mem gima jico kep nisindemti di tuhan kwas tut yo di intun Daud him. Lewo jide tentara nya imang bibor ikwei sut sapi mas di Yerobeam bon bou ninda him nok jide kwar nya cem tu.

NIBOHON MBEN ISRAEL GI NICAN 20:12

Nani ne nyende Allah ri! Ma akes hukum ei yok dip lewo niyai nisindemti mem gima nikon pran bit tentara imang bibor di ijoi sut icoi minu dini ba, ibindei timek nye bi. Nikan tut puig di nikon pran bit yokti bi. Gima rino nikwei kuk nye biNa leu binhyepo ampu nye.”

NIBOHON MBEN ISRAEL GI NICAN 20:23

Tentara Amon kin mben Moab ihwen tentara Edom nya bigya kep yahagom bitimek hak ug. Leu api tentara cin pima ikiek yo ndam yam ba, igyok kep yam bibor bisar ningwig a.

NIBOHON MBEN ISRAEL GI NICAN 32:21

Apino tuhan pinak malaikati gom biyai nimai bak tentara Asyur nya kin ide nibou nya di igyon ttai minu ndig Yerusalem pima yahagom. Gima bindei ba, nibou ndig mben Asyur ngkwei hanyen ba, mmai sut nindig bibor. Leu api mpe di gom bu tirigi ningat rin ei nide ig kwar lene nimunggwom bat ningat-ngat nya ibou poi ikwei ba simeda biyai nimai bak ei mpia dima.

AYUB 36:7

Noni nyohou ngig niyai kep yo di ingon gom nya lene bindei ba, inyeng tak kep limwa nya noyam kin nibou ndig nya cem leu api tungwatu nya inggei sut yok bijo ninno bijo kikau.

AYUB 39:11

Aba angon com noni tut nide nisindemti ba, ayok ngon mem gima noni yai kep ade midyai di buhun bibor e?

MAZMUR 20:8

Tungwatu bihi iba ingon com ide kroba pran nya lene bihi iba ingon com ide kuda nya. Noro tut nyeni ne iba ingon com ide tuhan Allah bitut Nide nisindemti.

MAZMUR 44:3

Nanti rino ajji ngkiai nya leu itimieisi leu api ayai ide dihyei di inda rom dima bak Ade limwa nya apino ibong ser minu dima. Abindei ba, mben ngkiai hiter nya yuum mun di buhun noro asindui sut Ade limwa nya ba, idigek kep mpia.

NEHEI LEUSI 14:28

Minyei hagom biam hanyen ba, sur yam ser kroba pran nya kin yo di ibri bikrau nya kin tentara nya yahagom di yuhuk mben Israel kikau ug ei minyei nipingge leusi apino yahagom imai bingwig.

NIBA NINGON SRIP HUKTI 9:11

Dingat hi kin bu bou diyai him ei dihyeisi dini. Ibinang yam ne mpe hi no di dor sindem ug krau nipekti bibie bi. Ikon pran ne mpe hi no di mimbri kui ningkek bindei sar nide siceu bi. Mpe hi no di ningon ki tug ndei mun di bahati tut nonti bi. Mpe hi no di nintin kimbo nyeng tut mitiei nindig bibor bi. Mpe hi no di ninda bit hou tug ndei ninyeng di jei bi. Lewo mpe hi ne mun di buhun cut igkep tungwatu nya yahagom.

YEREMIA 48:14

Pinjoi ndig di mben Moab e, nggon rino jiba jinsi bbed-bau bipai ‘Nyeni ne nihwen kep mun cig rin ba, mimbri kui ningkek cem ninda jo kep nikon pranti ninno tu, i?’

YEREMIA 9:23

Lene tuhan pai “Ma yo di ingon ki nya illei sut ide ningon kiti au. Ma yo di isindem nya illei sut ide nisindemti au. Ma yo di inyeng nya illei sut mun di inyeng tut nya au.

HOSEA 10:13

Noro jibon mun di dor tunggwei gima bijibrim jingkek tut gi jiyai kep mun di kinei bibor apino jipuk ningat ningon srenti hi bi. Jiyem kep ningat di ntun him jide niris munti nya.” tuhan binut bu bipai “Mben Israel e, jiba jingon com jide kroba pran nya kin jide tentara nya di imang bibor dima,

AMOS 2:14

Bit bon yo di idor sindem bibor nya ingwes ngun kan bi. Yo di isindem bibor inghuisi jet bibor. Bit bon no di mimbri kui ningkek teu nonti biningwes ngun kan bi.

AMOS 2:15

Bit bon niprindei mun cig ya ngkiem ba, nidor sindem cig kin niba kuda binang cig ingwes ngun cem kan bi.

YOSUA 14:12

Gima rino ma akwas minu ndig nya ei nungug him po tuhan preu ei mem da mpe di po dani kin ditde limwa nya ningkwei hanyen binitri tut mun di ningat bou nyenti niyai him pima tut da. Mpe dima lene nitri tut bina bipia mben Enak di anjan bibor ingat rin ei mpia dima. Yoni ibong ei minu ndig ngat di ibon ngug tig ser. Mpaba tuhan mimpu da ba, midijji yok dem igbit tuhan nitto ei bidati pima.”

NIJAM NIKEI NYA 7:2

Lene tuhan pai bak Gideon “Ade limwa nya imang ndig njiriek dingon kanti. Midibindei ba, mben Midian micut bak je bi lewo jei bi ne ade limwa nya mikan bipia yonti igya kep bihwen ide siceu nya tug hon ide nisindemti apino minggei sut Da di tuhan bi.

NIJAM NIKEI NYA 7:4

Lene tuhan pai bak Gideon bu “Jimangti nindig bibor njiriek dingon kanti. Ma abuwak yok ba, juug ei minyei nyai leu api mididimig yok leu yam ei mpia dima. Gino dindo bina bipia bihi idem mem gima ibit na lene ma yo dima ibit na. Gino dindo bina bipia bihi idem mem gima ibit na bi lene ma yo dima ibit nani au.”

SAMUEL GI NIGOM 17:4

Lene Goliat di timiei minu ndig Gat ya bibie mem tentara Filistin ba, kiju bisrep huk tentara Israel. No dini nintig bou jei ba, nibou nggram him jo nai ba, naanjanti meter ningai.

SAMUEL GI NIGOM 2:9

Yo di ingon gom nya igwam coi Noni apino ingon jo nyahan noro yo di isibut nya ipror hak ug ei nidinditi. Bit bon tungwagom hwen nide siceu nya bingwig tug hon nonti nide nisindemti kan bi.