MAZMUR 33:14 - ALLAH NIHYET MEM TUNGWATU NYA

¹⁴ Noni gwam nuhu kwei ei nide banggo mbrei dip bicap kwei ei dihyeisi dini bingat yo di ikieng kep dihyei nisurti-nipekti.

MAZMUR 33:14 ပူးပေါင်းရင်းမြစ်များ

NIBOU NDIG NYA GI NIGOM 8:27

Noro Allah e, nggon rima akwei bong bit nye ei dihyeisi dini i? Mpia-bbed him bon ninyanti kin nijeisi nok gi dem mem Nani bi. Lene notou Ade Ig di dingot mem Nani nok gi dem mem Nani i?

NIBOU NDIG NYA GI NIGOM 8:30

Na di tuhan di angat rin ei atimieisi ei gwamti e, angig atingou mem dihyet kin Ade limwa nya ighyet cem ba, akos ser nyende sisar tirigi nikiek nye ba, niba noho rok Ade Ig dini biningat nadi.

NIBOU NDIG NYA GI NIGOM 8:39

lene ma angig atingou mem ighyet ei atimieisi ei gwamti. Akos ser ide sisar ba, ampu yok lewo Nangkom akan bidem tut tungwatu nya yahagom ingonti. Lene ma abibon tungwagom-gom bit leu nok niyai munti nya.

NIBOU NDIG NYA GI NIGOM 8:43

lene ma angig atingou mem nihyet ei atimieisi ei gwamti ba, abuhup nihyet bit leu ningon kanti leu binhyepo tungwatu dihyeisi dini hagom ingon jo kep Nani lene mibit ahyet noyam kin nye di Ade limwa di mben Israel nibit ahyet. Lene mben ngkiai miyok ngon kep bipia Ade Ig di dingot dini ne gumihyep gom ngat mem tungwatu nya ikuk yok biNa eisi ri.

NIBOHON MBEN ISRAEL GI NICAN 16:9

tuhan yok niyai kep tungwatu bidem dihyeisi dini titut yam leu binhyepo kwas Nide nisindemti tut yo di iba ingon gom bibit Noni kikau. Noro aba angon di mbum bibon mun tu. Gima rino hon kep ammani kui lene mporo acut ei nijam nikon pranti kikau.”

MAZMUR 113:6

Noro kuk No leu binhyepo cap mpia-bbed him kin dihyeisi dini.

MAZMUR 123:1

Doia nikui ug ei Mbigdip Sion. tuhan di ninyeng tak kep gwamti e, ditou kep kui gwamti ndam Nani.

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

YESAYA 66:1

tuhan pai “Gwamti lene bilen mem digwati ba, dihyeisi lene bilen mem dimig ri. Bon jingot ig di nok mindei mem Da i? Nghim nsi mem dibong nyahan eisi rigitou i?

YEREMIA 32:19

Angon kanti di akos tut ei nya bibon ninggap leusi ba, Ade nibon munti nya mindur. Angat bidem mun nyeng hagom di tungwatu nya ibon ba, abirop biyok dem igbit ide nibon munti nya.

LUKAS 11:2

Gima rino Yesus buhup “Gino jingat nadi lene ma jipai, ‘Arig e, Nani ne Allah Gom ngat. Handei kon ba, ma tungwatu nya yahagom inggei sut Na tut anyeng di kwes-kwau. Handei kon ba, ma akwei bindei ba, anyeng tak kep dihyeisi dini hagom.

TIMOTIUS GI NIGOM 6:16

Nongkom niyaijo kikau. Noni ningat rin ei nipigati di sieng-siau kei di bit bon tungwatu nya icem kep kan bi. Hi ngat Noni bou niyai him bi sren lene bit bon hi ngat Noni kikau bi sren. Tungwatu nya yahagom mikon ninyeng ba, Nide nisindemti ug hon nohonti bi sren! Igbit ri.