MAZMUR 33:12 - ALLAH NIHYET MEM TUNGWATU NYA

¹² Mben dino ikuk yok bak tuhan nok ide Allah ne ingon nggei-hi-nggei. Mben di Noni dimig ei nok nide limwa nya tu ingon nggei-hi-nggei!

MAZMUR 33:12 ပူးပေါင်းရင်းမြစ်များ

SAMUEL GI NICAN 20:19

Nyende minu ndig Abel dini nindig bibor ba, timiei nya ibong kei igwam kei cem ba, dem mem gima jiba jingon com nye dor njiriek gi jiba jingon com minu ndig di mben Israel ide hagom. Nggon rino na di Andigpoi anggok puig mem gima abindei sar minu ndig dini i? na di Andigpoi e, ajoi sut gima anggek tuhan de dihyei hanjop nsi dini e?”

MAZMUR 135:4

Noni dimig yo di intun Yakub him ei mem Nonti bikon mben Israel bou No nok Nide.

MAZMUR 144:15

Mun dini yok hagom mibindei ba, mben dima ingon nggei-hi-nggei. Limwa di ide Allah ne tuhan rin cem mingon nggei-hi-nggei!

MAZMUR 28:9

tuhan e, ateu Ade limwa nya leu binhyepo ingwes ngun. Anjei mun di kei biyok. Ma Nanti anok gembala mem yok ba, anyohou yok bijo ninno bijo kikau.

MAZMUR 65:4

Ditde sisar nya buhun tak da noro akos ser hagom tu.

NEHEI LEUSI 34:9

Lene noni pai “tuhan e, Gino ajoi sut da lene abit nye di mben Israel kak nimbutti nya. Jo nibreisi bipia Ade limwa nya ingkek ndok noro ma akos ser nyende mun di kinei kin nyende sisar leu api asindui sut nye bininok Ade limwa nya.”

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YEREMIA 10:16

Yakub de Allah noyam kin kwar di ikuk yok bak dima yok bi. Noni ne no di pai tes mun nyeng hagom ri. Ninyeng rino tuhan Di Sindem Bibor ba, Noni dimig Israel binok Nide limwa.

YOHANES 15:16

Jidimig Dani bi noro didimig jeni bidicuk je leu binhyepo juug ngat ningat mang bibor ba, ningat dima ne ningat di bit bon pror yon kan bi. Gino jahara Dicig tut mun nyeng hi tug hon dinyeng lene Noni mibirop hanyen bije.

EFESUS 1:4

Allah dimig nye ei nok Nide limwa nya tug hon ide ninok gom kin Kristusti nipou tirigi Noni pai tes dihyeisi dini bigyo leu binhyepo ingon kwes-kwau ba, sisar hi rap nye bi ei Noni niyai him. Allah ningon ngakei nyeti bindei ba,

NINDAT KEP TUHAN NICUKTI NYA 32:9

Noro Noni dimig Yakub de nintun him yamti di bram yam nya ba, inok Nide limwa nya.

NINDAT KEP TUHAN NICUKTI NYA 33:29

Je di mben Israel e, ma jingon llei bibor! tuhan teu je tu. Mben nindigsi ei dihyeisi dini hi noyam kin jeni bi. Lewo tuhan Nongkom rinok jide simeda kin jide mun di jibipukep ser tibor ninggwenti nya. Noni miya srak ko hagau je leu api jide siceu nya micut bije. Yoni mikwei kuk yok ei jimig him ba, miyahara ser je noro mijico kep yok bingwig hak ug.”

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

PETRUS GI NIGOM 2:9

Noro Allah dimig je nok Nide mben nya kin Nide imam nya di igyai midyai mem ide Nibou Ndig di Allah kin Nide mben di ingon kwes nya kin Nide limwa nya cem. Allah dimig je bihig je kwei leu nidinditi bijicoi ei Nide nipigati di sieng-siau kei leu binhyepo jitri tut Nide midyai di mindur nya.