MAZMUR 33:10 - ALLAH NIHYET MEM TUNGWATU NYA

¹⁰ tuhan tte tut keret dihyeisi dini ingon kanti nya bibindei ba, hagom cut hacan. Noni bigen ser yok leu binhyepo igyai kep ingon kanti nya kan bi.

MAZMUR 33:10 ပူးပေါင်းရင်းမြစ်များ

NITRITI 11:8

Gima rino tuhan bindei ba, tungwatu nya yahagom intek gimahap bikieng kep dihyei nisurti-nipekti hagom leu lene ikes inda tut ide minu ndig di iwin pima.

SAMUEL GI NICAN 15:31

Tirigi Daud miap tut bipia Ahitofel tti kin Absalom tu lene noni ngat nadi bipai “tuhan e, ma abindei ba, Ahitofel de nipingok Absalomti hagom pek kep au!”

SAMUEL GI NICAN 15:34

Ne gino angkwei hanyen ug ei minu ndig Yerusalem ba, aubon nanti nok awak di ningon gom tut Absalom bit leu nok angon gom tut nicig lene gima mimpu da nindig bibor lewo bon nituti mem gima abindei ba, Ahitofel de nipingok Absalomti hagom pek kep bi.

SAMUEL GI NICAN 17:14

Lene Absalom kin mben Israel yahagom ibuhup “Husai nipingok nyeti kei bibor dor njiriek Ahitofel nipingok nyeti.” tuhan kos tut bipia yo dima mice tut Ahitofel nipingok yokti di kei bibor dima bi leu binhyepo bindei ba, mun di buhun bibor micut igkep Absalom.

SAMUEL GI NICAN 17:23

Tirigi jo nibreisi mem Ahitofel bipia Absalom bit nipingok noti pima bi lene noni tin ei nide keledai bibri bingkwei hanyen ug ei nitimieisi. Noni nyohou dimig nide mun di nyeng tut nya hagom biput tu lene ba kuk bisrou nonti nikimam bimai. Lene itig simiak nide bat nya ijui nya.

NIBOU NDIG NYA GI NICAN 6:9

Noro Elisa sok nihyet bak nibou ndig mben Israel bisok kep noni ser nhyema tentara Israel yuug ei mpia dima bi lewo tentara Siria ikos dik sir simpak ba, itin ei mem gima ihwen yok.

NEHEMIA 4:9

Noro ningat nadi bak Allah leu api nita tentara di igya ser nye mem mmun-njap nya.

MAZMUR 140:8

Ditde tuhan Allah di sindem di teu da di dingwes ngun e, anyohou da tirigi dikon pran tu.

MAZMUR 21:11

Ide nintun him yamti di bram yam nya hi dima niken jo bi. Lewo nibou ndig micok tut yahagom.

MAZMUR 9:15

leu binhyepo dinggei sut Nani ei timiei minu ndig Yerusalem yoho bei. Midimbos bidibiyai nillei lewo ateu da bidingwes ngun.

NIPINGOK NINGONTI 21:30

Tungwatu nya ide ningon tekti kin ide nintin kimboti kin ide ningon kiti jo binghig ei tuhan Noho bei bi sren.

YESAYA 19:3

Midibindei ba, mben Mesir ingon kanti di itin ei nya mipek kep bi leu api mimbri di kui ingkek dahat leu yok. Yahara kwar nya bimpu yok ba, yahara nung nya kin ninnei rom nya cem tut nipingokti di bindo puig di kei biyok.

YESAYA 44:23

Mpia-bbed him e, ma ambos-hi-mbos! Dihyei jou e, ma ayai nillei! Mbigdip nya e, ma jimbos-hi-mbos! Baham tindurti bitut biei nya hagom e, ma jiyai nillei! Lewo tuhan ndo Nide nikei-kau-keisi brei tirigi Noni teu Nide limwa nya.

YESAYA 44:25

Dibindei ba, yo di iko mun bibinggok tut ndiyok ingon mbum ba, diba yo di nung kui yok bikek. Dibigen ser yo di ingon ki nya ighyet bidikiek ingon di kimbo bidibindei ba, ingon mbum hanyen.

YEREMIA 19:7

Miditte tut timiei Yehuda kin timiei minu ndig Yerusalem nya yahagom ingon kanti ei mpia dini. Midisindui sut ba, ide siceu nya mikon pran bit yok leu api ibindei timek yok bingwig. Midisindui sut ba, ha nya mipuk ide nimbiam leu api mindhe di niten-pos nya mibriu yok nok ide mun di igyem.

YEHEZKIEL 20:32

Jibindei jenti ba, jinoyam kin ngkiai nya kin timiei minu hiter nya di ikuk yok bak biei kin tig. Noro jingon kanti dima mipek kep mem je bi sren.’ ”

MALEAKHI 1:4

Gino yo di intun Esau him icuk yam bipai “Ide minu dini timek bingwig su noro jikwei ba, iwin hanyen bu.” Leu api tuhan buhup “Nnaba iwin ide minu hanyen hak ug leu api dibindei ba, hagom timek bingwig hanyen bu. Tungwatu nya mijem minu dima ‘Minu Di Kinei’ kin ‘Mben di itug ndei tuhan ningon sibui sut yokti bijo ninno bijo kikau.’ ”