MAZMUR 32:7 - ALLAH NIHYET MEM TUNGWATU NYA

⁷ Na di tuhan anok hak mihyeti di diku da nyahan eisi lewo akwek da leu mun di buhun tak da. Diba dingon llei bibor bipai doia lewo ateu da bidingwes ngun tu.

MAZMUR 32:7 ပူးပေါင်းရင်းမြစ်များ

SAMUEL GI NICAN 22:1

Tirigi tuhan teu Daud biningwes ngun leu Saul kin nide siceu nindigsi nya cem inda nsi lene Daud pai doia dini bibinggei sut tuhan. [

MAZMUR 119:114

Ambrap gau da bidigwam coi Nani lene diba dingon com Ade nipreu eisi nya.

MAZMUR 143:9

tuhan e, dihwou ya ei Aho bei mem gima digwam coi Nani. Akwek da leu ditde siceu nya inda nsi.

MAZMUR 18:5

Bon nya di srou da ug ei minu nimai nya ide yon ttai da. Muk ngei di bindei sar da tti nindig bibor biyon kep da.

MAZMUR 27:5

Tirigi mun di kinei micut igkep da lene Noni mikieng ninyehei gau da binyohou da bidingwes ngun ei Nide Ig lewo Noni nok tring ser da.

MAZMUR 31:20

Ade nisingat tut tungwatuti di atin ei mem yo di ittin tut Nani dima nindig bibor! Tungwatu nya yahagom ingat Ade nisingat tut yo di igya coi Na.

MAZMUR 32:10

Yo di isibut nya mitug ndei mun di buhun bibor. Noro tuhan ba ningon ngakeisi binyohou yo di iba ingon com Noni.

MAZMUR 40:3

Noni kon da leu jui nsi di kinei bibor biteu da leu igkrop di ntan bibor lene kes da bidiya ei bor ngug dip bibindei ba, dimbut sindem.

MAZMUR 5:12

Noro ma asindui sut ba, yo di igwam coi Nani yahagom ingon nggei-hi-nggei hak ug ba, igyai nillei bijo ninno bijo kikau. Anyohou yo di ingon ngakei Nani leu binhyepo igyai nillei tug hon Nani.

MAZMUR 9:9

Noni ba ningon gom binyeng tak kep ngkiai nya hak. Noni ba ningon di sren kei bimbus ingonti cem.

MAZMUR 91:1

No di bisau ndam Allah Di Ninyeng Jei Bibor di miya srak ko hagau noni kin no di ya coi Allah Di Sindem Bibor,

MAZMUR 98:1

Ma jipai doia di nijep bak tuhan drek dip Nide niyai munti di bibon ninggap leusi nya! Noni ba Nide ninyeng jeisi kin nisindemti bibindei timek siceu nya tu.

YEREMIA 36:26

Lene noni cuk nipmot Yerahmeel kin Seraya di Azriel nipmot kin Selemya di Abdeel nipmot leu binhyepo ikwei kat dani kin ditde sekertaris di Barukh ba, nisima. Noro tuhan ku nye nyahan leu yok.

KOLOSE 3:3

Lewo jimai su lo, jide niyaijoti nimungkun jo nibreisi bigyo lene gima bitut Kristus niyaijoti. Ningginausi dini igbit rin drek dip gi jinok gom kin Allah.

NINGAT-HI-NGAT NYA 7:10

Yo dini iba ighyet nindig bibor bahara “Niteu leu sisarti kin niyaijo nijep tug hon ide Allah di gwam banggo mbrei dip kin Domba Pmot cem.”

NIJAM NIKEI NYA 5:1

Njap dima ne Debora kin Barak di Abinoam nipmot ipai doia gom,