MAZMUR 32:5 - ALLAH NIHYET MEM TUNGWATU NYA

⁵ Leu api dipai jit ditde sisar brei biNa bidiku ditde mun di diyai tunggwei nya nyahan bu bi. Dikan “Singkwei ba, sipai jit side sisar bak tuhan. Apino akos ser ditde sisar hagom bidingon mui bu bi.”

MAZMUR 32:5 ပူးပေါင်းရင်းမြစ်များ

SAMUEL GI NICAN 12:13

Lene Daud buhup “Dibon sisar tut tuhan tu.” Lene Natan pai binoni “Andigpoi e, tuhan kos ser ade sisar tu. Apino ma atug ndei nimai drek dip bi.

SAMUEL GI NICAN 12:9

Gi nok lene nggon rino angon hou ser dicuk nati nya i? Nggon rino ayai mun di mbuk bibor pini i? Abindei dino mben Amon igyai nimai bak Uria tirigi ikon pran bit yam leu api apos nitnem binok atnem bu!

SAMUEL GI NICAN 24:10

Noro tirigi Daud bindei ba, Yoab nya ipas kep limwa dima imangti leu su rino ningon huk niti bikan lo, bon mun tunggwei sut tu. Leu api hara bak tuhan bipai “tuhan e, dibon sisar nindig bibor tu! Nnaba akos ser ditde sisar lewo diyai munti dima bindo tut dingon di mbum bibor.”

SAMUEL GI NICAN 24:17

Tirigi Daud ngat malaikati di ba nsuwer ajar bihwen limwa nya lene pai bak tuhan “Dani rino dibon sisar a. Dangkom ngat rino dibon mun di tunggwei dima. Noro yo di yuum hukum dima ne itunggwei sut mindei ngan i? Suar akes hukum ei dani kin ditde ig bei nsi nya dip hak ug.”

NIBOU NDIG NYA GI NIGOM 8:50

Akos ser ide sisar di ibon tut Na kin ide naham imbuk kep Nati hagom lene abindei ba, ide siceu nya ingon nggriu sut yok.

NIBOHON MBEN ISRAEL GI NICAN 6:29

apino handei kon ba, angig atingou mem ighyet. Gino Ade limwa mben Israel bihi ikiju bigya ba, isu inda kui ndam Ade Ig dini leu api iba ingon di ngguk bingat nadi bak Nani,

EZRA 10:11

Gima rino ma jipai jit jide sisar dima bak tuhan Allah di idigup bat-idigai bat nya ikuk yok bak leu lene jibon mun di biyai tuhan ningon di kei hanyen. Ma jimbres jenti ei minu ting leu ngkiai nya di ibong srig jikieti ei jitimieisi dini lene ma jikes jitnem bat ngkiai nya dima bingkwei hanyen leu jikieti ug ei itimieisi hak ug.”

AYUB 31:33

Hiter iku ide sisar bijo nding leu tungwatu nya igyai him noro diyai igbit igyai kepti dima bi sren.

AYUB 33:27

No dima mipai ei yo di yahagom yoho bei ‘Dikan bigya gi kinei ne gi kei rin apino ditde sisar nindig. Mbro nok gima lo, Allah kes hukum ei da dip bi.’

MAZMUR 103:12

Noni com ide sisar ug ei minu ting bibor dem kep nok mpia nipriti kin nikimbasti niting leu yamti.

MAZMUR 103:3

Noni kos ser jide sisar hagom bibindei dino jikei hanyen leu ninggwenti di hwen je hagom.

MAZMUR 25:16

Angig ayai kep da lene angondut da lewo dingwes srek ba, ditde siceu nya ihwen bit da.

MAZMUR 25:18

Aba angon bisrip huk mun di buhun tak da kin ditde siceu nya di ihwen bit da. Lene akos ser ditde sisar nya hagom.

MAZMUR 30:5

Je di limwa di jiba jingon gom bibit tuhan e, jikwei ba, ipai doia nibinggei sut tuhan a. Ma jipai sigyo bak ba, jiba jingon srip bram bipia Noni ne No Di Kwes-Kwau ri.

MAZMUR 38:18

Mbigom midicut ba, ninggwenti bijo-jo yam dip kep da kikau.

MAZMUR 38:19

Dipai jit ditde sisar bidingon bos-bos nyen tirigi dikan-kan nyen tut ditunggweisi nya.

MAZMUR 51:6

Dibon sisar tut Na di Allah Nangkom he ba, diyai mun di apai sut bipia kinei bibor tu. Gima rino ayai mun di igbit tirigi akes hukum ei da dip. Akos tutti nya sren-srau kei.

MAZMUR 86:15

Noro tuhan e, Nani ne Allah di angondut nye rin ba, angon ngakei nye. Aom angon tut nye ba, angon nggriu sut nye cem ba, angon gom.

MAZMUR 86:5

tuhan e, asingat kei ba, ajoi sut akos ser nyende sisar. Aba angon ngakeisi di ug hon nohonti bi bingon ngakei yo di ingat nadi biNa.

NIPINGOK NINGONTI 28:13

Tungwa tou rino ku nide sisar ei ningonti mibong kei migwam kei bi sren. Tungwa tou rino pai jit nide sisar bittin ser nide sisar mibindei ba, tuhan ningon nggriu sut noni.

NIPINGOK NINGONTI 30:20

Sop wak cam di ningon gom tut nijjep bi yem njita tut pinai hiter leu su lene ug kek minyeiti leu api kan “Sibon mun tunggwei hi bi.” Gima ne niyai kepti ri.

YESAYA 65:24

Nipou tirigi ingat nadi bingwig bigyo lene midibuhup ighyet. Nipou tirigi ikes ighyet hon ba, ingat nadi bingwig bigyo lene midibirop hanyen biyok.

YEREMIA 2:23

Jiba jingon di jei pai sut jenti bipia nirom kui je bijikuk je bak Baal bi sren! Ma jiyok jiyai kep midut nya di jibon ei Mbang Briep Hinom ug e. Jikan kep jide sisar leu api ma jipai jit hak ug! Jinok unta niwek di nibou buwei di nang-nang nyen di bit bon hi kat bi.

YEREMIA 2:35

jipai sut jenti ‘Nyeni ningon ngun. Ningat ne tuhan ningon sibui sut nye bu bi.’ Noro Da di tuhan midikes hukum ei je dip lewo joom ser jide sisar.

YEREMIA 3:13

Ma jipai jit bipia jitunggwei ba, jihwen bit jide tuhan Allah tu. Ma jipai jit bipia jikiber jide ningon ngakeisi ei nung di ngkiai nya ikuk yok bak nya cem ei bikwop biei ndig di nimeng nggrou nibehei nya cem ba, jibit Ditde nicuk jeti nya bu bi cem tu. Da di tuhan disimbot dat tu.”

YEREMIA 31:20

Na di Israel e, anok dipmot di dingondut kin dingon kieti kin dingon him cem. Bikwop mpe dino dikon dihyet kep na lene diyok ngon kep na ba, dingon ya mem na. Midiba ningon nggriu bibon na.

HOSEA 6:1

Mben Israel ipai biyam “Jikwei ba, yahagom ingkwei hanyen ndam tuhan. Noni yai ninghuisi wei binye noro bindei ba, ikei hanyen. Noni bindei ba, ibok-ba noro Noni ba perban bingot kep hagom hanyen.

IMAM NYA IDE MIDYAI 5:5

Tut sisar dini yok hagom lene suar no di ningon mui pai jit nide sisar.

MALEAKHI 3:8

Nogindini dihig ser je ‘Da di Allah disindui sut tungwatu nya biris Da e?’ Jo nibreisi bipia bit bon jiris Da bi sren. Noro jiris Da tu bijihig ser Da ‘Notou niris Na i?’ Dibuhup “Jiris Da tug hon munkwas di jiyai biDa bi. Gima ne mitiei gom leu ningot gom, gom leu ningot gom kin mun di jinyeng tut di jikwas mikuisi tut Da bi cem.

LUKAS 16:15

Noro Yesus pai biyok “Jindo jenti dem kep nok yo di ingon sren nya ei tungwatu nya igyai him noro Allah kan tut mun di jo ei jingonti. Lewo mun di tungwatu nya ikan bipia bon ninyeng rino bon ninyeng ei Allah niyai him bi.

LUKAS 7:47

Gima rino dipai bina bipia nide ningon ngakei Dati di nindig bibor dima ndo bipia Allah kos ser nide sisar di mang bibor tu. No di yai nikos ser nide sisarti gom-gom he miba ningon ngakeisi poi mien bibirop no di kos ser nide sisar.”

EFESUS 4:32

Noro ma jingon nggriu sut yam bijibaningondut yam bijiba ningondut yamti bihati tut yam cem jingon nggriu sut yam ba, jikos ser sisar di jibon di bitut yam biyam cem bit leu nok Allah kos ser jide sisar tug hon Kristus tu.

YOSUA 7:19

Lene Yosua pai bak Akhan “Apai jit-jit mun di abon tunggwei sut pima ei mpia dini ei Israel ide tuhan Allah Noho bei. Apai sut gini brei bida lene ma aku mun nyeng hi au.”