MAZMUR 32:11 - ALLAH NIHYET MEM TUNGWATU NYA

¹¹ Je di jingon sren e, ma jingon kei bibor bijiyai nillei drek dip tuhan niyai munti nya. Je di jibit tuhan nihyet e, ma jiba jingon di llei bimbos-hi-mbos binggei sut Noni!

MAZMUR 32:11 ပူးပေါင်းရင်းမြစ်များ

MAZMUR 125:4

tuhan e, asingat tut yo di isingat nya kin yo di ingon sren nya.

MAZMUR 32:2

Bikwop yo di ibon sisar lo, tuhan yok ngon kep ide sisar bu bi lene yo dima ingon nggei-hi-nggei lewo iba ingon can biris ei hiterti bu bi.

MAZMUR 33:1

Je di jingon sren e, jikwei ba, iba nimbos-hi-mbos binggei sut tuhan niyai munti nya. Je di jibit tuhan nihyet e, jikwei ba, ikon ninyenga.

MAZMUR 5:11

Allah e, akes hukum ei yok dip. Abindei ba, itug midut drek dip yonti ingon kanti di itin ei nya. Ide sisar nindig bibor. Gima rino ajji yok hak ug lewo ikiek imig jou tut Na.

MAZMUR 64:10

Yahagom migwam idigitti noyam bikan-kan nyen tut Allah nibon munti nya leu api itri tut.

MAZMUR 68:3

Allah jji yok binang bidem kep hum mmup di hou yai di pren hak. Yo di isibut nya mipror hak ei Allah Noho bei noyam kin lilin ngei di jet ei humti.

MAZMUR 7:10

Acut yo di isibut nya ibon munti di kinei-kinau leu yok lene ayai ningon di ngkiem bak yo di isingat nya. Lewo Nani ne Allah di ningon sren-srau di kan bidem tungwatu ingonti kin ikan-kan nyenti cem ri.

MAZMUR 97:1

tuhan ne Nibou Ndig ri! Ma dihyeisi ningon nggei-hi-nggei ba, mios nya cem igyai nillei.

MAZMUR 97:12

Je di jingon sren nya e, ma jingon nggei-hi-nggei drek dip mun di tuhan bon mem je bijipai sigyo bak Allah di kwes-kwau.

MAZMUR 98:4

Tungwatu dihyeisi dini hagom e, ma jimbos-hi-mbos mem tuhan bijiba ningon di nggei-hi-nggei bipai doia bijibikon ninyenga.

ZAKHARIA 4:7

Nibigen ser nati di dem kep nungug lo, mipror leu aho bei. Nani rino ma awin Ditde Ig hanyen. Mpe dino akrau tig mma di bon ninyeng ba, aprion ei nuhuisi lene tungwatu nya mimbos-hi-mbos bipai ‘Kei bibor kei!’ ”

ROMA 5:11

Lene gima he bi lewo ingon llei sut Allah nisingat tut nyeti di tug hon ide Tuhan Yesus Kristus lewo Noni bindei ba, Allah jem nisut bit nye.

NINDAT KEP TUHAN NICUKTI NYA 12:12

Ma jeni kin jimunggwom bat nya kin jide awak nya kin yo di intun Lewi him di ibong ei jide minu nya jahagom jingon llei sut yam ei minu ttou nsi gom dima ei tuhan di nok jide Allah Noho bei. Lene ma jiyok ngon kep bipia yo di intun Lewi him nya ima ide dihyei hanjop nsi hi mem yonti bi.

FILIPI 3:1

Disut bat jen, dipas kep ningwigsi nok gini. Ma jingon llei sut jide ninok gom kin Tuhanti. Gino nipas kepti dini kibin kep nipas kepti di dipas kep nipou su ne buhun mem da bi. Lewo nipas kepti dini minyohou je leu binhyepo jisrawir bi.

FILIPI 3:3

Lewo nyeni icoi ei midut sunat di nijitti tu noro yoni ne bi. Lewo ikuk nye bak Allah tug hon Allah Ninnei di mpu nyeni ba, ingon llei sut ide ninok gom kin Kristus Yesusti ba, iba ingon com nibon midut ningkek dip nya bi.

FILIPI 4:4

Handei kon ba, jingon llei bibor bikwop mmun-njap drek dip jide ninok gom kin Tuhanti. Ditigtai je mbigom kin bu “Ma jingon llei bibor!”

SAMUEL GI NIGOM 2:1

Lene Hana ngat nadi bipai, “Allah bindei ba, dingon llei bibor. Nide niyai munti nya bindei ba, dingon nggei-hi-nggei. Diba dingon di nggan-triot pa ndip ditde siceu nya lewo tuhan mpu da nijit tu.