MAZMUR 31:8 - ALLAH NIHYET MEM TUNGWATU NYA

⁸ Dingon nggei-hi-nggei ba, dillei ngwig sut Nani lewo angon ngakei dati ug hon nohonti bi sren. Angat ditde ninghuisi weisi ba, ayok ngon kep mun di buhun di cut igkep da cem.

MAZMUR 31:8 ပူးပေါင်းရင်းမြစ်များ

AYUB 16:11

Allah kes da ei yo di isibut nya indati. Lene bicut da ei yo di ibon mun hacican indati cem.

AYUB 36:16

Allah kwek nani leu mun di buhun bibor apino abong kei agwam kei ba, ade meja niyem njita eisi mpung bibor tut njita di mmau kei.

MAZMUR 10:14

Noro ningat ne Nani angat gima tu ba, angig ayai kep niduhug-duhug nyenti kin niweisi. Ba, atin ei kikau mem gima ampu yok. Yo di isindem bi nya ikes yonti ei anda nsi. Ampu kep yo di yuhui mbum nya kikau kwei bipek ammani kep tu.

MAZMUR 18:19

Mpe di mun di buhun bibor cut igkep da ne ditde siceu nya igyon ttai da bihwen da. Noro tuhan mpu da,

MAZMUR 4:1

Doia Daud mem no di bie tut doia nimpung di iba nggong mbrei bikek nya.

MAZMUR 88:8

Angon sibui sut dati tak kep da bibor ba, agga da biborti tak kep da bidinnem-nnai.

NEHEI LEUSI 2:25

Noni ngat bou niyai him bipia mben Mesir iba imbuk co kep mben Israel. Gima rino kos tut bipia mimpu yok.

YESAYA 19:4

Midikes mben Mesir ei nibou ndig di ngondut tungwatu kan bi nindati ba, ninyeng tak kep yok isibut biborti. Da di tuhan Di Dinyeng Jei Bibor disimbot dat tu.”

NINDAT KEP TUHAN NICUKTI NYA 26:7

Mpe dima ne ningat nadi bak tuhan di nok nyeni nidigup bat-nidigai bat nya ide Allah. Lene amiap kep nyende nadi ba, angat bou ayai him bipia niyai ninghuisi di wei ba, mun di buhun bibor cut igkep nye ba, ico kep nye cem ei mpia dima.

NINDAT KEP TUHAN NICUKTI NYA 32:30

Nggon rino ibou sribu gom icut bak ide siceu gom ngat i? Nggon rino ibou sribu simnai icut bak ide siceu nya ibou can he i? Lewo tuhan di nok ide Allah kes yok ei ba, No di sindem bibor tri yok bak ide siceu nya tu.

SAMUEL GI NIGOM 17:46

Njap di ammani ne tuhan mikes na ei dindati bibindei ba, acut bak dani leu api midirop abou leu ug ri. Lene midikes angut kin tentara Filistin ingut ei mem ha nya bipuk lene mindhe nya bibriug. Leu api tungwatu dihyeisi dini hagom mikan tut bipia nye di mben Israel nibon nyende Allah di nikuk nye bak.

SAMUEL GI NIGOM 24:18

Leu api pai bak Daud “Dwai! Angon sren lo, dibon mun tunggwei sut na. Mbro nok gino dimbuk tut na lo, aba angon di nggriu bibirop bida.

SAMUEL GI NIGOM 26:8

Lene Abisai pai bak Daud “Allah kes ade siceu ei andati mem mmun dini tu. Ma ace tut bidiba nonti nide micim bidat ningut bikus nite hi leu ba, tibim dihyeiti hak ug. Didat noni mbican bram yam bi noro mbigom ngat bimai hak ug.”