MAZMUR 31:22 - ALLAH NIHYET MEM TUNGWATU NYA

²² Dinggei sut tuhan! Lewo ningon ngakeisi bibon ninggap leusi nindig bibor mem da mpe di igyon siceu ttai da bihwen da.

MAZMUR 31:22 ပူးပေါင်းရင်းမြစ်များ

AYUB 35:14

Ayub e, gi nok lene nggon rino Allah miap kep ahyet gino apai bipia bit bon agingat Noni bi i? Bitut gima cem apai bipia ade munhyet jo ei Noho bei tu. Gima rino ma abet angon mem Nide nikos tutti hak ug!

MAZMUR 116:11

Tirigi dingon tai-tai bou ne dikan “Tungwatu nya yahagom ingon mang. Bit bon siba singon com yok bi sren.”

MAZMUR 17:7

Ando tut ade ningon ngakeisi di bindei ninggap leu sutti a. Lewo ateu yo di igwam coi Nani ba, ingwes ngun. Nok gino ide siceu ipi bihwen yok lo, yo di igwam kui Na ingon jo nyahan.

MAZMUR 31:17

Dijoi sut gima ajoi sut da. Ateu da bidingwes ngun tug hon angon ngakei dati.

MAZMUR 6:9

Je di jisibut e, ma jimbres jenti ei minu ting leu da hak lewo tuhan miap kep gi dipim kui jei tu.

MAZMUR 66:20

Dikon Allah ninyeng lewo Noni girok ditde nadi di dingat bak ba, gikes hon ningon ngakei dati bi.

MAZMUR 88:16

Ditug midut habiei dimien kwei ba, nimai yok niyai kep da. Ditug ndei hukum di akes ei da dip lene gima bindei ba, dinghuisi wei bibor.

YESAYA 49:14

Noro timiei minu ndig Yerusalem ipai, “tuhan kes nye ei ba, ide tuhan ningon prion ser nye tu.”

YESAYA 6:5

Lene dikan “Buhun bibor! Bit bon singwes ngun kan bi! Lewo side sisar ribindei dino map kui sihyet di tibim ei suhui him hagom ba, sibong bit yo di ighyet wer mpiahi tut tuhan. Mbro nok gima lo, singat Nibou Ndig bou siyai him tu ba, Noni ne tuhan Di Sindem Bibor ri.”

YEHEZKIEL 37:11

Allah pai bida “Na di tungwatu di ayaijo kikau bi e, mben Israel noyam kin nimai njum dini. Yoni ilua sok tut yonti bipai bipia inok nimai ngak-cai cem ingon cut leu su cem njap nituti hi mem yok bu bi cem.

YUNUS 2:4

Dikan bipia acom da bihigom leu Aho bei leu api midingat Ade Ig di kwes-kwau bou diyai him bu bi sren ug ri.

LUKAS 11:10

Lewo no di hara miyai lene no di nggok ser mingat lene no di puk dimbou dimbou mikau leu noni.

IBRANI 5:7

Tirigi Yesus ningat rin ei dihyeisi dini lene Noni ba nihyet nindig bibor kin niyai nggwei di kibor bingat nadi bak Allah di sindem mem gima nyohou Noni leu binhyepo mai bi. Allah ngig nitingou mem nihyet lewo Yesus ba ningon di gom bikuk No bak Allah.

SAMUEL GI NIGOM 23:26

Saul kin nide tentara nya isir bor ngug nite dini ug lene Daud nya isir bor ngug nite dinu kwei. Daud nang haninyai billu leu Saul di yon ser Daud nya pi bikat yok.

SAMUEL GI NIGOM 25:32

Lene Daud pai bak Abigail “Dinggei sut mben Israel ide tuhan Allah di pinak na di akwei um da ei njap di ammani.

SAMUEL GI NIGOM 27:1

Mpe dima lene Daud kan “Jei bi lene Saul miyai nimai bisa ri. Gima rino nna ba sinang ba, suug bong bit mben Filistin hak ug lewo puig hiter mem sa bu bi. Gi nok lene Saul mikes hon binggok-nggok nyen sa ei mben Israel ikieti bu bi. Apino misingwes ngun lewo sibong nyahan ei Filistin.”