MAZMUR 31:19 - ALLAH NIHYET MEM TUNGWATU NYA

¹⁹ Atak kep ser yo di iris mun igkei nya yuhui hak leu gi iba ingon di jei bipai yo di ingon sren nya kinei a.

MAZMUR 31:19 ပူးပေါင်းရင်းမြစ်များ

KORINTUS GI NIGOM 2:9

Noro bit leu nok gi ipas ei Allah nihyetti, “Mun di jo nding leu tungwatu nya igyai him cem tibim ei itingou nsi cem coi ug ei ibou ngwakti cem bi sren dima ne mun di Allah tin ei pijum mem yo di ingon ngakei Noni ri.”

YESAYA 64:4

Ter leu Nani lene tungwatu nya ingat kwar di yai nibou tut yo di iba ingon com noni noyam kin Nani bou igyai him ba, imiap ninghapti cem bi sren.

YAKOBUS 2:5

He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.

MAZMUR 16:11

Ba, ando puig di bie tut da ndam niyaijo nijep. Dingon llei bibor ba, dingon nggei-hi-nggei cem bijo ninno bijo kikau lewo aya kui da.

MAZMUR 23:5

Angei njita ba, abon pesta mem da bou ditde siceu nya yahagom igyai him. Aya um da ba, abibon da nok no di ninyeng jei ba, ahug ba anggur ningei di ui-gwang kei ug ei ditde mokti bipias hagau cem.

KORINTUS GI NICAN 5:5

Allah tin ei ingonti mem mun di mipek kep mem nye dima bikes Nonti Ninnei ei nyeni ingonti nok bindo di bitak buk kep mun di hagom di mibitimon nye.

YESAYA 35:10

Yo di tuhan kwek yok tu nya mimbos-hi-mbos tirigi ingkwei hanyen kwei ei minu ndig Yerusalem. Yahagom iimaisi sieng-siau kei lewo ingon nggei-hi-nggei. Yahagom ingon llei bibor ba, ingon nggan-triot cem. Ningon ngguk biborti kin ningon buhun biborti cut leu yok bihigom tu.

YOHANES 3:21

Noro no di yai igbit Allah ningon kanti kwei ndam nipigati leu binhyepo nipigati piga digai nide niyai igbit Allah ningon kanti.”

MAZMUR 73:1

Doia Asaf. Igbit ri! Allah ningon singat tut Nide limwa Israel kin yo di ingon kwes kin yo di ingon gom.

YESAYA 26:12

tuhan e, abindei ba, nyeni nibong kei nigwam kei. Mun nyeng di niyai kep nya hagom tug hon Ade midyai nya.

MAZMUR 68:28

Benyamin de keret di mien bibor injei bibie ngat, leu api nibou keret Yehuda nya injei yo bram lene keret Zebulon kin Naftali ide nibou nya ipek kep niabiati bu.

ROMA 11:22

Mun dima yok ndo binye bipia Allah ningon nggriu cem nggwes cem. Ningon nggwes tut yo di ibon sisar noro ningon nggriu sut je gino jiyai munti nya biyai Allah ningon nggriu sut je. Gi bi ne Noni misriot je hanyen leu.

IBRANI 10:34

Jiyai ninghuisi wei noyam kin yo di isima ei ig bui nsi. Tirigi tungwatu ipos ndigban hagom leu je ne joom jingon bijingon nggan tut lewo jikan tut bipia mun di kei di bit bon pror yon hanyen kan bi no jo mem je.

KISAH 15:12

Gima rino yahagom ikimut yuhui bigwam nyahan bingig itingou mem Paulus kin Barnabas ighyet di itri tut Allah de mindur kin bindo di Noni bibon tug hon yoni ei ngkiai nya ikieti ug e.

MBEN ISRAEL IMBUT-MBUT NYEN 23:23

Bikwop seig ut kin nung nya hagom sindem mem gima sigion mben Israel kan bi. Tungwatu nya misimbot dat tut yoni bipai ‘Jingat i! Allah bibon mun di mindur mem yok ninno tu.’

MAZMUR 12:5

“Niba nidweb di sindem bitug ndei ndiyok bit leu nyeni ningon kanti. Nisimbot dat mun bit leu nyeni nijoi sutti lene hi di bigen ser cem bi!”