MAZMUR 30:5 - ALLAH NIHYET MEM TUNGWATU NYA

⁵ Je di limwa di jiba jingon gom bibit tuhan e, jikwei ba, ipai doia nibinggei sut tuhan a. Ma jipai sigyo bak ba, jiba jingon srip bram bipia Noni ne No Di Kwes-Kwau ri.

MAZMUR 30:5 ပူးပေါင်းရင်းမြစ်များ

NITRITI 32:24

Noro Yakub gwam binongkom ei minyei nite hi. Lene tungwagom tau kwei bikat noni ba, idahat kukwei yam kikau binjap kep.

MAZMUR 103:17

Noro tuhan ningon ngakeisi kin nisingat tutti jo ninno bijo kikau mem yo di ikuk yok bak Noni buug ninno mem ide nintun him yamti di bram yam nya,

MAZMUR 103:9

Noni sinsam tungwatu nya ba, ningon sibui sut yok kikau bi.

MAZMUR 143:8

Awin kep dingonti tut Ade ningon ngakeisi bikwop njap tekti lewo diba dingon com Nani tu. Ando puig di suar dimbut kak bida lewo dingat nadi biNa.

MAZMUR 145:10

tuhan e, mun di apai tes nya hagom minggei sut Na. Ade limwa nya yahagom mipai sigyo hanyen biNa!

MAZMUR 16:11

Ba, ando puig di bie tut da ndam niyaijo nijep. Dingon llei bibor ba, dingon nggei-hi-nggei cem bijo ninno bijo kikau lewo aya kui da.

MAZMUR 46:5

Minyei pmot hi biam bibindei ba, tungwatu nya di ikuk yok bak Allah ei Nide minu ndig ingon llei bibor. Minu ndig dima ne mpia di Allah Di Ninyeng Jei Bibor bong ser ri.

MAZMUR 47:7

Ma jiba doia binggei sut Allah. Ma jiba doia binggei sut jide Nibou Ndig!

MAZMUR 59:16

isror binggok njita nyen. Gino igyem njita bindei yok bi lene igyau.

MAZMUR 63:3

Ma asindui sut ba, diyai bong kep Na tirigi Angat rin ei Ade Ig ba, dingat Ade nisindemti kin Ade nikei-kau-keisi cem bou diyai him.

MAZMUR 97:12

Je di jingon sren nya e, ma jingon nggei-hi-nggei drek dip mun di tuhan bon mem je bijipai sigyo bak Allah di kwes-kwau.

NEHEI LEUSI 3:15

Ma apai bak mben Israel bipia Dani ne tuhan di idigup bat-idigai bat di Abraham kin Ishak kin Yakub yoni ide Allah pima rin ba, dipinak na ug ndam yok tu. Dani ne tuhan ba, gima ne dinyeng di bijo ninno bijo kikau ri. Suar mben Israel ide nintun him yamti di bram yam nya igyok ngon kep dinyeng dima kikau buug hon nohonti bi.

YESAYA 12:1

Njap ngon bou midem leu api mijipai doia dini. tuhan e, dipai sigyo biNa lewo agwam ser dingon. Nipou yo ne agga da noro tini bu ne Ade niggati cut tu.

YESAYA 26:20

Ditde limwa nya e, ma jicoi ug ei jide ig leu api jinggam dimbou a. Jiku je sri bibou tuhan niggati cut leu e.

HOSEA 6:3

Gima rino ma jikwei ba, ita ibou ei gi ingon jo kep Noni hanyen. Noni mittau kep nye hanyen noyam kin mpia di com mem njap tekti kin biget di but kwei ei dihyeisi dini mem bed di biang biget ningwigsi.”

MATIUS 5:4

Bikwop yo di ingon ngguk bibor nya ingon nggei-hi-nggei lewo Allah migwam ser ingona!

KORINTUS GI NICAN 4:17

Mun di buhun tak nye di jo kikau di bon ninyeng bi dini bie tut nye ug ei ningon llei sutti di mindur di jo kikau. Gino ibinai hacem kin yam ne ningon llei sutti dima nindig bibor dor njiriek mun di buhun tak nye.

NINGAT-HI-NGAT NYA 22:1

Malaikati dima ndo minyei di biyai niyaijo bida. Minyei dima pimbai kei dem kep kristal di biam kwei leu Allah kin Domba Pmot ide banggo mbrei,

NINGAT-HI-NGAT NYA 22:17

Allah Ninnei kin no di Sop di miwak Nijjep pima ipai “Jikwei!” Suar yo di imiap nihyet di jo ei srat diniti ibinut bu bipai “Jikwei!” No di nggobiau suar kwei! Ma no di ningon joi sut minyei kwei dut minyei di bindei bigyai niyaijo mikuisi.