MAZMUR 30:11 - ALLAH NIHYET MEM TUNGWATU NYA

¹¹ tuhan e, amiap kep dihyet ba, angondut dani cem leu api ampu da o!”

MAZMUR 30:11 ပူးပေါင်းရင်းမြစ်များ

NITRITI 37:35

Nipmot bat nya kin nipmisop bat nya yahagom igwam ser ningon noro noni kou sut bipai “Dingon ngguk bibor tut dipmot nimaisi kikau ba, duug bimai kep.” Lene noni pim kui jei sut nipmot kikau.

NITRITI 45:28

Lene noni simbot dat “Sipmot Yusuf no niyaisi jo yo! Gima rino singon llei sut a! Suug ngat noni nipou tirigi simai bigyo.”

SAMUEL GI NICAN 6:14

Lene noni pri-pri nyen sindem bibor bibinggei sut tuhan. Mpe dima lene noni juk nide sinsun ser nonti bi noro kri sre linen nicun he kep nintig boua.

NIBOHON MBEN ISRAEL GI NICAN 20:12

Nani ne nyende Allah ri! Ma akes hukum ei yok dip lewo niyai nisindemti mem gima nikon pran bit tentara imang bibor di ijoi sut icoi minu dini ba, ibindei timek nye bi. Nikan tut puig di nikon pran bit yokti bi. Gima rino nikwei kuk nye biNa leu binhyepo ampu nye.”

NIBOHON MBEN ISRAEL GI NICAN 20:3

Lene Yosafat digit tut nihyet di miap dima bingat nadi bak tuhan leu binhyepo ndo ningon kanti bak. Leu api cuk limwa nya yahagom ba, igyem njita bi mem nituti poi.

NIBOHON MBEN ISRAEL GI NICAN 20:9

gino itug ndei hukum drek dip ide sisar nya ba, pran cut igkep yok ba, nsuwer ajar hwen yok cem ba, ninggum hwen yok lene ace tut ba, ikwei ya ei dimbou heisi di ikuk yok bak Allah eisi dini. Gino yuum mun di buhun bibor lene ace tut yok ba, ingat nadi biNa leu api mporo amiap ide nadi di ingat biNa ba, ampu yok.

NEHEMIA 8:10

Ma jingkwei hanyen ug ei jide ig leu binhyepo jibon pesta. Ma jiba jide njita kin anggur ngei bingondut jisut bat yo di yuhui mbum nya. Njap di ammani ne njap di ipigig sut ei mem ide Tuhan ri. Gima rino ma jingon kinei au. Ningon di llei bibor di tuhan yai bije mibindei ba, jiyai nisindemti.”

ESTER 9:22

Lewo ibindei timek ide nitok joti nya ei njap dima yok apino ningon nggukti kin ningon buhunti cut leu yoni ba, ningon nggei-hi-nggei kin ningon jo nyahan luei bu. Gima rino suar idem yam ei bibon midut niyem pesta bit yam bikwas njita tut yam cem tut yo di yuhui mbum nya cem ninyen.

MAZMUR 149:3

Ma jiba nibien-bien nyenti kin doia bikon ninyenga. Ma jiba nggong brei kin mun di nggileng bikon ninyenga!

MAZMUR 150:4

Ma jipri-pri nyen bijiba mun di nggileng di jimpig-mpig nyen nibimbi binggei sut Noni. Ma jiba nggong nya kin porei nya nibimbi binggei sut Noni.

MAZMUR 27:7

tuhan e, gino dingat nadi lene ma angig atingou mem dihyet! Ma angondut da ba, abuhup dihyet!

MAZMUR 30:5

Je di limwa di jiba jingon gom bibit tuhan e, jikwei ba, ipai doia nibinggei sut tuhan a. Ma jipai sigyo bak ba, jiba jingon srip bram bipia Noni ne No Di Kwes-Kwau ri.

MAZMUR 4:7

Imang bibor ingat nadi “Tuhan e, anjei mun di kei hi kin bu binye lene angon kei sut nye cem.

NIBA NINGON SRIP HUKTI 3:4

nituti mem ipim kin nituti mem ipa cem ba, nituti mem ingon ngguk kin nituti mem ipri-pri nyen cem ba,

YESAYA 25:3

Mben ngkiai di isindem bibor nya mikon anyeng ba, timiei nya mittin tut Na bidem minu ndig nya di mben di isibut bibor ide cem.

YESAYA 25:8

tuhan Di Ninyeng Jei Bibor mibindei sar nimai bijo ninno bijo kikau! Noni midip tungwatu yahagom igyai nggwei leu iimaisi bibindei ba, Nide limwa immai sut yonti bidem dihyei nisurti-nipekti bu bi. tuhan simbot dat tu ba, mun di pai dima mipek kep ri.

YESAYA 61:10

Minu ndig Yerusalem pai “Dillei ngwig sut tuhan niyai munti nya. Noni ba sinsun nda di ninyeng rino niteu leu sisarti kin nibindei sar siceusi nya bijuk da noyam kin no di pinai kin no di sop di imau yonti mem midut niwak yamti.

YESAYA 61:3

Noni bindei ba, timiei Sion di ingon ngguk bibor igyai nillei. Yo di ingon buhun bibor nya migyai ningon di nggan-triot hanyen. Noni bindei ba, iba doia di ibinggei sut Allah biluei ningon kineisi. Mpe dima lene idem kep nok biei mon di tuhan Nonti ta. Igyai munti nya hagom nok igbit ba, kei bibor cem bibindei ba, tungwatu nya ikon tuhan ninyeng di jei bibor.

YEREMIA 31:4

Mpe dima lene dibindei ba, jinyeng jei nok gi nipou. Mijimpig jide mun di nggileng leu api jiba jingon di llei bibor bipri-pri nyen noyam kin gi nipou.

YEREMIA 52:33

Nibou ndig ce tut ba, Yoyakhin juk sinsun ig bui leu no leu api cigit noni kui nide ig leu binhyepo yem njita bit noni kikau ug bipek niyaijo ningwig honti. Noni kwas mitiei kin mun di Yoyakhin suar nya hagom tut noni.

LUKAS 15:22

Noro nicig hig nide awak nya kwei bicuk yok ‘Jibipbur ba, juug yai sinsun di nibok kak kwei ba, jijuk ei noniti. Jikes srak mas ei ninda pijumti ba, jikes srop ei nimig jouti.

YOHANES 16:20

Ma jiyok ngon kep bipia mijipim bijiyai nggwei kibor cem noro tungwatu dihyeisi hagom ingon llei bibor. Jingon buhun noro jei bi lene jingon llei bibor hanyen bu.

NINGAT-HI-NGAT NYA 21:4

Noni midip tut igyai nggwei hagom bingwig leu yok. Imai cem ingon ngguk cem ipim cem inghuisi wei cem bu bi. Mun di nitimiei nya hagom pror leu su.”