MAZMUR 30:1 - ALLAH NIHYET MEM TUNGWATU NYA

¹ Doia Daud mem nipiga Allah De Igsi.

MAZMUR 30:1 ပူးပေါင်းရင်းမြစ်များ

SAMUEL GI NICAN 20:3

Tirigi Daud ug krau nide ig nibou ndig ei minu ndig Yerusalem lene buwak nitnem ndrim ibou simnai po kes yok mem gima ibong ser nide ig pima bibuwak yok ug ei ig gom di tentara nya igya ser bingkiem. Lene Daud tin ei mun di isuar nya hagom nok gi dem mem yok noro dideu yok biyem njita tut yok bu bi sren. Ba, ibong ei sirima tereu nok sop kibom kikau biyuug bimai kep.

SAMUEL GI NICAN 24:25

Leu api noni win nimbar hum dok gom mem tuhan ei mpia dima lene ba sapi dima yok bibon midut nindig mindhe titut ei nimbar hum dokti kin midut nibiyai ningon kwes kin tuhanti cem. Apino tuhan buhup Daud de nadi ba, nsuwer ajar di hwen mben Israel pima kes hon hak ug.

SAMUEL GI NICAN 5:11

Lene nibou ndig Hiram ei Tirus cuk yo di igya kui noni ibou poi ba, yuug ngat Daud. Lene noni kwas biei buom Libanon ba, pinak nide tukan biei kin tukan tig ibou poi cem bak Daud leu binhyepo ibingot ig nibou ndig mem noni.

SAMUEL GI NICAN 6:20

Tirigi Daud cem ngkwei hanyen ug ei nide ig nibou ndig bipigo nide bat nya lene Mikhal hei um noni lene ba Daud bikek bipai “Njap di ammani nibou ndig Israel bon ninyeng jei bibor! Noni juk sinsun haigtu bi bou awak sop nya igyai him bibindei ba, sop di igyai midyai ei nide ig dima yok ikan bigya noni ne no di nintin kiek ri!”

SAMUEL GI NICAN 7:2

Lene noni pai bak nabi Natan “Angat i! Dibong kei di gwam kei ei ig nibou ndig di iba biei buom Libanon bingot dini noro Allah De Brua Gi Preu jo nijoti ei prak meng behei gom ngat he.”

NIBOU NDIG NYA GI NIGOM 8:63

Noni bon midut nibiyai ningon kwes kin tuhanti tug hon gi ibui sapi ningut sribu nyatungwagom bican kin domba ningut sribu sratus gom ba, nyatungwagom bak tuhan. Tug hon nisinati dima ne noni kin nide limwa nya yahagom ipiga tuhan De Ig tu.

NIBOHON MBEN ISRAEL GI NIGOM 21:6

Noro Yoab kwop keret Lewi kin Benyamin imangti bi drek dip gi po noni joi sut nibou ndig nicuk noti pima bi.

MAZMUR 13:4

Ditde tuhan Allah e, atou kep da ba, abuhup ditde nadi. Angkwei ditde nisindemti bida hanyen lene ma asindui sut ba, dimai hak au.

MAZMUR 140:8

Ditde tuhan Allah di sindem di teu da di dingwes ngun e, anyohou da tirigi dikon pran tu.

MAZMUR 145:1

Daud de doia nibinggei sut tuhan. Ditde Allah kin ditde Nibou Ndig e, miditri tut anyeng di jei bidipai sigyo biNa bijo ninno bijo kikau.

MAZMUR 25:2

Ditde Allah e, diba dingon com Nani! Ma asindui sut ba, dimmai mpe dino ditde siceu nya ibindei cut da bingon kei kep da au.

MAZMUR 27:6

Gima rino midibindei timek ditde siceu nya di igyon ttai da bingwig. Midiba dingon di llei bibor bibon midut nindig mindhe kep humti ei Nide Ig. Midiba doia binggei sut tuhan.

MAZMUR 28:9

tuhan e, ateu Ade limwa nya leu binhyepo ingwes ngun. Anjei mun di kei biyok. Ma Nanti anok gembala mem yok ba, anyohou yok bijo ninno bijo kikau.

MAZMUR 35:19

Ma asindui sut ba, yo di imbuk tut da iba da bikek mikui-kausi au. Ma asindui sut ba, yo di ingon sibui sut da imbos-hi-mbos bingon kei kep da mikui-kausi au.

MAZMUR 41:11

tuhan e, angondut da lene abindei ba, dikei hanyen leu binhyepo bon nituti mem dibuhup ditde siceu ide nisibut tut dati dima ug e.

MAZMUR 66:17

Nipou ne dahara Noni leu binhyepo mpu da. Tini bu ne diba doia bikon ninyenga.

MAZMUR 79:10

Ma acuon ser ngkiai nya di ihig ser yam tut nye bipai “Ide Allah no hantou i?” Asindui sut ba, ningat hukum di akes ei yo di igyai nimai bak Ade awak nya dip bou nyeni niyai him.

MAZMUR 79:4

Mben ngkiai di ibong ttai nye ighyet tigut nye. Ipa tut nye ba, iba ighyet bicig nye.

NIBWOS-BWOS NYENTI 2:15

Yo di yahagom di injiriek kep na nya ighyet wer mpiahi tut na lewo atimek titut yam tu o! Ikit ibou nyen leu bipai “Gima ne minu ndig di kei bibor kei di tungwatu dihyeisi dini hagom inggap leu rin e?”

DANIEL 4:37

Gima rino nogindini da di Nebukadnezar dinggei sut Allah Di Ninyeng Tak Kep Gwamti. Dikuk da bak bidikon ninyeng bijo nai bibor. Niyai munti nya hagom kei-kau-kei bikwes-kwau cem ba, Noni sindem mem gima om yo di ingon jei nya ei nimig him.

NINDAT KEP TUHAN NICUKTI NYA 20:5

Leu api ma nibou tentara nya ihig ser jeni ‘No di sindi ngot nide ig biput noro bon midut nipiga ig dima bigyo ningat rin ei jikieti e? Gino ningat rin ei jikieti lene ma no dima ngkwei hanyen hak ug. Leu gino mai nimbiam ei pranti leu lene hiter mibong kep nide ig ri.