MAZMUR 3:4 - ALLAH NIHYET MEM TUNGWATU NYA

⁴ Noro Na di tuhan rino anok mun di dibipuk kep ser tibor ninggwenti nya. Abindei ba, dicut ditde siceu nya ba, abiwin kep dingonti cem.

MAZMUR 3:4 ပူးပေါင်းရင်းမြစ်များ

NITRITI 15:1

Mpe hi bu lene Abram ngat-hi-ngat bimiap tuhan nihyet di pai binoni “Abram e, attin au. Lewo midinyohou nani leu mun di kinei hagom leu api midiyai mun di kei nindig bibor binani yo.”

MAZMUR 119:114

Ambrap gau da bidigwam coi Nani lene diba dingon com Ade nipreu eisi nya.

MAZMUR 138:3

Mpe dino dahara Nani ne abuhup ba, ayai ningon di ngkiem bida leu api mimbri kui dingkek.

MAZMUR 18:3

tuhan nok tentara nibousi di sindem bibor di igya coi binok mpia di diya nding. Ditde Allah nok bor ngug di digwam coi. Noni ne mun di ibipukep tibor ninggwenti nya di kieng ser da rin ba, nyohou da leu binhyepo dibong kei digwam kei bit Noni.

MAZMUR 2:6

Lewo Noni pai “Dita ditde nibou ndig ei Sion ba, gima ne Ditde nungung tou di didimig bikwes-kwau ei su.”

MAZMUR 27:6

Gima rino midibindei timek ditde siceu nya di igyon ttai da bingwig. Midiba dingon di llei bibor bibon midut nindig mindhe kep humti ei Nide Ig. Midiba doia binggei sut tuhan.

MAZMUR 28:7

tuhan ne No di nyohou da ba, ya srak ko hagau da ri. Diba dingon com Noni. Noni mpu da ba, bibon dingon nggei-hi-nggei. Gima rino diba doia nibipai sigyo binggei sut Noni.

MAZMUR 34:4

Jikwei ba, inggei sut tuhan nisindemti ba, ikon ninyeng noyam.

MAZMUR 34:6

Mbro nok gino hi co kep yok lo, yo di iba ingon com Noni yahagom ingon nggan-triot kei ba, bit bon ingon pus tut Noni bi sren cem.

MAZMUR 43:3

Akes angon gomti bijo ei nibreisi nok ninjeng di piga digai puig bibie tut da leu binhyepo dibingkwei hanyen ug ei Sion di nok Ade nungug tou di adimig ei bikwes-kwau ba, ug ei Ade Ig di abong ser cem.

MAZMUR 50:15

Mpe di juum mun di buhun tak je lene ma jahara Da leu api midikwek je leu mun di ngot kep je nya apino mijikon dinyeng.

MAZMUR 62:8

Noni ne Allah di bindei ba, dingwes ngun biyai dinyeng di jei bida ri. Noni ne No di ya srak ko hagau da kin hak mihyeti di diku da eisi ri.

MAZMUR 84:12

tuhan Allah ne mpia di ninang coi kin nibou ndig di ninyeng jei bibor cem ri. Noni ba ningon di nggriu sut nyeti kin nisingat tut nyeti binjei mun di kei bak nyeni. Noni kou sut gima tak kep mun di kei ninyeng gom leu yo di ingon singat nya.

MAZMUR 89:19

tuhan e, Nangkom adimig no di ya srak ko hagau nye tu. Na di mben Israel ide Allah Di Kwes-Kwau e, Nangkom ata nyende nibou ndig.

MAZMUR 91:15

Tirigi yahara Da lene dibuhup ighyet. Tirigi mun di buhun cut igkep yok lene Dingat rin bit yok biditeu yok bingwes ngun ba, dikon inyeng cem.”

MAZMUR 99:9

Ma jikon ide tuhan Allah ninyeng bijo anai. Jikuk je biNoni ei Nide mbigdip di Noni dimig ei mem Nonti lewo ide tuhan Allah ningon kwes-kwau.

NIPINGOK NINGONTI 2:7

Noni mpu yo di ingon sren nya kin yo di ingon gom nya biya srak ko hagau yok.

YESAYA 65:24

Nipou tirigi ingat nadi bingwig bigyo lene midibuhup ighyet. Nipou tirigi ikes ighyet hon ba, ingat nadi bingwig bigyo lene midibirop hanyen biyok.

NIBWOS-BWOS NYENTI 3:56

amiap dihyet o! Dahara Nani leu binhyepo ata kep atingou leu dihyet di dahara Na tut au. Noro ma ampu da o!

MATIUS 7:7

“Jahara hak ug leu api mijiyai mun di jahara tut. Jinggok ser hak ug leu api mijingat mun di jinggok tut. Jipuk dimbou hak ug leu api dimbou mikau leu je.

YAKOBUS 5:13

Gino jigom ningon buhun lene ma noni ngat nadi. Gino jigom ningon llei lene ma noni pai doia binggei sut Allah.