MAZMUR 3:3 - ALLAH NIHYET MEM TUNGWATU NYA

³ Imang bibor di ipai bipia Allah kou sut gi mpu dani.

MAZMUR 3:3 ပူးပေါင်းရင်းမြစ်များ

MAZMUR 27:6

Gima rino midibindei timek ditde siceu nya di igyon ttai da bingwig. Midiba dingon di llei bibor bibon midut nindig mindhe kep humti ei Nide Ig. Midiba doia binggei sut tuhan.

MAZMUR 28:7

tuhan ne No di nyohou da ba, ya srak ko hagau da ri. Diba dingon com Noni. Noni mpu da ba, bibon dingon nggei-hi-nggei. Gima rino diba doia nibipai sigyo binggei sut Noni.

NITRITI 15:1

Mpe hi bu lene Abram ngat-hi-ngat bimiap tuhan nihyet di pai binoni “Abram e, attin au. Lewo midinyohou nani leu mun di kinei hagom leu api midiyai mun di kei nindig bibor binani yo.”

MAZMUR 119:114

Ambrap gau da bidigwam coi Nani lene diba dingon com Ade nipreu eisi nya.

YESAYA 60:19

Mpe dima lene asuar mpia njap di com mem njap kin bed mmun di com mem mmun bu bi. Lewo Da di tuhan ne nipigati dijo ninno jo kikau mem na ri. Ditde nikei-kau-keisi mipiga digai na.

MAZMUR 62:7

Nongkom he rino nyohou da biteu da ba, dingwes ngun. Noni ne tentara nibousi di diya coi ri. Gima rino midicut bi sren.

MAZMUR 84:11

Gino dicem kep Ade Ig mem njap gom ngat he lene gima kei dor njiriek gi dingat rin ei mpia ttou nsi hiter mem mmun-njap sribu gom a. Dijoi sut gi di ya ser dimbou pmem ei Allah De Ig leu gima dibong kei digwam kei bit yo di isibut nya.

MAZMUR 18:2

tuhan e, dingon ngakei Na. Nani ne ditde nisindemti ri.

NINGAT-HI-NGAT NYA 21:23

Minu ndig dima suar mpia njap kin bed mmun com digai bi lewo Allah nikei-kau-keisi piga digai hagom ba, Domba Pmot Nonti nok mini ninjeng mem.

MAZMUR 110:7

Nibou ndig midut minyei di biam ei simpak ninghas him bibiyai nisindemti leu api bindei timek nide siceu nya.

MAZMUR 4:3

Je di tungwatu nya e, jihyet wer mpiahi tut ditde Allah mem njap pig bu i? Jiba joho rok mun di mipror yon bijuhuk bram mun di igbit bi ug ei apig bu i?

NINGAT-HI-NGAT NYA 21:11

bikwei sut nisieng siausi kin Allah nikei-kau-keisi kin nijimjitti di nok tig permata di nibok kak kin tig baiduri pandan di pimbai kei nok kristal bida.

LUKAS 2:32

Noni ne ninjeng di piga digai puig mem ngkiai nya di itti kin Nani ba, ninjeng di bindei di tungwatu nya yahagom ikon Ade limwa mben Israel inyeng ri.”

NINDAT KEP TUHAN NICUKTI NYA 33:29

Je di mben Israel e, ma jingon llei bibor! tuhan teu je tu. Mben nindigsi ei dihyeisi dini hi noyam kin jeni bi. Lewo tuhan Nongkom rinok jide simeda kin jide mun di jibipukep ser tibor ninggwenti nya. Noni miya srak ko hagau je leu api jide siceu nya micut bije. Yoni mikwei kuk yok ei jimig him ba, miyahara ser je noro mijico kep yok bingwig hak ug.”

NITRITI 40:13

Njap ningai bu lene nibou ndig mikes na leu ig bui nsi dini lene kos ser ade mun di abon tunggwei sut noni leu api kon anyeng nok nibou mem ba anggur ngei hanyen apino asu mok tut binoni bit leu nok gi nipou.

YESAYA 45:25

Da di tuhan miditeu yo di intun Yakub him bingwes ngun leu api yahagom minggei sut Da.

NIBOU NDIG NYA GI NICAN 25:27

Tirigi mben Babel ita Ewil-Merodakh nok ide nibou ndig nijep bu lene noni ningon nggriu sut Nibou Ndig Yoyakhin leu minu Yehuda bikes noni leu ig bui nsi. Mun dini pek kep mem noni ei njap nyatungwagom ba, muhwindacan ei bed simnaibrimigcan mem ari bingwam ningot ningai ba, muhwindacan niabiati noni sima hukum ei ig bui nsi.

NIBOU NDIG NYA GI NICAN 18:30

Lene ma jingig jitingou mem nihyet tirigi noni hwen jingonti leu binhyepo jiba jingon com tuhan au. Ma jikan bipia tuhan miteu je bijingwes ngun ba, njei bitot nye di tentara Asyur tirigi nikon pran bit je au.

NIBOU NDIG NYA GI NICAN 18:32

Lene nok gima kikau bibou dibuwak je ug ei ditimieisi di noyam kin jitimieisi dini. Ei sirima lene ba anggur yai ningat mem tungwatu nya ipot bidut ningei lene miai gandum yai ningat mem tungwatu nya ibikang roti. Biei zaitun ningat kin ningei kin ahwei lon ningei cem mpung kei ei minu dima. Gino jibit dihyet lene mijitug ndei nimai bi noro jiyaisi mijo. Ma jingig jitingou mem Hizkia nihyet bu au! Lewo noni ris bije tirigi noni pai tuhan miteu je bijingwes ngun.