MAZMUR 28:7 - ALLAH NIHYET MEM TUNGWATU NYA

⁷ tuhan ne No di nyohou da ba, ya srak ko hagau da ri. Diba dingon com Noni. Noni mpu da ba, bibon dingon nggei-hi-nggei. Gima rino diba doia nibipai sigyo binggei sut Noni.

MAZMUR 28:7 ပူးပေါင်းရင်းမြစ်များ

NITRITI 15:1

Mpe hi bu lene Abram ngat-hi-ngat bimiap tuhan nihyet di pai binoni “Abram e, attin au. Lewo midinyohou nani leu mun di kinei hagom leu api midiyai mun di kei nindig bibor binani yo.”

MAZMUR 13:5

Ma asindui sut ditde siceu nya bipai bipia ibindei timek da tu au. Ma asindui sut ba, ingon kei kep da bimbos-hi-mbos kep da au.

MAZMUR 13:6

Lewo diba dingkiem bisu angon ngakei dati. Apino midiyai nillei lewo ateu dani bidingwes ngun. Midipai doia ba, dibinggei sut tuhan lewo Noni singat tut da!

MAZMUR 19:14

Ma anyohou da ser nhyepo dibisinggre bidibon sisar ba, sisar dima ninyeng tak kep da cem au. Tug hon nisinati dima ne sisar nimap mikui dati bi ba, dingon ngun leu nipigau hanjopti.

MAZMUR 21:1

Doia Daud mem no di bie tut doia nimpung.

MAZMUR 22:4

Gi nok lo, agwam ei anai nok Nibou Ndig Di Kwes-Kwau ei Ade banggo mbrei dip. Mben Israel ikon anyenga.

MAZMUR 28:8

tuhan yai nisindemti bak Nide limwa nya biya srak ko hagau Nide nibou ndig di Noni dimig ei su. Tuhan nok tentara nibousi di noni ya coi.

MAZMUR 3:3

Imang bibor di ipai bipia Allah kou sut gi mpu dani.

MAZMUR 3:4

Noro Na di tuhan rino anok mun di dibipuk kep ser tibor ninggwenti nya. Abindei ba, dicut ditde siceu nya ba, abiwin kep dingonti cem.

MAZMUR 33:21

tuhan niyai munti nya bindei ba, nyeni ningon llei bibor. Niba ningon com Noni lewo Noni kwes-kwau kei.

MAZMUR 37:39

tuhan teu yo di ingon sren nya binyohou yok ei mpe dino mun di buhun om kep yok.

MAZMUR 40:3

Noni kon da leu jui nsi di kinei bibor biteu da leu igkrop di ntan bibor lene kes da bidiya ei bor ngug dip bibindei ba, dimbut sindem.

MAZMUR 43:2

Nani ne No di ya srak ko hagau da. Nggon rino akes da ei su i? Nggon rino ditde siceu di isibut bibor nya ibindei ba, mun di buhun bibor cut igkep da i?

MAZMUR 46:1

Nimpung Korah ide doia mem no di bie tut doia nimpung. Iba doia Alamot bibrim.

MAZMUR 46:2

Allah ne mpia di igya coi ba, ide nisindemti cem ri. Noni yai nibou tut gima mpu nye ei mpe dino mun di buhun bibor cut igkep nye.

MAZMUR 69:30

Noro dinghuisi dut nindig bibor bidingon kiek tu. Allah e, ma ahati tut da ba, ateu da bidingwes ngun.

MAZMUR 84:11

Gino dicem kep Ade Ig mem njap gom ngat he lene gima kei dor njiriek gi dingat rin ei mpia ttou nsi hiter mem mmun-njap sribu gom a. Dijoi sut gi di ya ser dimbou pmem ei Allah De Ig leu gima dibong kei digwam kei bit yo di isibut nya.

MAZMUR 91:4

Noni nyohou na dem kep nok ha di kieng ninyehei gau nimien bat nya leu binhyepo angwes ngun ba, angon jo nyahan. Noni ba ningon gomti biya srak ko hagau na binok bor ngug mem na cem,

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

YESAYA 45:24

Yo dima mipai ‘Ningon kwesti kin nisindemti kwei leu tuhan Nongkom!’ Yo di ingon mpo tut Da mikwei ya ei Doho bei bimmai sut yonti.

YESAYA 61:10

Minu ndig Yerusalem pai “Dillei ngwig sut tuhan niyai munti nya. Noni ba sinsun nda di ninyeng rino niteu leu sisarti kin nibindei sar siceusi nya bijuk da noyam kin no di pinai kin no di sop di imau yonti mem midut niwak yamti.

EFESUS 6:10

Dirop ninda ndigsi nok gini. Ma jisindui sut Tuhan ba Nide nisindemti di nindig bibor bibikum ei jide nisindemti lewo jinok gom kin Noni.

NINGAT-HI-NGAT NYA 15:3

Ba, ipai doia di Allah de awak di Musa pai kin Domba Pmot de doia cem di nibimbiti pai “Allah di sindem bibor e, Ade midyai nya kei bibor kei ba, mindur bibor cem! Na di Nibou Ndig di anyeng tak kep minu nya hagom e, ayai munti nya hagom sren-srau cem igbit cem.

NINGAT-HI-NGAT NYA 5:9

Yo dima ipai doia di nijep bu “Nangkom dem mem gima ayai srat kijum dima ba, acug biei nggrai leu. Lewo hi bindei ba, amai nipou su apino aba amaisi bipek tungwatu nya leu bikwop keret nya kin minu nya kin nihyet nya kin mben nya hagom ei dihyeisi dini bak Allah.