MAZMUR 28:5 - ALLAH NIHYET MEM TUNGWATU NYA

⁵ Yo dima iba ingha bak tuhan de nibon munti nya kin nipai testi nya. Gima rino Noni mikes hukum ei yok dip lene mibindei sar yok kikau buug hon nohonti bi.

MAZMUR 28:5 ပူးပေါင်းရင်းမြစ်များ

SAMUEL GI NICAN 7:13

Noni rima mingot ig gom mem Da. Lene midibindei ba, yo di intun noni him minok nibou ndig nya bigya luei nohoti bram yam bijo ninno bijo kikau.

SAMUEL GI NICAN 7:27

tuhan Di Sindem Bibor di anyeng tak kep mben Israel e, dibrim dingkek kep Na tug hon nadi dini lewo apai brei bida bipia ditde nintun him di bram yamti minok nibou ndig nya bigya luei dohoti bram yam bijo ninno bijo kikau tu.

NIBOU NDIG NYA GI NIGOM 11:38

Gino abit Ditde awak di Daud niyai kepti kin Ditde niggai serti nya ba, abindei bidijoi sut na tug hon gima abit Ditde nicuk nati nya di diyai bina cem lene midingat rin bit na kikau. Midita nani nok nibou ndig mem mben Israel leu api ade nintun him yamti di bram yam nya migya luei ahoti ba, inyeng mitak kep Ditde limwa nya bram yam bit leu nok gi dipreu ei mem Daud pima.

MAZMUR 10:5

No di sibut nggok minggok ba, ningat mang ntun nide midyai nya him. Noni kan tut tuhan nicukti nya ba, ningon huk niti tut cem bi. Ningwes om kep nide siceu di iba nitok binoni yahagom.

MAZMUR 104:24

tuhan e, aba angon di ki bipai tes mun nyeng mang bibor. Dihyeisi dini mpung tut Ade nipai testi nya.

MAZMUR 8:3

munggwom nya kin ningwoi-ngwoi nya di inggei sut Nani. Anyeng di tak kep Ade limwa nya nddong kei ba, bit bon tungwatu nya ilor ba, Ade siceu nya kin yo di isrep tut nya yahap iji kan bi.

YESAYA 22:11

Jibon bak minyei ei minu ndig ninsi bijiris minyei kwei leu ugyou gi nitimiei eisi. Noro jikiek joho leu Allah di tin ei ningon kanti tut mun dima yok hagom mimbrek ngan tu. Jibindei ba, hagom micut igkep je.

YESAYA 40:26

Ma acap ser mpia-bbed him ba, ayok ayai kep! Tou ripai tes ham mpia-bbed him nya i? No di nyohou dimig ham hagom bidem kep nok tentara kan bidem tut nimangti jem inyeng bibikwop hagom! Bit bon ham gom pror kan bi lewo tuhan sindem mem gima nyohou ham nya hagom!

YESAYA 45:12

Dani ne tuhan rin ba, dipai tes dihyeisi dini leu api dipai tes tungwatu nya leu binhyepo ibong kei igwam kei eisi. Diba Ditde nisindemti biprion mpia-bbed him ei anai ba, dinyeng tak kep mpia njap kin bed mmun kin ham mpia-bbed him nya hagom nimbutti nya.

YESAYA 45:18

tuhan di pai tes mpia-bbed him Nongkom ngat he rino tuhan! Nongkom pai tes dihyeisi dini binddong kei cem jo nijoti cem. Noni pai tes dihyeisi dini kinei binok mpia nintiti bi noro nok nibreisi mem tungwatu nya bibong kei bigwam kei eisi. Noni pai “Dangkom he rino tuhan ba, tuhan hiter ningat rin bi.

YESAYA 45:8

Tirigi ahwen ade siceu nya bitimek bingwig lene gima noyam kin biget di mbras kwei leu mpia-bbed him lene dihyei dini cigit ba, bindei hei ningon sren-srausi kin nibong kei nigwam keisi bikui mpia tereu nok dihyei ninnumti kin nitou nikiengti. Da di tuhan dibindei ba, mun dini hagom mipek kep.”

YESAYA 5:12

Nggong mbrei kin gitar kin mun di jimpig-mpig nyen kin porei nibimbiti tibim ba, ba anggur ngei pu je ei pestati lo, jiba jiyai ngat Allah de midyai kin mun di bon nya.

YEREMIA 31:4

Mpe dima lene dibindei ba, jinyeng jei nok gi nipou. Mijimpig jide mun di nggileng leu api jiba jingon di llei bibor bipri-pri nyen noyam kin gi nipou.

HOSEA 14:9

Mben Israel micom ide kwar di ikuk yok bak nya bingwig leu yok leu api dinyohou yok bidibuhup ide nadi. Midiya srak ko hagau yok noyam kin biai mbrei di bon nimbrinap di nggrou kei lewo Dani ne nibousi mem ide mun di kei nya hagom. Da di tuhan disimbot dat tu.”

MBEN ISRAEL IMBUT-MBUT NYEN 23:23

Bikwop seig ut kin nung nya hagom sindem mem gima sigion mben Israel kan bi. Tungwatu nya misimbot dat tut yoni bipai ‘Jingat i! Allah bibon mun di mindur mem yok ninno tu.’

YOHANES 12:37

Mbro nok gino Noni bibon mindur mang bibor bou igyai him lo, ingon jo kep Noni bi.

ROMA 1:20

Habiei ei nimbie him tirigi Allah pai tes dihyeisi dini ne tungwatu nya ingon dorti tut Allah de nisindemti di ngwig hon nohonti bi ba, ingon dorti tut bipia Noni ne Allah di nijit ri. Ba, bit bon tungwatu nya ingat mun dini yok bou igyai him kan bi noro hagom jo nibreisi mem yok tug hon Allah nipai testi. Gima rino bit bon ibuhup hanyen bipai mun mem ibisu tindei kan bi.

ROMA 1:28

Allah sindui sut yok ba, ingon kanti di mpiei bibor bindei ba, igyai kepti nya tunggwei sut Allah ningon kanti mem yok lewo ikou sut gima ipwoi nimbot kepti di nijit-jau tut Noni ei ingonti.