MAZMUR 27:4 - ALLAH NIHYET MEM TUNGWATU NYA

⁴ Dahara tuhan mem mun nyeng gom ngat he ba, dillei sut bipia dibong ser tuhan De Ig tereu nok ditde nghim nsi kikau ug bipek diyaijo ningwig honti. Miduun leu nide nikei-kau-keisi ei sirima bidahara Noni leu binhyepo Noni bie tut da.

MAZMUR 27:4 ပူးပေါင်းရင်းမြစ်များ

SAMUEL GI NICAN 21:1

Ei nijam di Daud ninyeng tak kep mben Israel lene ninggum di buhun bibor hwen mben Israel mem nijam ari bingwam nitindur ningai. Leu api Daud hig ser tuhan bindo ningon kanti bak tut ninggum dima. Lene tuhan buhup “Diba ninggum di buhun bibor dima bihwen Israel drek dip Saul kin nide ig bei nsi nya itunggweisi tirigi igyai nimai bak mben Gibeon pima ri.”

MAZMUR 23:6

Dikan tut bipia asingat tut da ba, angondut da kikau mem diyaijo nijeisi leu api midibong ser Ade Ig tereu nok ditde nghim nsi kikau ug bipek diyaijo ningwig honti.

MAZMUR 26:6

tuhan e, dipiap dinda lene gima bindo tut bipia ditunggwei sut Nani bi. Leu api dimbut nyen ttai Ade nimbar hum dok.

MAZMUR 26:8

tuhan e, dingon ngakei Ade Ig lewo gima ne mpia di agwam tut Ade nikei-kau-keisi di nindig bibor eisi ri.

MAZMUR 27:8

Tirigi ahig da hwou mem gima dikuk da biNa lene dibuhup “tuhan e, dibipbur bidihwou kuk da biNa,

MAZMUR 50:2

Allah de nisieng-siausi piga kwei leu minu ndig Sion di kei bibor kei bipiga kei.

MAZMUR 65:4

Ditde sisar nya buhun tak da noro akos ser hagom tu.

MAZMUR 84:10

Allah e, ma anjei mun di kei bak nyende nibou ndig. Ma aya srak ko hagau no di adimig ei su.

MAZMUR 84:4

Ditde Allah kin tuhan Di Sindem Bibor di anyeng tak kep da e, minsit nya itot yaham ba, hacincau nya itot iban leu api ibep idinggwei nya dideu Ade nimbar hum dok nya.

MAZMUR 90:17

Nyende tuhan Allah e, ma anjei mun di kei binye leu binhyepo nyende midyai nya hagom ngat ningat di kei bibor.

YEREMIA 29:13

Jinggok Dani leu api mijingat Da lewo jiba ningon titut yam binggok Da.

DANIEL 9:3

Leu api duhuk nadi kikau bak tuhan Allah leu binhyepo Noni ngondut Nide limwa nya. Diyem njita bi mem nituti poi bidijuk sinsun kron cem ba, dikuk da bidigwam atriemti.

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

MATIUS 6:33

Noro ma jibrim jingkek mem nikuk je bak Allah di ninyeng tak kep jeti ba, jiyai igbit ningon kanti nipou ug e. Leu api Noni miyai mun di nindigsi pima hagom bije.

LUKAS 10:42

noro mun nyeng gom ngat bon ninyenga. Maria dimig mun di kei bibor mem nonti. Hi mipos mun di kei bibor dima leu noni bi.”

LUKAS 13:24

“Ma jigruap mem gima jicoi kak dimbou hui di kom lewo tungwatu nya imang bibor igruap mem gima icoi kak dimbou hui di kom noro bit bon icoi bi.

LUKAS 18:1

Gima ngwig lene Yesus ba nihyet nibiti nindati bingginau yo di ibit Noni leu binhyepo yuhuk nadi kikau lene ma ingon nghen leu au.

LUKAS 2:37

lene noni wer kibom kikau ba, nogindini nide njap ug ei ari bingwam ningot muhwindaningai ba, bitai. Noni bong kep Tuhan De Ig bikwop mmun-njap ba, kuk no bak Allah tug hon nadi kin niyem njita bi mem nituti poi.

KORINTUS GI NICAN 3:18

Tini bu ne sinsun nghas nggai kep ser nyeni iimaisi bu bi. Leu api Tuhan Yesus nikei-kau-keisi com ninjeng hanyen tug hon iimaisi di tereu nok kisina. Tuhan Ninnei luei kep nyeni itta sindam lene bindei ba, inoyam kin ide Tuhan di kei-kau-kei.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.

FILIPI 3:13

Disut bat jen, ningat ne dikan bipia duug pek nipekti tu biditug ndei mun di kei dima bi. Noro dita dibou ei mun nyeng gom ngatti. Mun nyeng gom dima rino dingon prion ser mun di jo ei dinghim dip bidibrim dingkek sindem bibor leu binhyepo duug pek nipekti di jo ei doho bei.

TIMOTIUS GI NIGOM 5:5

Sop kibom di nijit rino sop kibom di bon nide bat nya hi di inyohou noni bi. Noni ba ningon com Allah ba, huk nadi bak Noni tut mun di suar bikwop mmun-njap.

IBRANI 11:6

Gino niba ningon comti jo binye bi ne bit bon Allah joi sut nye kan bi. Suar tungwa tou rino kuk no ei Allah Noho bei ba ningon com bipia Allah norinaha cem buhup yo di inggok tut Noni cem.

SAMUEL GI NIGOM 1:11

Lene noni preu ei bipai “tuhan Di Sindem Bibor e, ma ayok ngon kep da lewo dinok Ade awak ri! Ma angig ayai kep dingon di buhun biborti. Ma angon prion ser da ba, akes da ei au. Gino ayai dipmot gom bida lene mididimig noni ei mem Na kikau ug bipek niyaijo ningwig honti. Lene dipreu ei mem Na bipia midikos nibou nta bi sren.”

SAMUEL GI NIGOM 22:10

Lene Ahimelekh hara tuhan leu binhyepo ndo igbit ningon kanti bak Daud leu api yai njita kin simeda po Goliat di mben Filistin de pima cem bak.”

SAMUEL GI NIGOM 30:8

Lene Daud hig ser tuhan “Suar duhuk bram siceu dima yok e? Gino duhuk bram yok lene midahatap yok bidikat yok e?” Lene tuhan buhup “I, ahuk bram yok hak ug. Leu mporo ahatap yok lene ateu nimpung di ikat yok di yuug sut yok dima bingwes ngun leu siceu inda nsi hanyen ug ri.”