MAZMUR 26:9 - ALLAH NIHYET MEM TUNGWATU NYA

⁹ Ma ayai nimai bida bit yo di ibon sisar nya ba, akus dinnei leu bit yo di isiber tungwatu nggrom nya au.

MAZMUR 26:9 ပူးပေါင်းရင်းမြစ်များ

SAMUEL GI NICAN 16:7

Ba, Simei heng ser Daud bipai “Aug bihigom! Aug bihigom! Ahwen nimbiam ba, ambuk bibor cem!

SAMUEL GI NICAN 21:1

Ei nijam di Daud ninyeng tak kep mben Israel lene ninggum di buhun bibor hwen mben Israel mem nijam ari bingwam nitindur ningai. Leu api Daud hig ser tuhan bindo ningon kanti bak tut ninggum dima. Lene tuhan buhup “Diba ninggum di buhun bibor dima bihwen Israel drek dip Saul kin nide ig bei nsi nya itunggweisi tirigi igyai nimai bak mben Gibeon pima ri.”

MAZMUR 139:19

Allah e, nnaba akes hukum nimai ei yo di isibut nya dip. Nnaba ajji yo di imbuk nya ug ei minu ting bibor leu da hak ug!

MAZMUR 51:14

Abindei ba, dingon llei bibor tug hon Ade gi teu leu sisar ug ei niyaijo nijepti di ayai bida tu. Abindei ba, dingon llei ndam gi dibit ahyet.

MAZMUR 55:23

Ma jikes jingon ku jentiti bak tuhan leu api Noni miya srak ko hagau je. Lewo Noni sindui sut ba, siceu nya ibindei timek yo di ingon sren nya bi sren.

MALEAKHI 3:18

Ditde limwa nya mingat bou igyai him bipia mun di pek kep mem no di ningon kwes kei kin mun di cut igkep no di mbuk ter leu yam. Mun di pek kep mem no di kuk no biDa kin mun di cut igkep no di kuk no biDa bi ter leu yam.”

MATIUS 24:51

Leu api niceu mikos noni kukiau leu api micom noni ug ei mpia di yo di ingon can ingat rin eisi. Apino noni mipim bitug ndei ninghuisi wei ei mpia dima.”

MATIUS 25:32

Leu api tungwatu dihyeisi dini yahagom midem yam bigya ei nimig him. Lene Noni mikwas yok ei nimpung can bit leu nok gembala di kwas domba nya bigya ter leu kambir nya.

MATIUS 25:44

Lene yoni ibuhup ‘Tuhan e, mpe di pitou rino ningat Nani anggum cem anggobiau cem anok ngkiai cem Ade sinsun rik-ta cem anggwen cem asima cem pima lene ningondut Na bi i?’

MATIUS 25:46

Gima rino yo dini itug ndei hukum di jo kikau noro yo di igyai igbit Allah ningon kanti icoi ug ei niyaijo nijep di jo kikauti.”

SAMUEL GI NIGOM 25:29

Gino tungwagom cut igkep na di Andigpoi ba, bingon ei mem gima yai nimai bina lene tuhan minyohou na di Andigpoi noyam kin no di nyohou ndigban di nibok kak bibor. Noro tuhan micom na di Andigpoi ade siceu nya ug ei minu ting noyam kin no di ba bikumsikik biprindei tigya.