MAZMUR 26:11 - ALLAH NIHYET MEM TUNGWATU NYA

¹¹ Noro tut dani ne diba dingon sren kei bidimig diyaijoti. Gima rino angondut da ba, ateu da leu mun di kri kep da!

MAZMUR 26:11 ပူးပေါင်းရင်းမြစ်များ

NEHEMIA 13:14

Lene dingat nadi “Ditde Allah e, ma ayok ngon kep mun nyeng hagom di dibon dima. Aba Ade ningon ngakeisi di nindig bibor bingondut da.”

NEHEMIA 13:22

Leu api dicuk Lewi nya leu binhyepo ibon midut nibindei kwes yonti leu api suar igya ser dimbou pmem nya leu binhyepo map kui Njap Nigwam Kep Ninghuisiti bi.” Lene dingat nadi “Allah e, ma ayok ngon kep mun nyeng hagom di dibon dima. Aba Ade ningon ngakeisi di nindig bibor bingondut da.”

NEHEMIA 13:31

Dinyohou dimig nikos tutti leu binhyepo limwa nya irop biei mui mem imam nya ibindig mindhe-ndhe ei humti bak tuhan bikwop njap ba, limwa nya ittei ide ningat gi nimbie him leu ide miaisi ba, ibikuk yok bak tuhan. Lene dingat nadi “Ditde Allah e, ma ayok ngon kep mun nyeng hagom di dibon dini ba, anjei mun di kei bak dani drek dip.”

NEHEMIA 5:15

Nibou hanjop di igyai midyai nipou tirigi diyai midyai bram yo bigyo dima yahagom ikes mun di buhun ei limwa nya inghat dip bibrim mitiei perak ningot bitai bikwop njap-njap mem njita kin ba anggur ngei leu yok. Lene yo di igya kui nibou pima yok cem ico kep limwa nya. Noro dittin tut Allah bidikuk da bak. Gima rino diyai bram igyaisi dima bi.

AYUB 1:1

Ayub bong ei Us. Noni kuk no bak Allah biningon gom tut Noni. Ayub ningon sren bimbres no leu mun di kinei hagom.

MAZMUR 101:2

Midiyok diyai kep diyaijoti leu binhyepo mun di suwok rap bi. Akwei ngat da apig bu i? Midiba dingon di kwes biyai mun ei ditde ig.

MAZMUR 26:1

Doia Daud. tuhan e, asimbot dat bipia dingon sren lewo diba dingon com Nani. Dihig dingon ei Nati poi mien cem bi.

MAZMUR 49:15

Yoni mitug ndei nimai dem kep nok domba nya ba, yahagom minut puig di bie ndam jui nsi dem kep nok gembala hi bie tut yok ug ei siri. Yo di ingon sren nya mibindei timek yok mem njap bigyoti leu api ingut mikroi srig yo di imai nya ikieti ei minu ting leu itimieisi di kei-kau pima.

MAZMUR 49:7

Yo dima isibut ba, iba ingon com ide mun di inyeng tut nya binggei-nggwang tut ide ndigban di nindig bibor cem.

MAZMUR 69:18

Ma aku Nanti nding leu Ade awak niyai him au. Mun di buhun bibor buhun tak da. Gima rino ma abuhup dihyet nogindini hak ug.

YESAYA 38:3

“tuhan e, ma ayok ngon kep bipia diba dingon gom boom danti nok awak biNa ba, dingon sren cem tu. Dibrim dingkek mem gima dibit angon kanti tu.” Leu api Hizkia ba ningon di ngguk bibor bipim nggruet.

LUKAS 1:6

Ba, yahacem iba ingon di sren biyai mun di bindei ba, Allah joi sut yok. Iba ingon di gom bibit Allah nihyet kin nicuk yokti nya hagom.

TESALONIKA GI NIGOM 2:10

Jingat bou jiyai him bipia tirigi ningat rin ei je di jingon jo kep nya jikieti lene nyende niyaijoti kwes-kwau cem ningon sren cem niyai mun tunggwei hi bi cem ba, Allah cem ngat gima bou niyai him.

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.