MAZMUR 26:10 - ALLAH NIHYET MEM TUNGWATU NYA

¹⁰ Yo dima ibon mun di kinei bibor bijo kikau ba, itindei ser nituti tirigi ibrim mun nibingot kep yokti cem bikwop ug.

MAZMUR 26:10 ပူးပေါင်းရင်းမြစ်များ

MAZMUR 10:14

Noro ningat ne Nani angat gima tu ba, angig ayai kep niduhug-duhug nyenti kin niweisi. Ba, atin ei kikau mem gima ampu yok. Yo di isindem bi nya ikes yonti ei anda nsi. Ampu kep yo di yuhui mbum nya kikau kwei bipek ammani kep tu.

MAZMUR 11:2

lewo yo di isibut di iku yonti ei nidinditi isror tibor bibicom bisinei mem gima iprindei yo di ingon gom nya. E bi! No dima nuhui buwei.

MAZMUR 36:4

Nihyet di simbot kep nya kinei bibor bimpung tut niris munti cem. Leu ba, nibon mun di keisi nya gibon ninyeng mem noni bi.

MAZMUR 52:2

Daud ba doia dini bikiek mpe di Doeg di timiei minu Edom gom kwei pai bak Saul bipia Daud ug krau ig bei di Abimelekh de tu.

NEHEI LEUSI 23:8

Ma jisindui sut tungwatu ba, ingot kep je au. Lewo nibingot kep yamti dima bindei ba, tungwatu igyai tu ba, gi mbun ingon hukti tut mun di igbit kan bi ba, nibingot kep yamti kiek no di ningon ngun nihyet bisar noni cem.

NIPINGOK NINGONTI 1:16

Gino bit bon yo dima ibon mun di kinei dima kikau kep ingon bi lene bit bon ingon jo nyahan cem kan bi. Itindei ser nituti mem gima ihwen tungwatu nya.

NIPINGOK NINGONTI 4:16

Bon yo di isibut ibong mai kan bi bibou ibon mun di kinei nipou ug e. Ba, igyai nggrop buhun bi bibou ibindei ba, mun di buhun cut igkep nindigsi nya nipou ug e.

YESAYA 33:15

Noro bon jingwes ngun gino jitri tut mun di nijit ba, jiyai munti nya hagom igbit. Ma jiris mitiei leu yo di yuhui mbum nya au. Ma jice tut hiter ngot kep je au. Ma jiyok jingon gom bit nihwen kep mun cig nya kin yo di ibon mun di sibut nya au.

AMOS 5:12

Dikan tut jiyai munti di mbuk bibor kin jide sisar di kinei bibor nya. Jihwen bit yo di ingon kwes kei ba, jisindui sut tungwatu nya iba mitiei bingot kep je bijibibon yo di yuhui mbum nya kinei-kinau cem ei nikei noho bei.

MIKHA 7:3

Nibon kep mun di mbuk cig nya riyoni. Yo di inyeng jei kin nikei nya yahara mem mitiei dima ibingot kep yok. No di ninyeng jei brim ningkek kep yok bitig dino yuhum yam nsi.

KISAH 23:12

Njap bigyoti lene mben Yahudi igyok ingon gom ba, yeheng biyam ser bipia igyem njita bidut ndia ngei bi kikau bibou ihwen Paulus bimai leu ug e.

NINDAT KEP TUHAN NICUKTI NYA 16:19

Tirigi ikos tut mun nyeng hi lene ma iba ide ningon canti bikos tut ba, imbus nggok yo di inyeng jei nya cem au. Ma itindei hiter nindati tut mun nibingot kep yok au. Lewo mun nibingot kep dima tak kep tungwatu igyai bitut yo di ingon ki kin yo di ingon sren nya igyai ser apino gimbun ingon hukti tut mun di igbit kan bi.

SAMUEL GI NIGOM 8:3

Noro igyai bram icig niyai kepti nya bi lewo ita ibou ei gi inggok tut mitiei nindig biborti. Gima rino tungwatu iba mitiei bingot kep yok leu apino yoni iba ingon di sren bi bimbus tungwatu nya ingonti cem.