MAZMUR 25:7 - ALLAH NIHYET MEM TUNGWATU NYA

⁷ Akos ser ditde sisar kin ditunggweisi nya di dibon habiei leu dipilei kwei su nya. Ayok ngon kep da lewo Nani ne Na di angon ngakei Ade limwa nya rin ba, asingat bibor.

MAZMUR 25:7 ပူးပေါင်းရင်းမြစ်များ

AYUB 13:26

Akos tut mun di mpo-mpam di cut igkep da. Abindei ba, suar dibiang nibuhunti drek dip ditde niyai mun tunggweisi ei mpe di po dipilei yo pima.

AYUB 20:11

Mbro nok gino noni pilei yo ba, mimbri kui ningkek lo, jei bi lene noni minok dihyei ndung hanyen.

MAZMUR 106:3

Yo di ibit Nide nicukti nya ba, igyai munti nya hagom igbit ne ingon nggei-hi-nggei.

MAZMUR 106:4

tuhan e, ayok ngon kep da tirigi ando Ade nisingatti bak Ade limwa nya. Ampu dani cem ei mpe di ateu yok bingwes ngun.

MAZMUR 109:14

Nnaba tuhan yok ngon kep nidigup bat-nidigai bat di nipou nya ide sisar lene bikos ser nipmem de sisar bi.

MAZMUR 109:16

Lewo no dima brim ningkek mem gima ngondut hiter bi sren. Noro hwen bit nuhui mbum nya kin nindwau sut mun nya biyai nimai bak yo di isindem bi nya.

MAZMUR 109:26

Ditde tuhan Allah e, ampu da ba, ateu da bidingwes ngun tug hon angon ngakeisi.

MAZMUR 119:124

Aba angon ngakeisi bibibon da ba, angginau da tut Ade nimbrap tutti nya cem.

MAZMUR 31:16

Anyohou da kikau. Gima rino ma ateu da bidingwes ngun leu ditde siceu nya kin yo di ihwen bit da inda nsi.

MAZMUR 51:1

Doia Daud mem no di bie tut doia nimpung

MAZMUR 6:4

tuhan e, dingon tai-tai bou. Akes da ei bipek apig bu i?

MAZMUR 79:8

Ma akes hukum ei nye dip drek dip nidigup bat-nidigai bat nya ide sisar au. Abipbur ba, angondut nye lewo nyeni ningon dahat leu su.

YESAYA 38:17

Dingon nggukti minggek binok nibong kei nigwam keisi. Ateu da bidingwes ngun leu mun di buhun di cut igkep da. Akos ser ditde sisar nya hagom tu.

YESAYA 43:25

Mbro nok gima lo, Dani ne Allah di didip tut jide sisar ri. Dikos ser jide sisar bit leu nok diyai kep ngan-nganti. Midiyok ngon kep jide sisar dem kep nok ningwam di jibon biDa bi.

YESAYA 48:11

Dibon gima drek dip Danti lewo disindui sut ba, hi bibon dinyeng bikinei bi. Dikwas Ditde nikei-kau-keisi nindrim hi tut tungwa hi cem bi.”

YESAYA 64:9

Gima rino ma angon sibui sut nye nindig bibor ba, ayok ngon kep nyende sisar kikau au. Noro ma ayok ngon kep bipia nyeni ne Ade limwa nya ri.

YEREMIA 3:25

Gima rino nna ba nigwam nimmaiti ug. Nna ba niwer mindhe tut ug. Lewo niya tut nidigup bat-nidigai bat nya ba, nibon sisar tut nyende tuhan Allah ninno tu ba, nigibit Nide nicuk nyeti nya cem bi sren.”

YEREMIA 31:34

Mpe dima lene ingginau isut bat nya bitri tut ighyet bak ide bat nya nok gini bu bi, ‘Suar aba angon bisrip tut tuhan.’ Lewo yo di inyeng jei nya kikau ug bipek kin yo di ibon inyeng bi nya yahagom iba ingon bisrip tut tuhan tu. Midikos ser ide sisar bidiyok ngon kep ide mun di igyai tunggwei nya bu bi. Da di tuhan disimbot dat tu.”

YOHANES 5:14

Niabiati bu lene Yesus ttau kep noni ei Tuhan De Ig bisok kep noni “Amiap e, akei hanyen tu noro ma abon sisar bu au. Leu binhyepo mun di kinei bibor bu micut igkep na hanyen bi.”

YOHANES 5:5

Tungwagom di nimig lit kikau mem ari bingwam nitindur ningot ningai ba, muhwindaningai cem no rinaha.

IBRANI 8:12

Midikos ser ide nitunggweisi nya di bindei ba, ingon mui lene diyok ngon kep ide sisar bu bi.”