MAZMUR 25:6 - ALLAH NIHYET MEM TUNGWATU NYA

⁶ tuhan e, ayok ngon kep Ade nisingat tut nyeti kin angon ngakei nyeti di ando binye ei nimbie him ngat kwei bipek ammani tu.

MAZMUR 25:6 ပူးပေါင်းရင်းမြစ်များ

NITRITI 24:27

bipai “Dinggei sut tuhan di ditde andigpoi Abraham kuk no bak lewo jo nibreisi bipia tuhan ningon gom ba, yai hagom bit leu nok gi po preu ei mem andigpoi Abraham pima tu. Noni bie tut da hammi ndam andigpoi nide bat nya tu.”

NITRITI 32:9

Lene noni ngat nadi bipai “Dignyon Abraham kin dicig Ishak ide Allah e, amiap dihyet! Na di tuhan acuk da bipia dingkwei hanyen ug ei ditimieisi bidibong bit dide bat nya hanyen bu leu api ma anyohou dimig mun di hagom nok gi kei bibor mem da.

NIBOHON MBEN ISRAEL GI NICAN 6:42

tuhan Allah e, ma arok nibou ndig di adimig ei su dini ei atta au. Ayok ngon kep angon di ngakei Daud di nok Ade awak pima.”

NEHEMIA 13:22

Leu api dicuk Lewi nya leu binhyepo ibon midut nibindei kwes yonti leu api suar igya ser dimbou pmem nya leu binhyepo map kui Njap Nigwam Kep Ninghuisiti bi.” Lene dingat nadi “Allah e, ma ayok ngon kep mun nyeng hagom di dibon dima. Aba Ade ningon ngakeisi di nindig bibor bingondut da.”

NEHEMIA 9:19

Noro akes yok bihigom ei iggum ndigsi bi lewo angondut yok nindig bibor. Abrim bumbuhui ttou kin cou hum di piga digai ide puig mem njap kin mmun ningwig leu yok bi sren.

MAZMUR 103:17

Noro tuhan ningon ngakeisi kin nisingat tutti jo ninno bijo kikau mem yo di ikuk yok bak Noni buug ninno mem ide nintun him yamti di bram yam nya,

MAZMUR 103:4

Noni teu ayaisi ba, angwes ngun leu jui nsi ba, ningon ngakei nati kin ningondut nati bindei dino ayai mun di kei nya.

MAZMUR 106:1

Ma jinggei sut tuhana! Ma jipai sigyo bak tuhan lewo Noni singat kei. Nide ningon ngakeisi jo kikau buug hon nohonti bi.

MAZMUR 106:45

Allah yok ngon kep Nide nipreu ei mem yokti mem gima bimpu yok ba, ngondut yok lewo Nide ningon ngakei yokti nindig bibor.

MAZMUR 107:1

Jikwei ba, ipai sigyo bak tuhan di singat tut nye lewo ningon ngakei nyeti ug hon nohonti bi sren!

MAZMUR 119:77

Angondut da apino midiyaijo lewo Ade nikos tutti nya biyai dingon kei.

MAZMUR 40:11

Diku dihyet tut angon gomti kin Ade niteu yok leu sisarti bijo nding ei dingonti bi. Noro ditri tut Ade nimpu nyeti kin angon gomti bijo ninno bijo kikau. Tirigi Ade limwa nya imbus yam ei ne dikimut duhui bi noro ditri tut angon ngakei nyeti kin angon gom tut nyeti biyok.

MAZMUR 69:13

Ikkin kep dinghapti kak simpak ba, yo di pes pu yok nya iba doia di kinei bikiek da.

MAZMUR 69:16

Ma asindui sut ba, minyei di su mihwen da bikot da ei minyei jou bibindei ba, dinnei kimbas buug ei jui nimai nya ide au.

MAZMUR 98:3

Noni krau kep ningon gomti kin ningon ngakeisi di preu ei mem Nide limwa di mben Israel. Tungwatu nya di igya bidem dihyei nisurti-nipekti yahagom ingat Allah nibindei timek siceu nyati bou igyai him tu.

NEHEI LEUSI 15:13

Abie tut Ade limwa nya di ateu yok bingwes ngun pima bit leu nok apreu ei mem yok tu. Anyohou yok tug hon Ade nisindemti leu api abie tut yok ug ei minu di kwes kei di apreu ei mem yok tu.

NEHEI LEUSI 34:6

Lene Noni mbut sin Musati bipai “Dani ne Tuhan rin ba, dinok Allah di ngondut tungwatu nya bisingat tut yok cem. Ditde ningon ngakeisi nindig bibor bikum eisi bu ba, dingon gom cem. Dingon sibui sut tungwatu nya haninyai kan bi.

YESAYA 55:7

Ma no di sibut kes hon ba, sibut bu bi. Ma noni luei ningonti tut niyai munti nya bikwei kuk no bak tuhan di ningon nggriu. Ma noni ngkwei hanyen ndam tuhan di ngondut noni. Lewo tuhan kos ser nide sisar.

YESAYA 63:15

Na di tuhan di agwam anai ei Ade ig di kwes-kwau ba, kei-kau-kei cem ei gwamti e, ma ayok ayai kep nye. Angon ngakeisi kin mimbri di kui angkekti kin angon nemti kin angondutti no ritou i? Ma aba angha bak nye bu au.

YEREMIA 31:20

Na di Israel e, anok dipmot di dingondut kin dingon kieti kin dingon him cem. Bikwop mpe dino dikon dihyet kep na lene diyok ngon kep na ba, dingon ya mem na. Midiba ningon nggriu bibon na.

YEREMIA 33:11

Noro nihyet niyai nilleisi kin ningon di nggei-hi-nggeisi kin nihyet nibon pesta niwak yamti mitibim hanyen kwei leu mpia dini yo. Doia di tibim leu yo di ibon midut nibipai sigyo ei Ditde Ig yuhui him cem mitibim yo. Yoni mipai, “Ma jipai sigyo bak tuhan Di Sindem Bibor lewo Noni singat kei ba, ningon ngakeisi jo ninno bijo mimpui.” Midibindei ba, nibong kei nigwam keisi kieng kep minu dini noyam kin gi nipou pima. Da di tuhan disimbot dat tu.”

DANIEL 9:18

Allah e, ma amiap kep nyeni nihyet. Ayok ayai kep mun di buhun di cut igkep nye kin Ade minu ndig di ibijem kin anyeng di nggek bingwig su. Ningat nadi bak Nani drek dip niyai munti di kei bibor nya bi. Noro ningat nadi lewo angon nggriu sut nye.

HABAKUK 3:2

tuhan e, dimiap tut Ade midyai nya leu api dinggap leu tut nindig bibor. Nnaba ayai kep midyai di nindig bibor pima hanyen mem nijam dini. Mbro nok gino nibindei ba, angon sibui sut nye lo, ma angondut nye.

LUKAS 1:50

Nintun himti di bram yam kikau kwei bipek ammani kep ne Allah ningon nggriu sut yo di idigit tut Noni.

LUKAS 1:54

Noni mpu Nide awak di mben Israel bit leu nok gi Noni preu ei mem idigup bat-idigai bat nya.

LUKAS 1:78

Ide Tuhan ningon nggriu ba, Ningondut Kep Nye Cig di tau kwei noyam kin mpia nipriti mem njap bigyoti biteu nye leu sisar biyai niyaijo nijep binye.

KORINTUS GI NICAN 1:3

Jikwei ba, inggei sut Allah dino ide Tuhan Yesus Kristus nicigya. Noni ne Arig di ningon nggriu sut nye kin Allah di biwin kep nye di tungwatu nya ingonti ri.

FILIPI 1:8

Allah ngat bou niyai him bipia dipai mingat bije mpe dino dipai bipia dingon ya mem je tug hon ningon ngakeisi di ntun Kristus Yesus Nonti ningon ngakei jeti him.

FILIPI 2:1

Jide niyaijo nok gom kin Kristusti biyai nisindem bije ba, Kristus ningon ngakei jeti gwam ser jingona. Allah Ninnei bie tut je cem jisingat tut yam cem jingondut yam cem.

KOLOSE 3:12

Jeni ne Allah de limwa nya ri. Noni ningon ngakei je ba, dimig je ei leu binhyepo ninyeng tak kep je. Gima rino ma jingondut yam cem jingon singat tut yam cem jiba jibou coi mem yam cem jingon nggriu sut yam cem jibet jingon mem yam cem.

YOHANES GI NIGOM 3:17

Gino no di nyeng tut ndigban ngat nisut di nuhwap mbum bingondut noni bi ne bit bon noni kon nihyet tut nonti bipai bipia Allah ningon ngakei yamti jo ei ningonti kan bi.