MAZMUR 25:5 - ALLAH NIHYET MEM TUNGWATU NYA

⁵ Angginau da ba, abie tut da cem leu binhyepo didimig diyaijoti bit leu angon kanti mem da. Lewo Nani ne Allah di teu da bidingwes ngun leu ditde siceu nya ri. Diba dingon com Na kikau.

MAZMUR 25:5 ပူးပေါင်းရင်းမြစ်များ

NITRITI 49:18

tuhan e, dimem kep ser tto bou tirigi akwei teu da hak!

NEHEMIA 9:20

Aba angon di nggriu sut yok nyohou pingok ingonti ba, ayai njita manna kin minyei biyok cem.

AYUB 36:22

Ma ayok ngon kep bipia Allah ne Allah di sindem bibor ri. Guru di mipbor ngat noyam kin Noni hi ningat rinaha e?

MAZMUR 107:7

Lene Noni bie tut yok kak puig di sren kei ug ei minu ttou nsi gom leu binhyepo ibong nyahan eisi.

MAZMUR 119:26

Dipai jit ditde nibon munti nya leu api abuhup dihyet tu. Angginau da tut Ade nimbrap tutti nya.

MAZMUR 119:33

tuhan e, angginau da tut Ade nimbrap tutti nya leu binhyepo dibit bipek ningwigsi.

MAZMUR 119:66

Abindei ba, dingon ki ba, ditde nikos tutti nya hagom igbit lewo diba dingon com Ade nicukti nya.

MAZMUR 119:97

Dingon ngakei Ade nicukti nindig bibor. Dikan-kan nyen tut bikwop mmun-njap hagom.

MAZMUR 22:2

Ditde Allah e, akes da ei leu binggon i? Anggon rino ambres Nanti ei minu ting ba, angkek ndok tut da lene angig atingou mem dihyet cem bi i?

MAZMUR 24:5

tuhan di teu tungwatu nya leu sisar biyai niyaijo nijep biyok minjei mun di kei bak yo dima ba, Noni miba ningon bisrip huk yok bipia ingon ngun.

MAZMUR 25:10

Noni ba ningon ngakeisi kin ningon di gomti bimpu yo di ikrau kep Nide nipreu ei mem yokti kin nisok kep yokti nya.

MAZMUR 25:8

tuhan ndo puig bak yo di israwir nya lewo Noni kei ba, ningon gom cem.

MAZMUR 68:20

Ma jinggei sut tuhan lewo Noni ne Allah di teu nye di ingwes ngun bikon ide mun di buhun ei ninghat dip bikwop njap-njap cem ri.

MAZMUR 79:9

Niteu kep nye biningwes ngun cig e, ampu nye ba, akos ser nyende sisar cem. Lene akwek nye leu binhyepo ngkiai nya mikuk yok biNa drek dip anyeng di jei.

MAZMUR 86:3

tuhan e, Nani ne ditde Allah ri. Gima rino ma angondut da. Lewo dingat nadi biNa mem njap jei.

MAZMUR 88:1

Doia ningginau Korah ninsi de di tug hon Heman di mben Ezrahi mem no di bie tut doia nimpung di bikiek Mahalat Leanot.

NIPINGOK NINGONTI 23:17

Ma angon kinei sut yo di ibon sisar nya au. Noro ata abou ei nikuk na bak Allahti,

NIPINGOK NINGONTI 8:34

No di ngig nitingou mem dihyet bikwei ya kui dimbou hui ei ditde ig bibet ningon mem Da cem biniyai ngkiem ser Da ei ditde dimbou hui bikwop njap cem ningon nggei-hi-nggei.

YESAYA 30:18

Mbro nok gima lo, tuhan mem kep ser nituti tirigi Noni ngondut je. Noni tin ei mem gima singat tut je lewo Noni ne tuhan di bon mun di igbit. Yo di iba ingon com Noni igyai ingon di nggei-hi-nggei.

YESAYA 35:8

Puig Di Bie Ndam Niyaijo Nijep Di Jo Kikau mijo ei sirima. Yo di ibon sisar ikak simpak dima bi. Yo di ingkek ndok nya yuhum yo di ikak puig dima insi cem bi.

YESAYA 42:16

Midicen Ditde limwa di igyai tu nya kak puig di ikan tut bi. Midibindei ba, nidinditi di nggai kep yok nok nipigati mem yok bu. Mididime kep njuisi nya hagom binok puig di sur yam kei mem yok. Midibon mun dima yok hagom mem yok bidiyai dibou tut yok.

YESAYA 49:10

Mpe dima lene yoni inggobiau ba, inggum cem bi. Mpia di wam bibor kin iggum ndigsi di dut bibor mipijuk yok bi. Lewo Da di dingondut yok midiwin kep ingonti bidibuwak yok kep minyei bousi nya.

YESAYA 54:13

Ade limwa nya yahagom minok munggwom di icoi pikor leu api dingginau yok. Yoni minyeng tut mun di bindei ba, ibong kei igwam kei.

YEREMIA 31:9

Igyai nggwei kibor kak puig sinon. Midiwin kep ingonti ba, dibuwak yok kwei cem. Midibie tut yok ug ei mpia di bon minyei nggram nya mang bibor bimbut kak puig di sur yam kei di ikinoi kan bi. Dibon Danti bidinok mben Israel icig ba, Efraim ne dipmot mighumbou ri.”

MIKHA 7:7

Noro nye di iba ingon com tuhan ne iba ingon di nddong bicem kep puig ser ide Allah nikweisi. Noni mimiap kep ide nadi biteu nye ba, ingwes ngun.

LUKAS 18:7

Gi nok ne Allah cem mimbrap gau Nide limwa nya di yahara Noni bikwop mmun-njap bi e? Noni miba nikou bimpu yok e?

YOHANES 14:26

Noro Dicig micuk Ninnei Gi Kwes di nok No Di Mimpu je kwei tug hon dinyenga. Noni ngginau jingonti tut mun nyeng hagom lene bindei ba, jiyok ngon kep mun di dipai bije hagom.

YOHANES 16:13

Noro tirigi Ninnei Gi Kwes di mbot kep tut Allah de mijit-jausi bije kwei lene Noni mipingok jingonti leu api mijikan tut mijit-jausi dima hagom. Noni mitri tut Nonti ningon kanti bi noro mitri tut mun di tibim ei nitingou nsi bimbot kep bije tut mun di mipek kep ei nidipti bu.

YOHANES 6:45

Bit leu nok gi ipas ei Srat Nabi nya nibokti ‘Allah ngginau tungwatu nya yahagom ingonti.’ Bikwop no di miap Dicig nihyet biningon dorti tut ne no dima nggre kin Da.

ROMA 8:14

Yo di ibit Allah Ninnei nibie tut yokti inok Allah nimunggwom bat nya ri.

YOHANES GI NIGOM 2:27

Noro tut jenti ne Kristus kes Allah Ninnei nyahan ei jingonti tu ba, jisuar hiter mem gima pingok jingonti tut mun nyeng hi kin bi. Allah Ninnei ne nijit rin bipingok jingonti tut mun nyeng hagom. Nibicumti srig Nide nipingokti dima bi sren. Gima rino ma jibit Allah Ninnei nipingok jeti ba, jiyaijo nok gom kin Kristus.

NINGAT-HI-NGAT NYA 7:17

Lewo Domba Pmot di ya niyati ei banggo mbrei ninggimau minyohou yok nok gembala di bie tut yok ug ei minyei yaisi di bindei niyaijo. Allah midip tut igyai nggwei hagom bingwig leu igyai njep.”