MAZMUR 25:12 - ALLAH NIHYET MEM TUNGWATU NYA

¹² tuhan ngginau yo di ingon gom nya tut puig di suar imbut kak.

MAZMUR 25:12 ပူးပေါင်းရင်းမြစ်များ

NITRITI 26:2

Ishak ug ei sirima lewo tuhan tau kep noni nipou su bipai binoni “Ma aug kikau ug ei minu Mesir au. Noro ma abong ser minu jep dini bit leu nok dicuk nati.

MAZMUR 111:10

Suar no di kinyon ei niyai ningon kiti ttin tut tuhan bibie. Noni yai ningon di huk niti bak yo di ibit nihyet yahagom. Ma jinggei sut tuhan bijo nijam jei!

MAZMUR 32:8

tuhan pai “Midindo puig di suar akak bina bidingginau nani ba, dipingok angonti tut ambutti nya cem.

MAZMUR 37:23

tuhan bie tut no di ningon sren kak puig di igbit mem noni. Noni nyohou yo di Noni joi sut yok nya.

NEHEI LEUSI 4:15

Ma ambrap bit noni ba, apingok ningonti tut mun di suar noni mbrap tut. Midimpu jahacem lene midingginau je tut mun di suar jitri tut kin mun di jiyai nya cem.

NIPINGOK NINGONTI 1:7

Gino tungwatu nya ijoi sut ningon kiti di nijit lene ma ikuk yok bak tuhan bittin tut Noni bibie ug e. Lewo yo di ingkek ndok nya irok ningon kiti ba, ikou sut gino hi ngginau yok.

NIPINGOK NINGONTI 15:33

Nikuk nye bak tuhanti ne nitriti mem mun di ipikor eisi hagom ri. Suar aba abou coi mem tungwatu nya bibie ug e leu api yoni minggei sut na.

NIPINGOK NINGONTI 16:6

Allah mikos ser ade sisar gino angon gom tut Noni. Noni micuon igyaisi leu binhyepo mun di kinei bibor cut igkep yok bi.

NIPINGOK NINGONTI 2:5

Tug hon nisinati dima lene angon midorti tut nittin tut tuhanti ba, ma ayai ningon di kan tut Noni.

NIPINGOK NINGONTI 2:9

Dimunggwom na e, gino abit dihyet lene angon midor niti tut mun di igbit kin ningon di sren kin ningon di gom cem. Ayai munti di suar ayai kep nya mijo nibreisi mem na.

NIBA NINGON SRIP HUKTI 12:13

Tirigi dibinai sut hagom bidem leu lene nirop ninda ndigsi cuk nye “Ma jittin tut Allah Nongkom bijibit nicukti nya hagom. Lewo gima ne Allah ningon kanti mem nye di tungwatu nya tirigi Noni pai tes nye ri.”

YESAYA 35:8

Puig Di Bie Ndam Niyaijo Nijep Di Jo Kikau mijo ei sirima. Yo di ibon sisar ikak simpak dima bi. Yo di ingkek ndok nya yuhum yo di ikak puig dima insi cem bi.

YESAYA 50:10

Je di jibou cut bak tuhan di jimiap kep Nide awak nihyet e, mpaba puig di jimbut kak dima dindi ba, nipigati hi di piga digai puig mem je bi. Noro ma jiba jingon com tuhan bijirok kui jide Allah.

YOHANES 7:17

No di joi sut gima yai igbit Allah ningon kanti kan tut bipia Ditde ningginausi kwei leu Allah e, he kwei leu dingon kanti he e?

KISAH 10:2

No dini kin nide ig bei nsi nya yahagom iba ingon gom bikuk yok bak Allah. Noni singat tut mben Yahudi di yuhui mbum nya bingat nadi bak Allah bikwop njap ngwa hagom cem.

KISAH 10:22

Ibuhup “Kornelius di Nibou tentara pinak nye kwei. Noni ba ningon gom bikuk no bak Allah ba, mben Yahudi yahagom ikon ninyeng cem. Allah birop Kornelius de nadi bipinak Nide malaikati gom kwei bipai binoni bipia ma noni sok nihyet bak na di Andigpoi leu binhyepo abit nye biyuug ei nide ig bei leu binhyepo noni miap mun di tibim ei na di Andigpoi ahui him.”

KISAH 11:14

Noni mitri tut nihyet di bindei ba, nani kin ade ig bei nsi nya jahagom jiyai niteu leu sisarti kin niyaijo nijep.’ ”

KISAH 13:26

Disut bat je di jintun Abraham him kin je di nindigsi di jikuk je bak Allah e, Allah sok nihyet tut niteu leu sisarti kin niyaijo nijep kwei bak nyeni yahagom.

YOSUA 3:4

Noro ma jidideu Brua Gi Preu au. Gino jibram imam nya lene suar nikieti di bikkin jeni nijeisi kilometer gom. Gino jiyai nok lene mijikrau tunggwei puig bi. Lewo jimbut ei minu dima hi bigyo.”

YOHANES GI NIGOM 2:27

Noro tut jenti ne Kristus kes Allah Ninnei nyahan ei jingonti tu ba, jisuar hiter mem gima pingok jingonti tut mun nyeng hi kin bi. Allah Ninnei ne nijit rin bipingok jingonti tut mun nyeng hagom. Nibicumti srig Nide nipingokti dima bi sren. Gima rino ma jibit Allah Ninnei nipingok jeti ba, jiyaijo nok gom kin Kristus.

SAMUEL GI NIGOM 9:6

Noro awak dima srep bipai “E bi! Allah de awak gom no bong ei minu dini ba, timiei nya yahagom inggei sut noni lewo mun di noni tri tut hagom dem igbit nipaisi. Suug ngat noni leu binhyepo mimbot kep bisa tut mpia dino keledai nya israwir eisi a.”