MAZMUR 25:11 - ALLAH NIHYET MEM TUNGWATU NYA

¹¹ tuhan e, akos ser ditde sisar bit leu Ade nipreu ei mem dati. Lewo diyai mun tunggweisi nindig bibor.

MAZMUR 25:11 ပူးပေါင်းရင်းမြစ်များ

MAZMUR 79:9

Niteu kep nye biningwes ngun cig e, ampu nye ba, akos ser nyende sisar cem. Lene akwek nye leu binhyepo ngkiai nya mikuk yok biNa drek dip anyeng di jei.

YOHANES GI NIGOM 2:12

Dimunggwom bat jen, dipas kep srat dini bije lewo Allah kos ser jide sisar drek dip Kristus tu.

MAZMUR 31:3

Amiap kep dihyet ba, ateu da leu mun di ngot kep da haninyai. Abindei ba, anok nungug tig di digwam coi bidigwam nding eisi. Anok tentara nibousi di diya coi bidingwes ngun ei niti.

YESAYA 43:25

Mbro nok gima lo, Dani ne Allah di didip tut jide sisar ri. Dikos ser jide sisar bit leu nok diyai kep ngan-nganti. Midiyok ngon kep jide sisar dem kep nok ningwam di jibon biDa bi.

ROMA 5:15

Noro yahacem ter leu yam. Lewo Allah nisingat tut nyeti bon ninyeng nindig bibor gino ibinai sut Adam nipigau hanjopti. Ningat ne imang bibor itug ndei nimai drek dip tungwagom nipigau hanjopti. Noro Allah nisingat tut nyeti di nindig bibor di teu imang bibor leu sisar mikuisi bon ninyeng nindig bibor bidor njiriek tug hon tungwagom di Yesus Kristus nisingat tut nyeti.

YEHEZKIEL 36:22

Gima rino ma atri tut Da di tuhan Di Dinyeng Jei Bibor dihyet di disok ei na dip bak mben Israel di nibimbiti pai ‘Midiyai mun nyeng gom lo, mun dima nok bindo mem je di mben Israel bi noro nok mun di bindo tut dinyeng di kwes-kwau di jibimangkrei bijico kep bidem jingkiaisi hagom tu.

YEHEZKIEL 20:9

Lo, digiyai nok ditin eisi mem yok dima bi. Leu binhyepo mben Mesir di ibong ei minu di Ditde limwa nya ibong eisi dima ighyet kinei sut dinyeng bi. Lewo dipai bak Ditde limwa nya ei mben Mesir dima yahagom yoho bei bipia midibuwak yok biyehei leu minu Mesir.

YESAYA 48:9

Doom kep Ditde niggati leu binhyepo tungwatu nya mikon dinyeng bidem minu. Doom kep niggati dima nyahan drek dip je leu binhyepo dibibindei sar je bi.

MAZMUR 109:21

Noro ampu da bit leu Ade nipreu ei mem dati. Ditde tuhan Allah e, ateu da bidingwes ngun tug hon Ade nisingatti kin Ade ningon ngakeisi cem.

MAZMUR 143:11

tuhan e, ateu da bidingwes ngun bit leu nok apreu ei mem dati. Akwek da leu mun di buhun tak da tug hon Ade nisingat tut dati.

NEHEI LEUSI 34:7

Dingondut tungwatu nya kikau ug bipek ide nintun him yamti di bram yam nya ibou sribu-ribu. Dikos ser ide sisar kin ide mun di igyai tunggwei nya. Noro bit bon yo di ingon mui nya mingwes ngun leu hukum kan bi. Lewo midikes hukum ei imunggwom bat nya kin ignyon bat-idrot bat nya dip kikau ug bipek ide nintun him yamti di bram yam nya nimpung gi niningai kin nibitai drek dip ide pung di intun him nya ide sisar.”

YEREMIA 14:7

Ditde limwa nya yahara Da bipai ‘tuhan e, mbro nok gino nyeni ningon hukti tut nyende sisar lo, ma ampu nye bit leu nok apreu ei mem nye tu. Niba ninghim bak Nani mbirimang ba, nibon sisar tut Nani cem tu.