MAZMUR 24:1 - ALLAH NIHYET MEM TUNGWATU NYA

¹ Doia Daud. tuhan nyeng tut dihyeisi dini kin mun di joti nya bitut dihyei ninjek dip kin yo di ibong kep nya ba, inok Nide limwa nya.

MAZMUR 24:1 ပူးပေါင်းရင်းမြစ်များ

NIBOHON MBEN ISRAEL GI NIGOM 29:11

Nani ne Andigpoi di kei-kau-kei ba, sindem bibor cem ri. Anyeng di jei om kep ninyeng hagom ba, ayai kepti nya hagom nindig bibor cem. Anyeng tut mun nyeng hagom di jo mpia-bbed him kin dihyeisi dini. Nani ne nibou ndig di ninyeng jei bibor ba, anyeng tak kep nye di tungwatu dihyeisi dini nahagom cem.

NIBOHON MBEN ISRAEL GI NIGOM 29:16

Nyende tuhan Allah e, nidimig ndigban di bon ninyeng dini keyam ei mpia dini mem gima nibingot ig gom mem Nani ba, nibikon anyeng di dia-diau cem. Noro anyeng tut mun dima yok hagom lo, akwas hagom tut nye nipou su.

NIBOHON MBEN ISRAEL GI NICAN 25:9

Lene Amazia hig ser noni “Noro notou mem perak hagom di diyai biyok tu i?” Lene nabi dima buhup “tuhan sindem mem gima ngkwei perak nimangti gi dor tunggwei ade dima hanyen binani yo!”

AYUB 34:13

Allah yai nide nisindemti leu tou i? Tou rino bindei ba, Noni ttei nibou bikos tut mun ei dihyeisi dini i?

AYUB 41:11

Tou rihwen noni leu api ningwes ngun leu nuhui him i? Bitbon tungwatu bidem dihyeisi dini hagom ihwen noni bingwes ngun leu nuhui him kan bi.

AYUB 41:3

Noni hara na leu binhyepo akes noni bimbut e? He mikon ninda ser na e?

MAZMUR 50:10

Mindhe-ndhe di igya bigbehei kin mindhe-ndhe nimuhup tu di nggreu-nggrop ei nungug tou sribu-ribu dip nya ne Ditde hagom.

MAZMUR 50:12

Gino dinggum lene midahara jeni tut njita bi sren. Lewo dihyeisi dini hagom bitut mun di jo niti nya ne Ditde ri.

MAZMUR 89:11

Adram naga Rahab di bong muk ngeisi bimai bingwig. Abindei siceu nya bitimek bingwig tug hon Ade nisindemti di nindig bibor.

MAZMUR 89:12

Anyeng tak kep mpia-bbed him kin dihyeisi dini lewo apai tes hacem bitut mun di joti nya cem.

MAZMUR 98:7

Muk ndigsi kin mun di joti nya e, ma jide kru nibimbiti bong. Dihyeisi dini kin mun di joti nya e, ma jipai doia.

NEHEI LEUSI 19:5

Nogindini gino jibit dihyet ba, jiyok ngon kep mun po dipreu ei mem je pima lene dinyeng mitak kep je. Dinyeng tak kep tungwatu dihyeisi dini hagom noro didimig jengkom bijinok dingon kieti nya.

NEHEI LEUSI 9:29

Lene Musa buhup “Hammi tirigi dehei leu minu ndig dini lene midikon dinda kui leu api midingat nadi bak tuhan. Mpe dima lene kru kin biget di mbras nok tig njep micut bu bi. Gima hagom nok leu binhyepo mijo nibreisi mem na di Andigpoi bipia tuhan Nongkom ninyeng tak kep dihyeisi dini.

DANIEL 4:25

Tungwatu mijji nani ug ei minu ting leu yok leu api abong bit mindhe-ndhe di tungwatu nya ipijuk bi nya. Ayem mintu-minta dem kep nok sapi nya ba, abong bas hak. Nggou kui nati cem kikau mem ari bingwam muhwindacan. Mpe dima lene angon jo kep bipia Allah Di Ninyeng Jei Bibor sindem tut nibou ndig nya bitut ide ninyeng tak kepti nya hagom ba, Nongkom he rino ta yok bit leu Nonti ningon kanti.

MIKHA 4:13

tuhan pai “Je di timiei minu ndig Yerusalem e, ma juug bijico kep jide siceu nya! Midibindei ba, mimbri kui jingkek dem kep nok sapi nikre di nibou nggai wer ngkimom nitu ba, ninjou wer ngkimom-tembaga. Mijibindei timek mben imang bibor bingwig leu api jikon ide ndigban kin mitiei di iba imbuk bipos leu siceu nya hagom hanyen kwei bijinjei bak Da di tuhan mem dihyeisi dini hagom.”

NAHUM 1:5

Nungug nya ugwa-kwei nyen ei Noho bei lene mbigdip nya cem jet ningwig a. Gino Noni tau kep nye ne dihyei bingmai ba, dihyei kin timiei dihyeisi dini yahagom ingon bingmai.

KORINTUS GI NIGOM 10:26

Bit leu nok gi ipas ei Allah nihyetti “Tuhan nyeng tut dihyeisi dini bitut mun di joti nya hagom.”

NINDAT KEP TUHAN NICUKTI NYA 10:14

tuhan di nok jide Allah nyeng tut mpia-bbed him di jo anai kin dihyeisi dini bitut mun di joti nya hagom.