MAZMUR 23:3 - ALLAH NIHYET MEM TUNGWATU NYA

³ Noni sindem tut da bibiwin dingonti bibie tut da kak puig di igbit kikau bit leu nipreu ei mem dati tu.

MAZMUR 23:3 ပူးပေါင်းရင်းမြစ်များ

AYUB 33:30

leu binhyepo teu tungwatu biyai niyaijo nijep biyok lene biyai nibong kei nigwam kei biyok mem nijam di igyaijo.

MAZMUR 106:8

Noro tuhan teu yoni bingwes ngun tug hon Nonti njem leu binhyepo ndo Nide nisindem biborti brei biyok.

MAZMUR 109:21

Noro ampu da bit leu Ade nipreu ei mem dati. Ditde tuhan Allah e, ateu da bidingwes ngun tug hon Ade nisingatti kin Ade ningon ngakeisi cem.

MAZMUR 119:176

Disrawir dem kep nok domba di pror. Gima rino akwei ba, anggok Ade awak di dani. Lewo diba diyai ngat Ade nicukti nya bi.

MAZMUR 19:7

Mpia njap kinyon ei nimbutti leu nipriti kikau ug ei nikimbasti. Bit bon mun nyeng hi ku no leu niwamti kan bi.

MAZMUR 31:3

Amiap kep dihyet ba, ateu da leu mun di ngot kep da haninyai. Abindei ba, anok nungug tig di digwam coi bidigwam nding eisi. Anok tentara nibousi di diya coi bidingwes ngun ei niti.

MAZMUR 31:4

Igbit ri! Nani ne nungug tig di digwam coi kin tentara nibousi di diya coi bidigwam nding ei niti ri! Abie tut da dem igbit apreu ei mem dati.

MAZMUR 34:3

Dinggei sut Noni tut niyai munti nya. Ma yo di indwau nya ingig itingou mem dihyet di bindei ba, ingon llei.

MAZMUR 5:8

Noro dicoi ug ei Ade Ig tug hon angon ngakeisi di nindig bibor. Dikiek doho bidibirok kik Ade Ig Di Kwes-Kwau bidiba dibiau bicom mpia leu api diba dibou coi mem Nani tirigi dikuk da biNani.

MAZMUR 51:10

Asindui sut ba, nihyet di bindei di dingon llei bibor hanyen tibim kwei ei ditingou nsi. Lene mbro nok gino aco kep da tu lo, dingon minggan-triot kei hanyen bu.

MAZMUR 51:12

Allah e, apai tes ningon di kwes mem da lene abindei ba, dingon bei jep-jau cem nddong cem hanyen.

MAZMUR 79:9

Niteu kep nye biningwes ngun cig e, ampu nye ba, akos ser nyende sisar cem. Lene akwek nye leu binhyepo ngkiai nya mikuk yok biNa drek dip anyeng di jei.

MAZMUR 85:13

tuhan minjei mun di kei mikuisi bak nyeni apino ningat di kei mintun ide dihyei him.

NIPINGOK NINGONTI 4:11

Dingginau na tut ningon kiti bidindo nisinati tut niyaijoti di igbit cem bina tu.

NIPINGOK NINGONTI 8:20

Dikak puig ningon gom bidinut ningon sren nohoti.

YESAYA 42:16

Midicen Ditde limwa di igyai tu nya kak puig di ikan tut bi. Midibindei ba, nidinditi di nggai kep yok nok nipigati mem yok bu. Mididime kep njuisi nya hagom binok puig di sur yam kei mem yok. Midibon mun dima yok hagom mem yok bidiyai dibou tut yok.

YEREMIA 31:25

Midibindei ba, yo di inghuisi jet nya inghuisi sindem hanyen ba, yo di inghuisi mbris drek dip ninggum di hwen yok migyem njita bigyai nisindemti bu.

YEREMIA 31:8

Midibuwak yok kwei leu nite bei mpia nijjai bidinduk yok kwei leu minu nohon keti. Yo di igyai tu nya kin yo di ilit nya yahagom mibit yok kwei bitut sop di inghop kin sop di sindi inghim dut tut munggwom nya cem. Imang ndig mikwei hanyen ei itimieisi dini.

YEHEZKIEL 20:14

Lo, diyai nok gi ditin ei memti dima bi drek dip Ditde ninyeng jeisi. Leu binhyepo mben di ingat gi dibuwak yok kwei leu minu Mesir ipai dinyeng kinei bi.

EFESUS 1:6

Jikwei ba, inggei sut Allah di ninyeng jei drek dip nisingat tut nyeti di Noni njei bak nyeni tug hon Nipmot di Noni ningon him ngi-ngat!

NINGAT-HI-NGAT NYA 3:19

Disok kep yo di dingon ngakei yok ngkiem ba, dittem yok cem. Gima rino suar jibrim jingkek bijittin ser jide sisar lene jikiek ndam Allah.