MAZMUR 22:6 - ALLAH NIHYET MEM TUNGWATU NYA

⁶ Yahara Nani lene ateu yok leu mun di buhun ba, ingwes ngun. Iba ingon com Na apino ingon pus tut Na bi.

MAZMUR 22:6 ပူးပေါင်းရင်းမြစ်များ

NIBOHON MBEN ISRAEL GI NICAN 14:11

Leu api Asa ngat nadi bak nide tuhan Allah bipai “tuhan e, Nangkom ngat he rino ampu kep tentara di isindem bi nya ba, ibindei timek tentara di isindem bibor. Nyende tuhan Allah e, ma ampu nye nogindini! Nyeni niba ningon com Nani ba, ninjei kwei tug hon anyeng mem gima nikon pran bit nimpung tentara di nindig bibor dini. tuhan e, Nani ne nyende Allah ri. Jo nibreisi bipia bit bon tungwatu nya ibindei timek Nani kan bi.”

AYUB 25:6

Gino Noni cap tungwatu nya ne ngat lo, iwer adihyeisi kin njingwoi ei niyai him lewo ibon inyeng bi sren.”

MAZMUR 25:3

Yo di yaham di imbuk kep Nani mitug ndei nimmai sut yonti drek dip. Noro yo di iba ingon com Nani mingon nghen leu bi.

MAZMUR 31:1

Doia Daud mem no di bie tut doia nimpung.

MAZMUR 31:11

Diyai munti nya ngwig ei dinghuisi weisi ba, ditde njap cem mbut ei ninso-nso nyenti ba, dilua tut cem. Ditde nibon mun di kinei biborti bindei ba, nisindemti cut-cut nyen leu da bidinjum nya cem binggun.

MAZMUR 41:5

Dipai “tuhan e, dibon sisar tut Nani tu. Angondut da ba, ayai ningkek ngun eisi hanyen bida.”

MAZMUR 88:8

Angon sibui sut dati tak kep da bibor ba, agga da biborti tak kep da bidinnem-nnai.

YESAYA 41:14

tuhan pai “Je di mben Israel e, mbro nok gino jimang bi ba, jinghuisi wei lo, ma jittin au. Lewo Da di tuhan midimpu je. Dani ne mben Israel ide Allah Di Kwes-Kwau ba, diteu je bijingwes ngun.

YESAYA 49:7

Allah di kwes-kwau di teu mben Israel leu sisar biyai niyaijo nijep biyok pai bak no di ngkiai nya yahagom ico kep di ingon mpo tut cem lene bipai bak no di nibou di yo di isindem nya yuubon nok ide awak cem “Nibou ndig nya mingig igyai kep ayai munti nya leu api yahagom mikiju bigya bikon anyenga. Yo di inyeng jei nya cem mingig igyai kep ayai munti nya leu api mikuk yok ei amig him.” Mun dini yok hagom mipek kep mem yok lewo tuhan dimig Nide awak ei su ba, mben Israel ide Allah di kwes-kwau ningon gom tut mun di Noni preu ei mem yok.

YESAYA 53:3

Nyeni ighyet kinei sut noni biyoom nye leu noni. Noni yai niwei kin nidut biborti. Tungwatu nya iba ingha bak noni ba, nyeni cem ingon llei sut noni bi.

NIBWOS-BWOS NYENTI 3:30

Mbro nok gino siceu ittem nye bipai nye kinei lo, suar iba ibou coi sut gima yok hagom.

MATIUS 11:19

Tirigi Munggwom Tungwatu Nipmot tau kwei lene Noni yem njita bidut ba anggur ngei cem noro tungwatu nya isrep bipai bu ‘Jingat i! Ninghop bou ba, dut ba anggur ngei nindig bibor lene hig nisut bit yo di igya tindei belasten bigyem jimuhup kin yo di ibon sisar nindigsi nya isut cem.’ Mbro nok gima lo, Allah ndo bindo tut ningon kiti tug hon Nide midyai.”

MATIUS 12:24

Tirigi Farisi nya imiap nihig ser yamti dima lene isrep “Beelzebul di nibou ndig mem ninnei rom nya ya Yesus ningonti bisindem tut Noni leu binhyepo jji ninnei rom nya.”

YOHANES 7:15

Nibou mben Yahudi nya inga leu nindig bibor bihig yam ser “Nggon rino No dini ningon ki nok i? Noni coi pikor hi bi sren.”

YOHANES 7:20

Yo di ningot dig dima ibuhup “Nung kui Na! Tou ribingon mem gima yai nimai biNa i?”

YOHANES 8:48

Mben Yahudi ihig ser Noni “Gi nipai sut Na bipia Nani ne mben Samaria di nung kui Na rin e? Gima ne anghapti di nijit rin bi e?”

IBRANI 13:12

Gima rino Yesus cem ug mai ei minu ndig nisai ma kwei leu binhyepo ba ninggrom bipiap Nide limwa nya leu ide sisar.

NINGAT-HI-NGAT NYA 15:3

Ba, ipai doia di Allah de awak di Musa pai kin Domba Pmot de doia cem di nibimbiti pai “Allah di sindem bibor e, Ade midyai nya kei bibor kei ba, mindur bibor cem! Na di Nibou Ndig di anyeng tak kep minu nya hagom e, ayai munti nya hagom sren-srau cem igbit cem.