MAZMUR 22:16 - ALLAH NIHYET MEM TUNGWATU NYA

¹⁶ Dikibou ngak-cai dem kep nok hum pimbang di ndung ba, didwep rap duhui him. Na di tuhan e, akes da bidibong ei dihyei nindungti tereu dimai su.

MAZMUR 22:16 ပူးပေါင်းရင်းမြစ်များ

MAZMUR 22:1

Doia Daud mem no di bie tut doia nimpung. Bit leu nihyet nibikiek Rusa Mpe Di Mpia Pri Bicom Nimigsi.

MAZMUR 22:20

tuhan e, ma ambres Nanti ei minu ting leu da au! Abrim amig ba, akwei teu da bidingwes ngun lewo Nani ne ditde nisindemti ri!

MAZMUR 38:11

Dingon digit-digoi ba, nisindemti ngwig hak leu da tu ba, diyai cem dindi.

MAZMUR 59:14

Gima rino Allah e, ma aba Ade nigga biborti bibindei sar yok hak ug. Abindei sar yok ningwig ug leu api tungwatu nya yahagom mikan tut bipia Allah ninyeng tak kep mben Israel bikieng kep dihyei nisurti-nipekti cem.

MAZMUR 59:6

Allah Di Sindem Bibor e, akiju ba, ampu da. Israel de Allah e, ayok ayai kep yok. Akiju ba, akes hukum ei ngkiai nya dip. Ma angondut yo di isibut di yaham imbuk kep da au.

MAZMUR 86:14

Allah e, yo di ingon jei ikiju kwei bihwen bit da. Yo di iten pos nimpung gom ibingon mem gima igyai nimai bida. Yo dima isem tut Na.

YESAYA 53:5

Noro noni tug ndei nibok bimos kei drek dip nyeni ide sisar ba, tungwatu nya ibui noni binem-nnai drek dip ide mun di mbuk nya. Noni tug ndei hukum leu binhyepo biteu nye leu sisar biyai niyaijo nijep binye. Nyeni igyai inghuisi kwes hanyen tug hon nibokti di mos kei nya.

YEREMIA 12:6

Yo dima ibakilak na tu lo, yoni he bi noro bitut ade adig-ajoi nya cem. Yahagom ibicom yam mem gima ihwen na. Mbro nok gino ikes igkep ighyet di mmau kei lo, ma aba angon com yok au.”

ZAKHARIA 12:10

Leu api midibindei ba, yo di intun Daud him kin timiei minu ndig Yerusalem ingon ya tut ningon ngakei yamti kin ningon ya tut naditi. Igyai mibong kep no di idat leu api ipim nggruet drek dip noyam kin no di pim nggruet drek dip nipmot di nimig gom nimaisi pimo. Yoni iba ingon di ngguk bibor bipim nggruet noyam kin no di nide munggwom mighumbou sar leu no pimo.

MATIUS 26:57

Yo di ikat Yesus ibuwak Noni ug ei Kayafas di Imam Nibou Ndig de ig. Guru Puig Yahudi nicukti nya kin nibou mben Yahudi nya cem yo rinaha ei mpia dima.

MATIUS 27:35

Ipek Noni ei biei salibti leu api iko bibinggok tut gima ikwas Nide sinsun tut yam.

MATIUS 7:6

Ma jiyai mun di Allah nyeng tut nya bak nsien nya au. Lewo yoni mingkwei hanyen ba, yaham je. Nok gima cem ma jiba sriou tiei njep biris na nya au. Lewo yoni mico kep sriou tiei njep dima ug ri.”

MARKUS 15:24

Leu api ipek Noni ei biei salibti lene iko bibinggok tut gima ikwas Nide sinsun tut yam.

LUKAS 23:23

Noro yo dima iba ighyet nindig bibor bijem mun bak noni bipai “Apek Noni ei biei salibti hak ug o!” Yoni ibrim ingkek kep Pilatus bibou ce tut ighyet ug e.

LUKAS 23:33

Tirigi yuug krau mpia ttou nsi di ninyeng Nimbiam Bou lene ipek Yesus ei biei salibti bibipek yo di isibut nya ibou can kin bu ei ide biei salibti. Hi ei nite bei Yesus ninda com lene hi ei nite bei ninda prak.

YOHANES 19:23

Niabiati tentara nya ipek Yesus kin biei salib tu lene igyai nide sinsun bikwas bitaisi bikwas tut yam. Igyai nide sinsun ndok di jei di tukan nap kin yam bi noro bien nok nitut yam gom cem.

YOHANES 19:34

Noro tentara gom ba nide micim bidat Yesus nikimbu dip leu api ninggrom kin minyei biam leu nikimbu bokti.

YOHANES 19:37

Gima pek kep bit leu nok gi ipas ei Allah nihyet bokti hiter bu “Tungwatu nya itou kep huk No di iba micim bidat.”

YOHANES 20:25

Gima rino nindigsi nya ipai binoni “Ningat Tuhan Yesus bou niyai him tu!” Noro Tomas buhup “Gino dingat ninda nimuhweisi di iba paku bipek bou diyai him bidisu dinda bidingget nimuhweisi dima kin nikimbu dip nimuhweisi bi lene dingon jo kep nikiju hanyenti bi sren.”

YOHANES 20:27

Leu api Yesus pai bak Tomas “Angat dinda ba, ayok anda pijum eisi lene asu anda ei dikimbu nimuhweisi cemti. Ma ahig angon eisi bu au noro ma angon jo kep!”

FILIPI 3:2

Ma jitindei ser yo di ibon kep mun di suwok nya lewo inoyam kin nsien di niten-pos nya bibidip huk tungwatu nya tut midut sunat.

NINGAT-HI-NGAT NYA 22:15

Noro yo di irom ndok kin yo di inda dut kin yo di icut tut yam kin yo di ihwen mun kin yo di ikuk yok bak kwar nya kin niris kep mun cig nya yahagom ingat rin ei minu ndig nisai.