MAZMUR 22:11 - ALLAH NIHYET MEM TUNGWATU NYA

¹¹ Diyaijoti no jo nyahan ei anda bia bei bidikuk da biNa cem habiei dimien kikau kwei bipek ammani kep.

MAZMUR 22:11 ပူးပေါင်းရင်းမြစ်များ

NIBOU NDIG NYA GI NICAN 14:26

tuhan ngat mun di buhun bibor di cut igkep kep mben Israel bou niyai him ba, tungwa hi di mpu yok cem bi sren.

MAZMUR 10:1

tuhan e, nggon rino Nani ting bibor i? Nggon rino aku Na leu nye mpe di mun di buhun om kep nye i?

MAZMUR 35:22

Noro Na di tuhan angat mun dima yok hagom tu. tuhan e, ma aba aji di buhun bikimut ahui ba, agwam ting leu dani au.

MAZMUR 38:21

Diyai munti nya kei noro yo di iba gi kinei bibuhup gi kei nya ingon sibui sut da.

MAZMUR 69:18

Ma aku Nanti nding leu Ade awak niyai him au. Mun di buhun bibor buhun tak da. Gima rino ma abuhup dihyet nogindini hak ug.

MAZMUR 71:12

Allah e, ma aom Na ei minu ting leu da au. Ditde Allah e, abipbur ba, ampu da haninyai.

MAZMUR 71:6

Dibram kui Na leu nipou kwei bipek ammani kep. Acuon diyaisi habiei leu dimig ngwoi kwei tu. Gima rino dikon anyeng bijo kikau.

MAZMUR 72:12

Lewo noni teu nikinei-kinau di isindem bi nya kin yo di yuhui mbum di yahara noni apino ingwes ngun.

YESAYA 63:5

Dinggok yo di impu Da lo, dinga leu sut gi hi kwei mpu Da bi. Noro Ditde nisindem biborti mpu Da ba, Ditde nigga biborti kon tut Da.

MATIUS 26:56

Noro suar mun dini yok hagom pek kep mem nye leu binhyepo nabi nya ide nipas kepti ei Allah Nihyetti midem igbit.” Leu api yo di igya kui Yesus yahagom ikes Noni binang leu.

MATIUS 26:72

Lene Petrus om ser nihyet nghwak him hanyen bu beheng ser “Dipai nijit bipia dikan tut No dima bi!”

MATIUS 26:74

Leu api Petrus ba neheng bibuhup “Gino dipai dihyet di nijit-jau bi ne ma Allah mbriom da hak ug. Dikan tut no dima bi!” Hammi tirigi noni pai nok rino hacig yau.

YOHANES 16:32

Ma jiyok ngon kep bipia tto bou mem jintek gimahap midem ba, tto bou dima dem tu. Bikwop jahagom mijingkwei hanyen ug ei jide ig bijikes Da ei apino digwam biDangkom. Noro digwam biDangkom bi lewo Dicig ningat rin bit Da.

NINDAT KEP TUHAN NICUKTI NYA 32:36

tuhan teu Nide limwa nya tirigi Noni ngat bipia isindem bi. Noni ngondut Nide awak nya tirigi Noni ngat bipia inghuisi jet.

IBRANI 5:7

Tirigi Yesus ningat rin ei dihyeisi dini lene Noni ba nihyet nindig bibor kin niyai nggwei di kibor bingat nadi bak Allah di sindem mem gima nyohou Noni leu binhyepo mai bi. Allah ngig nitingou mem nihyet lewo Yesus ba ningon di gom bikuk No bak Allah.