MAZMUR 21:9 - ALLAH NIHYET MEM TUNGWATU NYA

⁹ tuhan mibindei sima Nide siceu nya yahagom lene mikat yo di yahagom di ingon sibui sut Noni cem.

MAZMUR 21:9 ပူးပေါင်းရင်းမြစ်များ

NITRITI 19:28

Lene noni cap ser mbang briep mo jug ndam Sodom kin Gomora bingat lo, hum mmup brou noyam kin hum di yem baham kikau bikui ug ei mpia-bbed him.

EZRA 6:12

Diyok ngon mem Allah po dimig Yerusalem ei nok mpia gom ngat di tungwatu nya ikuk yok biNoni eisi pima miyai nimai bak bikwop nibou ndig kin keret dihyeisi dini nya di isrep tut dicuk jeti dini binggek tut tuhan De Ig di iwin dima. Dani ne Darius rin ba, ditri tut ditde nicukti tu. Suar tungwatu nya yahagom iba ingon titut yam ce tut ba, ibit.”

AYUB 6:3

ne nibuhunti midor tunggwei iggum muk ndigsi nibuhunti nya. Gima rino gino dinyohou yai sut dimbrapti nya bi bidingon sror lo, ma jinga leu tut au.

MAZMUR 106:17

Mpe dima lene dihyei kimbo bipinde Datan kin Abiram kin ide ig bei nsi nya yahagom leu api dihyei sur yam ser yok hanyen.

MAZMUR 18:38

Diyon igkep ditde siceu nya bidibindei timek yok. Doom da leu pran bi bibou diya kep yok bingwig ug e.

MAZMUR 18:8

Apino Allah nigga biborti bindei ba, dihyei ugwa-kwei. Dihyei bingmai ba, nungug kiou nya cem lor bibingmai.

MAZMUR 2:12

Ma jiba jingwak bikik mpia ei tuhan nimig him. Gi bi ne Noni migga bibor kros ba, mibindei sar jahagom kros bihigom. Bikwop tungwa tou rino ya coi tuhan ne no dima ningon nggei-hi-nggei!

MAZMUR 2:5

Noni gga yok bikon nihyet kep yok ba, ningon di sibui sut yok bindei bingon ttin bibor.

MAZMUR 50:3

Ide Allah kwei noro su No nyahan bi. Hum di ninjeng srei kin sigau di nimig ten bibor yon ttai bibie Noho.

YESAYA 26:11

tuhan e, atin ei mem gima akes hukum ei Ade siceu nya dip noro igikan tut bi. Nnaba gino ingat Ade ningon ngakei Ade limwa nyati bi lene ma itug ndei nimmai sut yonti bibor ug. Nnaba yoni ijjem ningwig hak tug hon hukum di atin ei mem yok tu.

NIBWOS-BWOS NYENTI 2:2

tuhan ngondut yo po ibindei sar bikwop minu mien ei minu Yehuda hagom bi o! Noni ba Nide niggati bihwen tentara nibousi di igya coi nya di ibicuon minu dima hagom bilus ningwig o! Noni bindei timek nibou ndig nya bitut ide ninyeng tak kep limwati nya yahagom ei minu dima apino nimmai jun yok o!

NAHUM 1:6

Gino tuhan gga bibor ne tou rino ya ngkiem i? Hi di ningwes ngun leu nigga biborti bi. Ba, Noni bindei mbut niggati di cig-cai di bindei ba, tig nya timek binok dihyei ndung ei Noho bei.

MALEAKHI 4:1

tuhan Di Sindem Bibor pai “Njap dima ne tto bou midem mem hum yem yo di inggei-nggwang tut yonti nya kin yo di imbuk nya yahagom dem kep hum di yem mintu-minta di mui su. Hum miyem yok bihigom ei njap dima leu api ipror bingwig.

MATIUS 13:42

Leu api Noni micom yahagom ug ei hum njengti di cig-cai. Ei mpia dima ne yoni ipim ba, itug ndei ninghuisi wei.

MATIUS 13:50

Leu api icom yahagom ug ei hum njengti di cig-cai. Ei mpia dima ne yoni ipim ba, itug ndei ninghuisi wei.”

MATIUS 22:7

Nibou ndig ningon sibui sut yo dima nindig bibor. Noni cuk nide tentara nya biyuug yai nimai biyok lene pindei ide minu ndig dima bitimek.

MATIUS 25:41

Lene Noni pai bak yo di igya kui ninda prak ‘Juug bihigom leu Doho bei lewo Allah mbriom je tu! Juug dor kikau ug ei hum di bit bon hi mu kan bi di Allah tin ei mem Bilis kin nide malaikati nya!

MATIUS 25:46

Gima rino yo dini itug ndei hukum di jo kikau noro yo di igyai igbit Allah ningon kanti icoi ug ei niyaijo nijep di jo kikauti.”

MATIUS 3:10

Hi tin ei mem gima wim biei nya nitriti. Noni miwim bikwop biei di ngat ningat di kei hi bi nya leu api ndig hagom kep hum.

MATIUS 3:12

Nide hot nggram jo ei nindati. Noni mibicig gandum nisina billet leu ningat leu api mbus ningat hagom keyam ei Nide igudanti leu api ndig nisina bai kep hum di bit bon hi mu kan bi.”

NINDAT KEP TUHAN NICUKTI NYA 32:22

Dingon di sibui sut yok micig-cai dem kep nok hum njeng biyem dihyeisi kikau ug bipek gumihyep nimai. Hum dima miyem dihyei kin mun di joti nya hagom ba, yem nungug kikau nitriti nya.

TESALONIKA GI NIGOM 2:16

Gima he bi noro itte tut gi nitri tut nihyet di biyai niyaijo nijepti bak ngkiai nya. Tug hon nisinati dima lene igyai kep igyai kepti ba, ibikum ei ide sisarti apino ingon mpung-piet tut sisar. Ningwigsi rino Allah de nigga biborti hatap yok tu!

TESALONIKA GI NICAN 1:8

Ba, Noni mittau kwei sut hum njeng di cig-cai leu binhyepo bikes hukum ei yo di irok Allah kin yo di ingkek ndok tut Nihyet Di Kei tut ide Tuhan Yesus dip.

NINGAT-HI-NGAT NYA 19:15

Singau simeda di nggwen bibor ntun nuhui him. Noni ba singau simeda dima bicut Nide siceu nya leu api ninyeng tak kep yok kin tom ngkimom nitu. Noni mikimut ba anggur ngat ei bak di ikimut ba anggur ngei eisi di bindo tut Allah Di Sindem Bibor nigga biborti.

NINGAT-HI-NGAT NYA 20:14

Leu api malaikati gom com nimai kin minu nimai nya ide ug ei muk humti. (Muk hum dini ne nimai gi nican ri.)