MAZMUR 21:7 - ALLAH NIHYET MEM TUNGWATU NYA

⁷ Ayai mun di kei binoni bijo ninno ba, Angat rima bit noni apino gima biyai ningon mpung tut ningon lleisi cem.

MAZMUR 21:7 ပူးပေါင်းရင်းမြစ်များ

MAZMUR 13:5

Ma asindui sut ditde siceu nya bipai bipia ibindei timek da tu au. Ma asindui sut ba, ingon kei kep da bimbos-hi-mbos kep da au.

MAZMUR 16:8

Dingon huk niti tut tuhan ba, Noni ya bibie doho bei kikau. Noni ya kui dinda com apino mun nyeng hi bindin da bi.

MAZMUR 18:2

tuhan e, dingon ngakei Na. Nani ne ditde nisindemti ri.

MAZMUR 26:1

Doia Daud. tuhan e, asimbot dat bipia dingon sren lewo diba dingon com Nani. Dihig dingon ei Nati poi mien cem bi.

MAZMUR 45:3

Nani aubbu ngat dor njiriek tungwatu nya yahagom ba, aji ngkiem ba, mpung tut mun di kei lewo Allah njei mun di kei bina ninno tu.

MAZMUR 61:4

Lewo Nani rino anyohou da ba, anok tentara nibousi di dinang coi leu ditde siceu nya.

MAZMUR 72:17

Abindei ba, tungwatu nya ingon prion ser nibou ndig ninyeng bi sren. Lene nikei-kau-keisi kum eisi kikau mem nijam di mpia njap com nimig. Ma abindei ba, ngkiai nya yahara Allah leu binhyepo Noni minjei mun di kei bak yoni bit leu nok Noni njei mun di kei bak nibou ndig ba, yo dima yahagom ingat nadi tindei ningon llei biborti mem noni.

MAZMUR 9:2

tuhan e, diba dingon titut bipai sigyo biNa biditri tut Ade nibon munti di bibon ninggap leusi nya.

MAZMUR 91:2

mipai “tuhan e, Nani ne bor ngug mem da kin No di ya srak ko hagau da rin ba, dikuk da bak Na di Allah bidiba dingon com Na.”

DANIEL 7:14

No di niyaijo kikau yai ninyeng di jei kin nisindemti binoni noyam kin nibou ndig. Apino bikwop timiei minu nya kin mben nya kin gi imbrap ighyet hiter nya yahagom ikuk yok bak. Nide nisindemti jo ninno bijo kikau ba, ninyeng tak kepti ug hon nohonti bi sren cem.

MATIUS 27:43

Noni ba ningon com Allah lene pai sut Nonti bipia Noni ne Allah Nipmot ri. Gi nok ne itou kep gino Allah miteu Noni biningwes ngun nogindini e?”

IBRANI 2:13

Yesus pai bu “Midiba dingon com Allah” bipai bu “Dingat rin ba, munggwom di Allah yai biDa nya yo rinaha bit Da.”

SAMUEL GI NIGOM 30:6

Daud de tentara nya yahagom ingon buhun bibor lewo imunggwom bat nya kin itnem bat nya ipror bingwig leu yok tu. Gima rino itin ei mem gima iba tig bihwen noni drek dip imunggwom bat nya kin itnem bat nya di ipror leu yok dima. Daud um mun di nggruk bibor dima noro nide tuhan Allah biwin kep ningonti hanyen bu.