MAZMUR 21:6 - ALLAH NIHYET MEM TUNGWATU NYA

⁶ Noni yai ninyeng jei bibor lewo ampu noni apino ninyeng tibim bidem minu. Gima rino yo di yahagom ibou cut binoni bibor.

MAZMUR 21:6 ပူးပေါင်းရင်းမြစ်များ

NITRITI 12:2

Leu mporo midibindei ba, ade nintun him yamti di bram yam nya idigek kep mpia binok mben nindig bibor. Ba, midinjei mun di kei bak nani bidibindei ba, ayai anyeng di jei. Leu api yo di imang bibor mitug ndei mun di kei tug hon nani.

SAMUEL GI NICAN 7:9

Dingat rin bit nani bidem ambutti nya hagom ba, dihwen ade siceu nya bingwig ei aho bei cem tu. Midibindei ba, anyeng jei bibor noyam kin nibou ndig di inyeng jei nindigsi nya bidem dihyeisi dini hagom.

NIBOHON MBEN ISRAEL GI NIGOM 17:27

Gima rino dahara Nani leu binhyepo ditde limwa nya ijo ei Ade ningon ngakei yokti bijo ninno bijo kikau. Lewo tuhan e, apai ahyet di biyai gi kei bak Ade limwa nya. Gima rino handei kon ba, anjei mun di kei bak yoni bijo ninno bijo kikau.”

MAZMUR 16:11

Ba, ando puig di bie tut da ndam niyaijo nijep. Dingon llei bibor ba, dingon nggei-hi-nggei cem bijo ninno bijo kikau lewo aya kui da.

MAZMUR 43:4

Allah e, mpe dima lene midingkwei hanyen bidiya kui Ade nimbar hum dok lewo Nani ne nibousi mem dingon nggei-hi-nggeisi ri. Midikek ditde nggong mbrei bidipai doia bidibinggei sut Na lewo Nani ne ditde Allah ri.

MAZMUR 45:7

Allah yai nisindemti bina mem gima anyeng tak kep limwa nya. Ade nisindemti jo ngkiem bijo ninno bijo kikau. Aba angon srenti binyeng tak kep ade limwa nya.

KISAH 2:28

Ba, ando puig di bie tut da ug ei niyaijo nijepti apino dingon llei bibor bidingon nggei-hi-nggei cem lewo aya kui da.’

KISAH 3:26

Gima rino Allah dimig Nide Awak bipinak Noni ndam je nipou bibie leu binhyepo Noni yai gi kei bije tug hon gi Noni bindei ba, jittin ser jiyai munti di sibut nya.”

GALATIA 3:14

Kristus niyai munti dima bindei ba, mun di kei di Allah preu ei mem Abraham kwei pek kep mem ngkiai nya cem. Tug hon nisinati dima lene nye di iba ingon com Allah igyai Ninnei di Noni preu ei mem nye.

GALATIA 3:9

Abraham ba ningon com Allah gima rino Allah njei mun di kei bak noni. Apino yo di iba ingon com Allah yahagom migyai mun di kei bit Abraham.

EFESUS 1:3

Jikwei ba, inggei sut Allah di nok ide Yesus Kristus Nicigya! Lewo Noni njei mun di kei di ntun gwamti him ninyeng hagom bak innei drek dip gi inok gom kin Kristus.