MAZMUR 20:4 - ALLAH NIHYET MEM TUNGWATU NYA

⁴ Handei kon ba, joi sut Ade midut nibikuk na biNoniti nya hagom ba, ningon kei sut Ade midut nindig mindhe ei nimbar hum dokti nya cem.

MAZMUR 20:4 ပူးပေါင်းရင်းမြစ်များ

MAZMUR 145:19

Noni miyai mun di indwau sut nya bak yo di inggei sut Noni. Noni ngig nitingou mem ighyet tirigi yahara Noni apino Noni teu yok bingwes ngun.

MAZMUR 37:4

Ma jinggok tut jingon di llei ndam tuhan leu api Noni miyai mun di jiyok jingon mem bije.

MATIUS 21:22

Gino jiba jingon com Allah tirigi jingat nadi mem mun nyeng hi lene mijiyai mun dima yok.”

MAZMUR 21:2

tuhan e, nibou ndig ningon nggei lewo asindem tut noni tu. Noni yai nillei lewo abindei ba, noni bindei timek nide siceu nya leu api,

YOHANES 16:23

Tirigi njap dima dem ne mijihig ser Da tut mun nyeng hi bu bi. Ma jiyok ngon kep bipia mindei rino jahara Dicig tut tug hon dinyeng lene Dicig mibirop hanyen bije.

NIPINGOK NINGONTI 11:23

Tirigi no di ningon kwes kei nikos tutti nya pek kep ne ningat di kei ntun him. Tirigi no di sibut nikos tutti nya pek kep ne tungwatu nya igga drek dip.

YOHANES 11:42

Dikan tut bipia amiap dihyet bikwop mmun-njap noro dipai nok gima drek dip yo dini leu binhyepo ingon jo kep bipia Nani rino apinak Da kwei a.”

NIJAM NIKEI NYA 13:23

Noro nitnem buhup “Gino tuhan miyai nimai bisa lene noni mice tut mun po sikwas tut noni ei nimbar hum dokti pima ba, mindo mindur dini kin ningon kanti brei bisa nogindi pa bi.”

SAMUEL GI NIGOM 26:19

Andigpoi e, ma angig atingou mem dihyet dini ug e. Gino tuhan rino cuk na di Andigpoi mem gima ahwen bit da lene Noni mibindei cut nigga dati dima tug hon mindhe di dibui bidindig ei nimbar hum dokti hak ug. Noro gino tungwatu nya rino icuk na di Andigpoi mem gima ahwen bit da lene nna ba tuhan misigion yo dima! Lewo igyai munti dima huk ade awak di dani leu tuhan de dihyei apino bitig dino dipri kwei ei dingkiaisi dini bidikuk da bak kwar ngkiai nya ide.

SAMUEL GI NICAN 24:23

Lene Arauna yai gima yok hagom bak nibou ndig bipai bak “Handei kon ba, Na di Anyeng Jei ade tuhan Allah mijoi sut nibon midut nindig mindhe titut kep humti ei nimbar hum dokti dima.”

NIBOHON MBEN ISRAEL GI NICAN 9:12

Lene Nibou Ndig Salomo njei mun nyeng hagom bak Nibou Ndig Sop mben Syeba bit leu sop dima nijoi sutti bikum ei ndigban di Salomo tin ei mem gima yai binoni bit leu niyai kepti. Leu api Nibou Ndig Sop dima njei sut yo di igya kui noni yahagom bingkwei hanyen ug ei nitimieisi.