MAZMUR 19:8 - ALLAH NIHYET MEM TUNGWATU NYA

⁸ tuhan nikos tutti nya ne kei-kau-kei ba, sindem tut nye. Nyeni iba ingon com tuhan nicukti nya di bindei yo di ingon mbum nya igyai ingon di ki biluei bu.

MAZMUR 19:8 ပူးပေါင်းရင်းမြစ်များ

NITRITI 26:5

Midinjei mun di kei bak nani drek dip Abraham di bit dihyet cem kuk no bak Ditde nikos tutti kin nicuk noti nya hagom cem tu.”

NIBOU NDIG NYA GI NICAN 17:37

Ma jibit Ditde niggai serti nya di dipas ei mem je tu. Ma jikuk je bak nung nya au.

NEHEMIA 8:12

Gima rino yahagom ingkwei hanyen ug ei ide ig. Iba ingon di llei bibor bon pesta bidut anggur ningei cem leu api ibingondut yo di hiter lewo ingon dorti tut Srat Nicukti di tibim ei itingou nsi tu.

NEHEMIA 9:13

Asrek kwei leu mpia-bbed him ei Nungug Sinai leu api ambrap bit Ade limwa nya ba, ayai Ade nicukti kin Ade nikos tutti kin Ade nipingok yokti di nijit-jau nya bak yoni ei sirima.

MAZMUR 105:45

leu binhyepo Nide limwa nya mibit Nide niggai serti nya bice tut Nide nicuk yokti nya cem. Jikwei ba, inggei sut tuhan!

MAZMUR 111:7

tuhan ba ningon gom kin ningon sren-srausi biyai nibou tut mun nyeng hagom. Nide nicukti nya hagom dem mem gima iba ingon com.

MAZMUR 119:105

Ahyet ne ninjeng di bie tut da ba, nipigati di piga digai puig mem da ri.

MAZMUR 119:12

tuhan e, dikon anyenga. Angginau da tut Ade nimbrap tutti nya.

MAZMUR 119:121

Diyai munti nya sren kei bidiyai mun di igbit he. Ma akes da ei siceu nya inda nsi au.

MAZMUR 119:128

Gima rino dibit Ade nipingokti nya bidingon mpo tut niyai mun tunggweisi nya hagom.

MAZMUR 119:130

Tirigi ambot kep tut Ade ningginausi ne ninjeng piga digai nye ba, biyai ningon ki bak yo di ingon mbum nya.

MAZMUR 119:14

Dingon llei sut gi dibit Ade nicukti nya ba, hagom bon ninyeng dor njiriek nitug ndei ndigban nyeng hagomti pimo.

MAZMUR 119:143

Mun di buhun bibor kin ningon priti tak kep da noro Ade nimbrap tutti nya bindei ba, dingon llei bibor.

MAZMUR 119:16

Ade nimbrap tutti nya hagom bindei bidingon kei. Midibbwe ser Ade ningginausi nya bi.

MAZMUR 119:171

Midikon anyeng bikwop mmun-njap hagom lewo angginau da tut Ade nimbrap tutti nya.

MAZMUR 119:24

Dijoi sut Ade nicukti nya lewo dem kep nok yo di ipingok kep dingonti.

MAZMUR 119:40

Ayai niyaijo nijep bida lewo angon sren-srau. Dibimbeu sut nibit Ade nikos tutti nya bibor.

MAZMUR 119:54

Diba doia bikiek Ade nimbrap tutti nya mem ditde njap di jei bi ei dihyeisi dini.

MAZMUR 119:80

Abindei ba, dingonti kriek leu Ade nimbrap tutti nya bi leu binhyepo diyai nimmai bi.

MAZMUR 119:92

Gino Ade nicukti nya nok nibousi mem ditde ningon nggei-hi-nggeisi bi lene mpaba dinghuisi di wei mibindei bidimai su.

MAZMUR 12:6

tuhan pai “Siceu nya ico kep nikinei-kinau nya lene yo di inghuisi wei nya yahara kwop. Gima rino nogindini dikwei bindei ba, igyai nibong kei nigwam kei di igyok ingon mem dima.”

MAZMUR 13:3

Suar dibiang mun di buhun ba, dingon ngguk ei njap jei ug bipek mpe di tou i? Ditde siceu nya mico kep da ug bipek mpe di tou i?

MAZMUR 40:8

Lene dibuhup “tuhan e, da rini. Srat bokti di ipas ei srat kijumti pai,

MAZMUR 93:5

tuhan e, akos tutti nya jo ninghig-niker. Ade Ig kwes-kwau cem bijo ninno bijo kikau.

NEHEI LEUSI 18:16

Tirigi ibou can ingon kwes kin yam bi lene ikwei ngat da ba, dibingon nok nikei di kos tut no di bon mun tunggwei leu api ditri tut Allah nicuk yokti kin niggai sertti nya biyok.”

NIPINGOK NINGONTI 2:6

tuhan Nongkom kwas ningon kiti kin nintin kimboti kin ningon di dor niti tut tungwatu nya.

NIPINGOK NINGONTI 30:5

Allah yai mun nyeng hagom bit leu nok gi Noni preu ei mem nye tu. Noni noyam kin mun di ibipukep tibor ninggwenti nya mem yo di ikwei gwam coi Noni.

NIPINGOK NINGONTI 6:23

Acig-apmem nya ide ningginausi nya dem kep ninjeng di piga digai puig di kei mem nani ba, ide nisok kepti nya mindo puig niyaijoti di kei bibor bina.

YESAYA 64:5

Aya um yo di ingon sren kin yo di igyaijo bit leu angon kanti nya. Mbro nok gino angon sibui sut nye lo, nibon kep sisar ba, niyai mun tunggwei habiei kwei bipek ammani kep.

YEREMIA 15:16

Ambrap bit da leu api dimiap kep ahyet hagom. tuhan Allah Di Sindem Bibor e, diceu riNani. Gima rino ahyet bindei ba, dingon kei bibor bidingon nggei-hi-nggei.

YEHEZKIEL 36:27

Midikes Dinnei ei jingonti bidipijuk je leu binhyepo jibit Ditde niggai serti kin Ditde nicuk jeti nya hagom.

ROMA 3:20

Lewo bit bon tungwa hi yai ningon kwes kin Allahti drek dip nibon munti di bit leu nok Puig Yahudi nicuk noti kan bi. Noro nicukti dima ndo brei bak tungwatu nya bipia yahagom ibon sisar.

ROMA 7:22

Dingon mien llei sut Allah niggai serti.

ROMA 7:7

Gi nok ne ipai mindei i? Ipai Puig Yahudi niggai serti kinei e? E bi! Noro Puig Yahudi niggai serti dima ribindei dino dikan tut sisar. Gino Puig Yahudi niggai serti dima cuon ser sisar ningon pri kep mun di hiter mbunti bi ne dingon hukti tut sisar dima bi.

GALATIA 2:19

Puig Yahudi niggai serti pai sut da bipia dimai su. Pui Yahudi niggai serti dima hwen da bidimai su. Nok leu binhyepo diyaijo mem Allah. Dimai ei biei salibti bit Kristus tu ba,

GALATIA 3:21

Gima ndo bindo bipia Puig Yahudi niggai serti tte tut Allah nipreu eisi e? E bi! Leu gino Allah yai niggai serti di bindei ba, tungwatu nya iyai niyaijo nijep lene gima bindo pia igyai ningon di kwes kin Allahti tug hon niggai serti dima.

NINDAT KEP TUHAN NICUKTI NYA 16:11

Suar jiyai nillei bit jimunggwom bat nya kin awak jide nya kin keret Lewi nya kin ngkiai nya kin moibihi nya kin kibom nya di ibong ei jide minu ndig nya. Ma jibon midut dima ei jide tuhan Allah Noho bei ei mpia ttou nsi di Noni ndo ei mem je tu.

NINDAT KEP TUHAN NICUKTI NYA 16:14

Ma jingon nggei-hi-nggei bit jimunggwom bat nya kin awak jide nya kin keret Lewi nya kin ngkiai nya kin moibihi nya kin kibom nya di ibong ei jide minu ndig nya.